ҚР жоғарғы оқу орындарының студенттері арасындағы ХІІІ – Жазғы Универсиадасында «Қазақ күресі» және «Дзюдодан» өткен жарыс өз мәресіне жетті. 17 спорт түрінен бәсекеге түсіп жатқан Дулати университетінің спортшылары үздік бестіктен көрініп келеді. «Қазақ күресінен» өткен белдесуде Асылхан Дүйсенбек 55 кг салмақ дәрежесінде өнер көрсетіп ІІ орынды иеленді. 90 кг салмақ дәрежесінде Жақсыбек Шерхан бозкілемде жоғары деңгейде бақсынасып күміс медальды қоржынға салды.

Ал Рысмахан Темірлан 82 кг салмақ дәрежесінде сынға түсіп ІІІ орынға табан тіреді.

Дзюдодан Дулати құрамасының жетістіктері

Қыздар арасында «Дзюдодан» өткен бәсекеде аруларымыз алтын, күміс және қола медальдарын еншіледі. Жамбылдық жампоздар қарсыластарын місе тұтпай жеңіс тұғырына табан тіреді. Жүлделі орын алған студенттерді атап айтар болсақ, Аружан Адасқан 52 кг салмақ дәрежесінде І орынға ие болды, Алина Сатқыналиева 57 кг салмақ дәрежесінде ІІ орынды еншіледі, Асылжан Орынбасарова 70 кг салмақ және Ұлдана Таңжарық 63 кг салмақ дәрежесінде бозкілемде белдесіп ІІІ орынға ие болды.

Сондай ақ, ерлер арасында өткен «Дзюдодан» 66 кг салмақ дәрежесінде Бейбіт Нұралы ІІІ орынды иеленді.