“ҰСТАЗ” институты, “Арнайы және әлеуметтік педагогика” кафедрасы “ИНКЛЮЗИВТІ БІЛІМ БЕРУ САЛАСЫНДА ПЕДАГОГТЕРДІҢ КӘСІБИ ҚҰЗЫРЕТТІЛІКТЕРІН ҚАЛЫПТАСТЫРУ ЖӘНЕ ДАМЫТУ” тақырыбында облыс көлемінде ғылыми үйірме ұйымдастырды.

Мақсаты: Инклюзивті және арнайы білім беруді дамытудың өзекті мәселелерін талқылау үшін мастер класс алаңын құру, оқытушылар мен білім беру ұйымдарының жетекшілерімен тәжірибе алмасу.

Үйірмеге №3 “Мейірім” арнайы мектеп-интернаты КММ, Жамбыл жоғары медициналық колледжі, №25 орта мектеп,ресурстық орталық, №4 “Үміт” арнайы мектеп интернаты, №35 орта мектеп, №9 орта мектеп, Жамбыл облысы “Көп балалы және аз қамтамасыз етілген отбасының балаларына арналған мектеп-интернаты” КММ, “ӨРЛЕУ” ұлттық біліктілікті арттыру, Жамбыл облыстық ведомствоаралық психо-медициналық педагогикалық консультациясы және тағы бірқатар Жамбыл облыстық, Тараз қалалық оңалту, түзету, қолдау көрсету мекемелерінің жетекші мамандары мен мекеме басшылары қатысты.

Үйірме барысында инклюзивті білім беру, ақыл-ой, тіл бұзылысы, есту және көру бұзылысы бар балалармен қалай жұмыс жүргізу қажеттігі туралы түрлі әдіс-тәсілдер көрсетілді. Білім беруде ерекше қажеттілігі бар балаларға инклюзивті оқу жағдайында АВА терапиясы арқылы жағымсыз мінез-құлық іс-әрекеттерін түзету әдістеріменде бөлісті. Логопед мамандарға аутист балалармен жұмыс жүргізудің практикалық әдістері көрсетілді.

Жоғарыда аталған мекеме мамандары және кафедра оқытушылары, студенттер өзара тығыз тәжірибе алмасып, өзекті мәселелерді талқылады. №3 “Мейірім” арнайы мектеп-интернаты КММ- нің балалары өз өнерлерін көрсетті.