Университет аралық олимпиада нәтижесі
«Құқықтану» мамандығында білім алушы студенттердің азаматтық заңнаманы меңгеруге деген ынтасын арттыру мен құқық нормаларын тәжірибеде қолдануға машықтандыру мақсатында 2024 жылдың 27-29 наурыз аралығында әл-Фараби атындағы қазақ ұлттық университеті, «Заң» факультетінің «Азаматтық құқық, азаматтық іс жүргізу және еңбек құқығы» кафедрасының ұйымдастыруымен «ҚР Азаматтық құқығы (Жалпы және Ерекше бөлімдер)» пәнінен университет аралық on-line олимпиада өткізілді және оған Қазақстан республикасының барлық ЖОО-ның «Құқықтану» бағыты бойынша білім алушы 1-4 курс студенттері қатысты.
«DU ECONOMIC» командасы жеңіске жетті
"Абылай хан атындағы Қазақ халықаралық қатынастар және әлем тілдері университеті "АҚ 2024 жылдың 04 сәуірінде "Кәсіпорын экономикасы" пәні бойынша Қазақстан Республикасы жоғары оқу орындарының студенттері арасында республикалық студенттік пәндік олимпиада өткізілді. Бұл олимпиаданың мақсаты- Қазақстан Республикасы азаматтарын жас буынының ғылыми-зерттеу әлеуетін дамыту болып табылады.
«Жастар арасындағы құқық бұзушылықтың алдын-алу профилактикасы» тақырыбында кездесу өтті
Дулати университетінің «Экономика және құқық» және «Технологиялық» факультеттерінің кураторлары Теңізбаева Д.С., Рахманова Ж.С. ұйымдастыруымен барлық 1 курс және 2 курс студенттеріне Жамбыл облысы полиция департаментінің жергілікті полиция қызметі өкілдерінің қатысуымен «Жастар арасындағы құқық бұзушылықтың алдын-алу профилактикасы» тақырыбында кездесу өткізілді. Кездесуге Жамбыл облысы, Тараз қаласы Полиция басқармасы, 1 полиция бөлімі, Жергілікті полиция қызметінің бөлімшесі, Ювенальдық полиция тобы, учаскелік полиция инспекторлары - аға УПИ полиция майоры Халматов Фарух Абдимуталович, полиция майоры Неметов Али, полиция аға лейтенанты Аманова Мадина Бахытовна, полиция лейтенанты Баймамыров Нұрәлі Манатович қатысты. Кездесуде жастар арасындағы бопсалау, есіркі саудасы, интернет алаяқтық, кәмелет жасына толмағандар арасындағы құқық бұзушылық тақырыптары талқыланып өзара сұрақ-жауаптар орын алды.
ЖАМБЫЛ АТЫНДАҒЫ №5 МЕКТЕП-ГИМНАЗИЯДА СОҢҒЫ ҚОҢЫРАУҒА АРНАЛҒАН САЛТАНАТТЫ ЖИЫН ӨТТІ.
1 маусым күні Жамбыл атындағы №5 мектеп-гимназияда соңғы қоңырауға арналған салтанатты жиын өтті. Салтанатты жиынға М.Х.Дулати атындағы Тараз өңірлік университетінен арнайы барған философия және саясаттану кафедрасының аға оқытушысы Баярисов Режеп Уразбаевич та қатысты. Салтанатты жиынды мектеп-гимназия директоры Эльмира Серікқызы Қойлыбаева сөз сөйлеп, ашып берді. Келесі сөз кезегі салтанатты жиынға арнайы келген қала әкімі Бақытжан Әмірбекұлы Орынбековке берілді. Бақытжан Әмірбекұлы 11-ші сынып түлектерін мектепті бітіріп жатқандарымен құттықтай отырып, қаладағы мектеп түлектерінің жетістіктеріне шолу жасап өтті және және №5 мектеп-гимназия түлектерінің алдағы уақытта өмірде өз орнын тауып, жақсы жетістіктерге жете берулеріне тілек білдірді. Одан кейін 11-ші сынып түлектері өздері дайындаған концерт бағдарламаларын көрсетіп, ән айтып, би биледі. Салтанатты жиын соңында мектеп түлектері гимназия директоры мен қала әкімін және жиынға арнайы келген қонақтарды ортаға алып, естелікке суретке түсті.
Мектеппен байланыс: маман даярлау талапкер таңдаудан басталады
«Экономика және құқық» факультеті биылғы оқу жылындағы кәсіптік бағдар беру бойынша кешенді жоспар жасалған. Айқындалған негізгі үш бағыты мынадай:
«Азаматтық құқық және процесс» кафедрасының ашық ғылыми семинар өткізу туралы есебі
19.04.2023 жылы «Экономика және құқық» факультетінде «Азаматтық құқық және процесс» кафедрасы «ҚР-дағы отбасылық-тұрмыстық зорлық-зомбылықта адам құқықтарын қорғауды әкімшілік-құқықтық реттеу (Административно-правовое регулирование защиты прав человека в семейно-бытовом насилии в РК)» тақырыбы бойынша ашық ғылыми семинар өткізді.
Ашық ғылыми семинарға «Жамбыл облыстық тұрмыстық зорлық-зомбылық құрбандарына әлеуметтік көмек көрсету орталығы» КММ мамандары, заңгер Ізбасар Арайлым Бексейітқызы, әлеуметтік жұмыс жөніндегі маман Тюменева Айдана Құдайбергенқызы, психолог мамандар Мұхамеджан Ұлдана Уалиханқызы, Калиева Динара Сабыржанқызы, «Азаматтық құқық және процесс» кафедраның оқытушылары мен студенттері қатысты.
Қазақстан халқының достығы мен бірлігі күні
Қазақстан тәуелсіздік алған күннен бастап, мемлекеттік саясаттың өзекті мәселесіне айналған этносаралық қатынастарды жүзеге асыру мақсатында Жамбыл облысы әкімдігі мен жұртшылығы маңызды қызметтерді атқарды.
Қазақтың байтақ даласы бүгінде 130-дан артық ұлт өкілдеріне ортақ отан болып отыр. Сол себепті де 1 мамыр – халқымыздың бірлігі күні болып есептеледі.
Әрі бұл күн, Қазақстан халқы үшін ең ірі мерекелердің бірі. Еліміздің барлық өңірлерінде 1 мамыр тойланады. Мақсаты, ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау.
«Цивилист» студенттік ғылыми үйірмесімен дөңгелек үстел
28.03.2023 жылы «Экономика және құқық» факультетінде «Азаматтық құқық және процесс» кафедрасы «Цивилист» студенттік ғылыми үйірмесімен бірлесіп «Жергілікті өзін-өзі басқару органдарының қоршаған ортаны қорғауға қатысуының құқықтық негіздері (Правовые основы участия органов местного самоуправления в охране окружающей среды)» тақырыбында.
Дөңгелек үстелге Жамбыл облысы әкімдігінің Жер қатынастары басқармасының заңгері Сатарова Дамира Жолдасовна, «Цивилист» студенттік ғылыми үйірмесінің мүшелері және кафедраның оқытушылары қатысты, сонымен қатар шақырылған қонақтар.
Ұлыстың ұлы күні
Наурыз- бұл ежелгі түркі халықтарының жаңа жыл мейрамы. Парсы тілінен аударғанда наурыз сөзі жаңа күн деген мағынаны білдіреді. Оны барлық түркі халықтары: қазақтар, қырғыздар, өзбектер, тәжіктер, тағы басқалар атап өтеді. Бұл мейрам күн мен түннің теңелген мерзімі. Қазақ елі бұл күнді «Ұлыстың ұлы күні» деп атаған. Наурыз көктемнің ең көркем айларының бірі. Наурыз айын қазақ халқы ерекше құрметтейді. Себебі, наурыз қыстан шығып, күн нұрына бөленіп, жаңа жылды қарсы алу мерекесі.
ХАЛЫҚАРАЛЫҚ АПТАЛЫҚ ЖАЛҒАСУДА
Дулати Университетіне шетелдік профессорларының визиті жалғасуда. Малтепе Университетінің (Түркия) профессоры Сефа Четин 10-қыркүйектен бастап 1 ай бойы "Туризм", "Экономика", "Менеджмент", "Мемлекеттік және жергілікті басқару" мамандықтарының студенттері мен магистранттарына дәріс оқуда.
Шақыртылған шетелдік профессор "Экономика", "Туризм және сервис", "Менеджмент" кафедраларының оқытушы-профессорлар құрамына және білім алушыларға "Персоналды басқару", "Экономиканы мемлекеттік реттеудің бағыттары",
"Заманауи басқару бағыттары", Жоғары білім және ғылым жүйесіндегі әлемдік трендтер" аясында семинар өткізеді.
Шетелдік профессор оқытушаларға ғылыми жобаларды әзірлеу, сондай-ақ, импакт факторлы журналдарға ғылыми мақала жариялау бойынша кеңестер жүргізеді.
ХАЛЫҚАРАЛЫҚ АПТАЛЫҚ ӨТУДЕ.
Дулати Университетіне Heilbronn Университетінің (Германия) профессорлары Яворски Ежи, Александр Джессер және Дитмар Хегель 18-23 қыркүйек аралығында зерттеулер мен білім беру аясында тәжірибе алмасу мақсатында келді.
Шетелдік профессорлар "Туризм", сондай-ақ экономикалық мамандықтардың студенттеріне дәріс оқумен қатар, халықаралық студенттік айырбас бағдарламаларын қаржыландырудың бірнеше нұсқаларын түсіндіре өтті.
Апта барысында шетелдік әріптестер "Экономика" кафедрасының негізгі серіктестерінің бірі - "Қазфосфат" ЖШС-не визит жасап, бірлескен ғылыми-зерттеу жобаларын жүзеге асыру мүмкіндіктері жөнінде сөз етті. Сондай-ақ, ЖШС қызметкерлеріне оқыту семинарын жүргізді.
Университет қонақтары өлкеміздегі тарихи орындарға гидпен бірге экскурсияға шықты.
Қаржылық есептің халықаралық саясатына шолу
«М.Х. Дулати атындағы Тараз өңірлік университеті КЕАҚ «Аудит және салық салу» бағытында жоғары білімді бакалавр және магистр мамандарын даярлаумен айналысатын ауқымды білім ордасы саналады.
Білім берудің заманауи ерекшеліктеріне байланысты «Дуальды оқытуды ұйымдастыру қағидаларын бекіту туралы» ҚР Білім және ғылым министрінің 2016 жылғы 21 қаңтардағы №50 бұйрығы мен 2020 жылы 23 желтоқсанда Директорлар кеңесімен бекітілген 2020-2025 жылдарға арналған «Даму» бағдарламасына сәйкес студенттер тәрбиесі мен тәжірибесіне бағытталған оқытуды күшейту, атап айтқанда тәжірибелі мамандарды тарту, дуальді оқыту, кафедра филиалдары жүйесін дамыту қарастырылған, сәйкесінше дуальды білім беру элементтерін оқу процесіне енгізу аймақта жоғары білікті әрі сұранысқа ие мамандарды даярлап шығару, әрі студенттер мен оқытушы құрамының білікті болуына ықпал ету барысында, тәжірибесі мол мамандардан іс жүзінде тәжірибелік дәріс алу, теория мен тәжірибе ортасын етене жақындату болып табылады. Бүгінгі заман талабына сай бухгалтерлік есеп пен салық есебі халықаралық стандарттар бойынша жүргізілуде, сондықтан қыры мен сыры көп қаржылық есеп бойынша есептілік жүргізу саласында болып жатқан өзгерістер мен толықтыруларды меңгеру мақсатында, 2022 жылдың 05 мамыры, сағат 10-00 де, 2.6.319 аудиторияда «Қаржы және есеп» кафедрасының аға оқытушысы М.Әбдіманаповтың «Қаржылық есептің халықаралық стандарттарына енгізілген өзгерістер мен толықтырулар, және есеп жүргізу бағытындағы басқа да заңдылықтар» атты іс-шара ұйымдастырылды. Іс-шараға «Қаржы және есеп» кафедрасының оқытушылары мен студенттер қатысып, ұйымдастырушыға сұрақтар қойылып, тиісті жауаптар алынды.
Ғылыммен айналысуға мүмкіндік мол
М.Х.Дулати атындағы Тараз өңірлік университеті – тек болашақ мамандарды даярлап қана қоймай ғылыммен айналысуына мүмкіндік жасайтын оқу орны. Университеттің профессор-оқытушылар құрамы, студенттері әртүрлі бағытта ғылыммен айналысып, көптеген жетістіктерге жетіп келе жатқаны – осы сөзіміздің дәлелі.
12 сәуір – Ғылым қызметкерлері күніне орай университетімізде көптеген іс-шаралар өткізілді. Оның ішінде «Экономика және құқық факультеті», «Қаржы және есеп» кафедрасы университетіміздің ғылыми жетістіктері мен осы салада жетістікке жеткен оқытушылар, студенттерді насихаттау және кәсіби-бағдар жұмыстарын жүргізу мақсатында мектеп оқушыларымен кездесулер ұйымдастырды.
«СОҚЫР СЕНІМ» СОРЛАТАДЫ
Білім алу, сауатты болуы – діннің де талабы осы. Алайда, шала біліп, шала үйренгендер «көрдім-білдім» деп өзін де, айналасындағыларды шатастырып бітеді. Міне сол терең зерделеп, ашық сананамен таразылай білмегендер, яғни «соқыр сенімнің» жетегіндегілер ғой, ең соңында ата-анасын да, жақындарын да сорлатып кететін.
Олардың жастық албырттығы, сенгіштігі – өзіне жау. Не нәрсенің болмасын байыбына бармай, айтқанға сеніп, айдағанға көне беретін жастар бүгінде экстремистердің қолындағы «соқыр құралға» айналғаны жасырын емес. Ал жас буынды осы жолдан қалай қайтаруға болады? Аңғалдықпен алданып қалмау үшін не істеу керек?
ЕҢБЕК КІТАПШАСЫНДА БІР ҒАНА ЖҰМЫС ОРНЫ ЖАЗЫЛҒАН САРДАРБЕК РАХЫМБАЙҰЛЫ – 70 ЖАСТА
Қазіргі қоғамның тым жадағай күйге түскені – кісідегінің кілті аспандап кеткені, бірдің қолындағысын екіншісі қақшып жеп кететіні, тәкаппар, мейірімсіздердің қарасының тым көбейіп кеткені.Барға қанағат етіп, біреудің жолын кеспей, бұйырғанының қадіріне жете білетін саналы жандар көп емес ортамызда.Сол аздың бірі – М.Х.Дулати атындағы Тараз өңірлік университетінің «Экономика» кафедрасының оқытушысы Сардарбек Нарматов мерейлі 70 жасқа толып отыр.
Негізі Сардарбек Рахымбайұлы өз кәсібі мен өмір жолын таңдауда қателеспеген жан. Өйткені, өз қалауымен таңдаған мамандық бойынша ғана табысты, жемісті еңбек етуге болады. Ал оның еңбек кітапшасында бір ғана жұмыс орны жазылған. Бір жұмыс орынында жарты ғасырға жуық,нақтысы 48 жыл бойы үздіксіз қызмет атқарып келеді. Бір ұжымда үздіксіз, табан аудармай еңбек ету– сирек кездесетін жайт. Бұл – Сардарбек Нарматовтың өзұжымына деген адалдығының, сүйіспеншілігінің және патриоттық сезімінің бұлжымас дәлелі болса керек.
Ол ауылдан шыққан экономист. Меркіде туып-өсті. Арманы да ауыл баласына тән асқақ болды. Арман қуып, 1969 жылы Алматы қаласындағы С.М.Киров атындағы Қазақ мемлекеттік университетінің (КазГУ) Филиософия-экономикалық факультетінің «Саяси экономия» бөлімшесіне оқуға түсіп, оны 1974 жылы бітіріп, экономист, «Саяси экономия»пәнінің оқытушысы мамандығын алды. Республиканың сол кездегі Жоғары және Орта білім министрлігінің жолдамасымен 1974 жылдың тамыз айында Жамбыл жеңіл және тамақ өнеркәсібі технологиялық институтының «Саяси экономия» кафедрасында ассистент болып еңбек жолын бастаған.
«МЕНЕДЖЕР» СТУДЕНТТІК ҒЫЛЫМИ ҮЙІРМЕСІ
2021 жылдың 3 желтоқсанында М.Х. Дулати атындағы Тараз өңірлік университетінде «Менеджмент» кафедрасының ұйымдастыруымен «Менеджер» студенттік ғылыми үйірмесі аясында "Аймақтың өңдеу өнеркәсібінің даму болашағы" атты ашық ғылыми семинар өтті. Ашық ғылыми семинарға 27-ге жуық мектеп оқушылары,
М.Х. Дулати атындағы Тараз өңірлік университеті «Менеджмент» кафедрасының студенттері мен оқытушылары қатысты. Семинарды «Экономика және құқық» факультетінің деканы К.А. Ернішев сөз сөйлеп, ашып беріп, қатысушыларға сәттілік тіледі. Сомен қатар «Менеджмент» кафедрасының меңгерушісі Ж.А. Назикова сөз алып, семинарға қатысушылардың барлығына қатысқаны үшін алғысын білдіріп, білім беру бағдарламалары мен семинарға қатысушыларға танымал түлектер туралы айтып, презентация өткізді.
ЖОЛДАУ ЖҮКТЕГЕН МАҢЫЗДЫ МІНДЕТ
Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты биылғы Жолдауы еліміздің дамуының жаңа міндеттерін айқындап берді. Жолдау жүктеген маңызды міндеттердің ішінде халқымыздың жаңа болмысын қалыптастыруға, ұлт сапасын арттыруға баса мән беру керектігі ерекше аталып өтті.
ШЫНЫҚСАҢ ШЫМЫР БОЛАСЫҢ!
Биыл Қазақстан Республикасының тәуелсіздігіне 30 жыл толуына орай, мамыр айының 26-30 аралығында Нұр-Сұлтан қаласында таэквондодан ХI жазғы универсиада өтті. Таэквондо десе, бірден аяқ күшімен шайқасатын спорт түрі көз алдымызға келеді. Аталған универсиадаға «Менеджмент» мамандығының 4 курс студенті, аталмыш спорт түрін серік еткендердің бірі - Құрманбеков Арманжан қатысты. Құрманбеков Арманжан - қайсар жігітіміз бұл жарыста да жүлдесіз қалмады. Университетіміздің намысы үшін бар күшін салып, 2 орын иегері атанды.
Подробнее ...
ЖАМБЫЛ АТЫНДАҒЫ №5 ОРТА МЕКТЕПТЕ СОҢҒЫ ҚОҢЫРАУ РӘСІМІ ӨТКІЗІЛДІ
Жамбыл атындағы №5 орта мектеп – Тараз қаласындағы бұрыннан келе жатқан, қалыптасқан өзіндік дәстүрі бар, білім беру деңгейі жоғары, мұғалімдерінің біліктілігі заман талабына сай оқу орны болып табылады. Мектеп ұжымы өз түлектерін ересек өмірге аттандыратын соңғы қоңырауға орай өткізілетін салтанатты жиынға әрқашан да аса үлкен жауапкершілікпен дайындалып, жоғары деңгейде өткізеді. Сонымен қатар, мектепте соңғы қоңырауға байланысты өткізілетін салтанатты жиынға М.Х.Дулати атындағы Тараз өңірлік университеті оқытушыларының ылғи қатысып отыруы игі дәстүрге айналған.
БІЛІМ МЕН БІЛІКТІЛІК БИІККЕ БАСТАЙДЫ
Дулати университеті студенттерінің «Білім және білік» тақырыбында «Болашақ» бағдарламасының түлегі, «Абай жолы» тарихи драмалық телехикаяның қоюшы режиссері, сценарист Мұрат Есжанмен кездесу өтті.
ДАНАЛЫҚ - ҒЫЛЫМНЫҢ БАСТАУЫ
12 сәуір – Қазақстанда ғылым саласы қызметкерлерінің күні. 2011 жылы Елбасы Нұрсұлтан Назарбаев жарлық шығарып, 12 сәуірді ғылым қызметкерлерінің күні ретінде бекітті. Мерекелеу күні – 12 сәуір деп бекітілуі бекер емес. Дәл осы күні қазақ академигі, ғалым-геолог әрі Қазақстан ғылым академиясының тұңғыш президенті Қаныш Сәтбаев дүниеге келген. Бүгінде ғылым адамзат тіршілігінің барлық саласын дамытудың басты факторына айналды. Ұлттық ғылымның заманауи және тиімді жүйесін қолдай білу қасиеті ғылыми жетістіктер санын сөзсіз еселей түседі. Сондай-ақ ғылым елдің бәсекеге қабілеттілігін дамытушы маңызды сала.
ЖҰМЫСПЕН ҚАМТУ - БАСТЫ МАҚСАТ!
Қазіргі таңда нағыз пәрменді әлеуметтік саясат – ол халықты жұмыспен қамту туралы саясат болып табылады. Екі қолға бір жұмыс таба алмай жүргендер ауылда да, қалада да аз емес. Бүгінгі таңда халықты жұмыспен қамту мемлекеттік маңызы бар өзекті мәселе болып отыр. Осы бағытта, Үкімет түрлі бағдарламалар дайындап, халықты еңбекпен қамту мәселесін шешіп жатыр.
РУХАНИ ЖАҢҒЫРУ - ЖАСТАРҒА ЖАРҚЫН ЖОЛ!
Қазақ Елінің жастары білімді, көзі ашық, көкірегі ояу болуға ұмтылулары керек. Себебі, жаңа дәуірде тек бәсекеге қабілетті, аса білімді, сауатты адамдар ғана табысқа жетеді. Ел жастарында осындай қасиеттер болса, кез-келген мемлекеттің болашағы жарқын болары анық. Елбасы Нұрсұлтан Назарбаев осыдан 4 жыл бұрынғы өзінің «Болашаққа бағдар: рухани жаңғыру» атты мақаласында осылайша Қазақ Елінің болашағын білікті жастармен байланыстарын ерекше атап өтті. М.Х.Дулати атындағы Тараз өңірлік университетінің ғалымдары мен студенттері Ұлт Көшбасшысының бұл пікірін толықтай қолдап отыр.
ТӘУЕЛСІЗДІК –ЕЛІМІЗ ӨРКЕНДЕУІНІҢ АЛҒЫШАРТЫ
2021 жылдың 26наурыз күні философия және саясаттану кафедрасының ұйымдастыруымен zoom платформасында университетіміздің студенттері арасында Қазақстан Республикасының Президенті Қасым-Жомарт Тоқаевтың «Тәуелсіздік бәрінен қымбат» атты мақаласына арналған «Тәуелсіздік – еліміз өркендеуінің алғышарты» тақырыбына дөңгелек үстел өткізілді. Дөңгелек үстелге Экономика және құқық факультетінің оқытушылары, кураторлары мен студенттері және университетіміздің басқа да бірқатар факультеттерінен студенттер қатысты. Дөңгелек үстелді философия және саясаттану кафедрасының меңгерушісі Кульбаева Дина Дүйсебайқызы кіріспе сөзбен ашты. Ол өз сөзінде Президент Қасым-Жомарт Тоқаевтың «Тәуелсіздік бәрінен қымбат» атты мақаласының тәуелсіздігіміздің 30 жылдығы қарсаңында жарияланғанына тоқталып, мақалада баяндалған Тәуелсіз Қазақстанның басып өткен белестері мен еліміздің болашаққа бағдары жайлы ойларға шолу жасап, түсінік беріп өтті. Дина Дүйсебайқызы өз сөзінде еліміздің тәуелсіздік жылдары басып өткен негізгі кезеңдеріне тоқталып, сол кезеңдердің ерекшеліктері мен өткен уақытта еліміз қол жеткізген жетістіктерді атап өтті.