Университет қабырғасында “Филология және гуманитарлық ғылымдар” факультеті және “Қазақ тілі мен әдебиеті” кафедрасының ұйымдастыруымен көрнекті өкіл, жазушы, публицист Көсемәлі Сәттібайұлына арналған «Қайсар рухты қаламгер» атты әдеби танымдық кеш өтті.

Кеш мақсаты – «Жалғызқара» шығармасының мазмұны мен автордың идеясын кеңінен түсініп, оған терең бойлау арқылы жас ұрпақтың дара болмысын дамыту, тұлғалық қасиеттерін қалыптастыруды насихаттау.

Іс-шараға Басқарма Төрағасы-Ректор Байжұманов Мұхтар, «Жалғызқара» шығармасының авторы – Көсемәлі Сәттібайұлы, ақын, журналист Ғайни Әлімбекқызы, ҚР еңбек сіңірген әртісі Асқарбек Сейілхан, Филология ғылымдарының докторы, профессор Сәмен Құлбарақ және Ш.Мұртаза атындағы руханият және тарихтану орталығының директоры Жасұлан Әбдіхалық қатысты.

Жиын барысында жазушымен еркін форматтағы сұхбат ұйымдастырылып, студенттер жазушыға өз сауалдарын қойды.