Қазақстанның бүгінгі жай-күйін және келешектегі даму бағытын сөз еткенде, өткен тарихын да әрдайым есте ұстап, тарихтан тағылым алған абзал. Бұл орайда тарихтың бөлінбес бір бөлігі- тіл мәселесі. Қазақ тілінің өсіп-өркендеуін бағадарға ала отырып, қазақ қоғамының рухани жағынан жаңғыруына, баюына бірлесе еңбектенгенде ғана ана тіліміздің мәртебесі биік болатыны анық. Еліміздің латын әліпбиіне көшу ұлтымыз үшін жасалған маңызды қадамдардың бірі. Ұлы Дала елінің тарихына көз жүгіртсек, бірінші тұғыры байлық - жер, екіншісі - тіл, үшіншісі - мемлекет және оның тарихы болуы керектігі айқындалады. Ағартушы-педагог ғалым Ахмет Байтұрсынұлы айтып кеткендей, «Ұлттың сақталуына да, жоғалуына да себеп болатын нәрсенің ең қуаттысы - тілі» деген. Алаш қайраткерлері де латын әліпбиін жазу-сызуда қолданды. Бұл бізге таңсық дүние емес. Латын әліпбиі әлемде кеңінен қолданылады. Өзектілгі дау тудырмайтын бүгіннің де, ертеңнің де негізгі мәселелерінің бірі болып қала беретін дүние - қазақ тілінің жай-күйін зерделеу, ұлттық лингвистиканың көшбасшысы ретіндегі даму бағытын айқындау, қазақ жазуының тарихына талдау жасай келе болашақтағы латын әліпбиіне көшуде алдағы уақытта лингвист- ғалымдардыңдың алар орнын, бағытын танып, анықтауымыз қажет.  

 «Адамзат ақыл-ойы талай ғажайыптарды ойлап тауып жатыр. Алда ғаламат жаңалық ашылары сөзсіз. Дегенмен адамзаттың ең ұлы жаңалығы – жазу. Жазудың пайда болуы-мәңгіліктің біржола мойындалуы. Жазу қоғамды ақылды, айлалы етіп қана қойған жоқ, иманды да ибалы, парасатты да етті. Шын мәнінде ғылым, дін, мәдениет жазудың арқасында пайда болды. Осы арқылы өткен ұрпақтардың құндылықтарымен сусындады, кемелденді» – деген қазақ халық жазушысы Әбіш Кекілбаевтың ойын жалғастыра келе,  жазу – халықтың өткені мен ертеңін байланыстырушы. Жазу – халықтың ой-пікірін ұзақ жылдарға, көптеген қашықтықтарға жеткізетін сызбалы немесе суретті таңбалар жүйесі. Адамның ұзақ жылдардағы басты табысына айналған жазу ешқандай уақыт пен кеңістікке тәуелді болмай, барлық салада қолданылып келеді. Қазіргі заманда орта, жоғары оқу орындарының білім беру қызметіне тек білім беру, тәрбиелеу ғана емес, сонымен қатар мемлекеттің интеллектуалдық капиталын инновациялық жұмыстар арқылы қалыптастыру да енеді. Білімнің, ғылымның және өндірістің үштұғырлы қағидалары қазақстандық оқу орындарының оқытудың зерттеу моделіне көшу жолдары арқылы жүзеге асырылады. Үштұғырлы тіл туралы идеяның негізі Қазақстанды бүкіл әлем халқы жоғары білімді мемлекет ретінде тану болса, осы бағытта балабақшадан бастап жоғары оқу орындарында, тіпті кейбір мемлекеттік, жекеменшік мекемелерде де  үш тілде білім берудің тиімді жүйесін дамыту бойынша жоспарлы жұмыстар жүргізілуде.

Заманауи әлемдегі басты құндылықтардың бірі – ғылым мен білімнің тығыз байланысы әрі өзара сабақтастығы. Әлемдік тәжірибе көрсеткендей, инновацияға негізделген білім мен ғылым ел экономикасының, онын тиімділігі мен бәсекеге қабілеттілігін арттырудың әрқашан кілті болып табылады. Қазіргі уақыт білектің күшіне емес, білімнің күші бәсекеге түсудің заманы. Әлемнің озық елдерінің қатарына қосыламыз десек, білім мен ғылым саптың алдынғы қатарында тұру қажет.

Осы орайда, «Практикалық шетел тілдері» кафедрасының профессорлық-оқытушылар құрамы жыл сайын, білім мен ғылымның сабақтастығын негізге ала отырып заманауи ағылшын тілінің негізгі бағыттары мен мәселелерін талқылау және кәсіптік бағдар жұмысын жасау мақсатында, облыс және қала мектептерінің жоғары сынып оқушылары мен колледж студенттеріне арналған конференциялар өткізіп отырады.

12 сәуір – Қазақстандағы Ғылым қызметкерлері күніне орай  Гуманитарлық-әлеуметтік ғылымдар факультеті "Қазақ және орыс тілдері" кафедрасы оқытушыларының ұйымдастыруымен  сәуірдің 18-і күні аталмыш факультет кешенінің 1.3 404 дәрісханасында «Латын таңбасында ұлттық әліпбиге көшудің маңыздылығы» атты ғылыми-тәжірибелік семинар өткізілді. Іс-шараны ұйымдастырған аға оқытушы Букенова Ж.С.

Бүгінгі таңда елімізде латын әліпбиіне көшу әлі де екі жақты тартыс пен талас тудырып отырған мәселе болып табылады. Халықаралық деңгейде ойлайтын ойшылдарымыз бен ұлттың нағыз жанашырлары латынға көшуді дәріптесе, кейбір зиялылар қауымы тарихтың бұл үрдісіне әліге дейін қарсы болып келеді. Латын әліпбиіне көшу, сайып келгенде, ана тіліміздің болашағын ойлап, қолданыс аясын одан әрі кеңейте түсуге мүмкіндік жасап, тіліміздің ішкі табиғи әліпбиіміз арқылы жазудың айтуға жасап келе жатқан қиянатын болдырмай, қазақы айтылым мен жазылым талаптарын жүйеге түсіру деп түсіну керек.

«Практикалық шетел тілдері» кафедрасының аға оқытушысы Д.Алтынбекованың ұйымдастыруымен сыбайлас жемқорлықты болдырмау, оның алдын-алу мақсатында «Жемқорлықсыз болашақ...» тақырыбында сұхбат түріндегі іс-шара өткізілді. Аталмыш іс-шараға ГӘҒФ «Тарих мұғалімдерін даярлау» және АТФ мамандықтарының студенттері қатысты.

Қоғамда әртүрлі ортадағы сыбайлас жемқорлықтың алдын алу, профилактикалық жұмыстарды насихаттау, сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру, саяси өмірдегі жеке тұлға қалыптастыру үшін қоғамда әрбір адамның өзіндік ой-пікірлерінің болуы, және оны тиісті жерде қолдана алуға бейімдеу мақсатында ұйымдастырылған іс-шараның бастамасы ретінде студенттерге жемқорлық пен парақорлықтың салдары және онымен күресудің маңыздылығы жайында мәлімет берілді.

Университетіміз оқытушылардың білім-білігінің деңгейінің өсіп, кәсіби тұрғыдан дамуына әрдайым көңіл бөледі. 2022 жылдың желтоқсан, қаңтар айларында филология факультетінің аға оқытушысы, ф.ғ.к. Нүсіпова Әсима Жеңісбекқызы дүниежүзілік QS рейтингінде 165 орынды иеленген, Әл-Фараби атындағы ҚазҰУ-дың https://www.kaznu.kz/ білім жетілдіру институтында "ХХІ ғасырдағы әдебиеттану ғылымының даму бағыттары" тақырыбындағы курсты тыңдады. Курста қазіргі әдебиеттанудағы жаңа бағыттар туралы көптеген мәліметтер алып, компаративисттік, психологиялық, антропологиялық, дискурстық, фреймдік, семиотикалық тұрғыдан талдау әдістері туралы қызықты зерттеулерді әріптестерімен талқылады. Курс жүргізушісі, ф.ғ.к., аға оқытушы Е.М.Солтанаеваға алғыс білдіреміз.