Дулати университетінің Ғылым және коммерцияландыру департаментінің бастауымен 7-11 сәуірі аралығында Бағдарламалық-нысаналы қаржыландыру (ПЦФ) аясында ашылатын зертханаларды аккредитациялау мақсатында ғылыми жобалар жетекшілері мен жауапты орындаушылар үшін біліктілікті арттыру курсы ұйымдастырылды.
Оқу курсының мақсаты – зерттеу жобаларын халықаралық талаптарға сай сапалы ұйымдастыру және нәтижелерді тиімді енгізуге бағытталған зертханалық жұмыстарды аккредитациялауға дайындық жүргізу.
Курс барысында ғылыми жетекшілерге зертханалық стандарттар, аккредитациялық рәсімдер, қауіпсіздік ережелері, техникалық талаптар мен халықаралық сапа жүйелері бойынша тәжірибелік және теориялық мәліметтер беріледі.
Курс соңында қатысушылар тәжірибелік кейстерді талдап, өз жобаларындағы зертханалық инфрақұрылымды жетілдіру жолдарын қарастырып, бағдарламаның соңында қатысушыларға сертификаттар табысталатын болады.
