Спорттық бағдарламаға: стритбол, стритворкаут, армрестлинг, масс-рестлинг, армлифтинг, гір спорты, арқан тарту енгізілді. Жалпыкомандалық бірінші орынды Тараз қаласының командасы иеленді. Екінші орынды Т. Рысқұлов командасы алды. Ал жүлдегерлердің үштігін Жуалы ауданының өкілдері қанжығалады.
Біздің студенттер қала намысын қорғап, белсенді қатысты. Стритворкаут бойынша жарыста, қос сайыста: турникте тартылу + қосымша салмағы бар брустарда сығу +16кг, 16 жастан 21 жасқа дейінгі жас тобында бірінші орынды «Ақпараттық жүйелер» мамандығының 4 курс студенті Жеңіс Бекзат иеленді.
Қоссайыста: кермеге тартылу қосымша салмақта +24 кг брустардағы тартылулар, 21 және одан жоғары жас тобында бірінші орынды «Тоқыма материалдарының технологиясы және жобалау» мамандығының 4 курс студенті Досай Мұқасан иеленді. Үшінші орынды «Ақпараттық жүйелер» мамандығының 4 курс студенті Әділет Жеткерген иеленді.
Осы аталған барлық студенттер «Стритворкаут» үйірмесіне қатысады, осы үйірме жаттықтырушысы Болат Көпбаев Дулати университетінің "спорт менеджменті" кафедрасының аға оқытушысы.
Стритболдан, яғни көше баскетболынан жарыстардан Тараз қаласының командасы бірінші орынға ие болды. Команда құрамында екінші курс студенті Станислав Евтушенко қатысты. Балаларды біздің ЖОО оқытушылары, тренерлер Азизжон Турсумбаев және Дастан Джылысбаев дайындады және хатшы қызметін Наталия Сиротина атқарды.
ДАСТАН ДЖЫЛЫСБАЕВ