Бүгін университет қабырғасында «Денсаулық» спартакиадасының жабылу салтанаты өтті. Тартысты өткен спартакиаданың қорытындысы бойынша 246 ұпаймен «Педагогика және әлеуметтік ғылымдар» факультеті III орыннан көрінді. «Дене шынықтыру және алғашқы әскери дайындық» факультетінің командасы II орынды иеленді. «Су шаруашылығы және табиғатқа үйлестіру» институтының командасы жүлделі I орынды жеңіп алды!
Жеңімпаз командалар кубокпен, алғысхаттармен марапатталды.
Айта кетейік, спартакиадаға қатысушылар спорттың 12 түрінен өзара бақ сынаған болатын. Төрешілердің шешімімен жеңімпаз командалар, озық ойыншылар анықталды.
Спартакиаданың жабылу салтанатында сөз алған Басқарма мүшесі – әлеуметтік-мәдени даму жөніндегі проректор Аслан Тұрлыбек жеңімпаздарды құттықтап, жарысқа қатысушыларға алғыс білдірді.
