Қай кезеңде де өзгермейтін бір қағидат бар. Ол – қорғаны мықты елдің рухы асқақ, іргесі берік болатындығы. Сол себепті де елді қорғау дейтін міндет әу бастан абыройлы әрі мәртебелі саналады. Парасат-пайымымыз, бәс-бағамыз жоғары болуымен бірге, бізге қуатты армия қажет. Тәуелсіздіктің тұғыры биік, ел қауіпсіздігі мығым болуы үшін де білімді, білікті мамандарға сенім артамыз.

7 мамыр – Отан қорғаушылар күніне орай М.Х.Дулати атындағы Тараз өңірлік университетінде  ұйымдастырылған салтанатты жиында жалпы қоғамда ер азаматқа артылатын сенім мен жауапкершіліктің үлгісі көрініс тапты. Арнайы жасалған бейне-роликтерге де елге қорған болар ерлерге деген құрмет пен сыйластық арқау болды.

Салтанатты жиын соңында ректор Талғат Ешенқұлов мереке иелерін құттықтап, жылы лебізін жеткізді. Қазақ қашанде ер азаматты жоғары қойып, ел қорғаны, шаңырақ иесі деп құрметтеген. Қашанда үлгі болуға лайық ұжым жігіттерінің өз ісіне жауапкершілікпен қарап, маман даярлауға атсалысып жүрген өлшеусіз еңбегін атап өтті. Ұйымшылдығы жоғары, үлкен ұжым екендігінің тағы бір дәлелі болған концерттік бағдарлама жасап, мерекелік көңіл күй сыйлаған аруларға алғыс білдірді.

Дулати университетінің қызметкерлері мен оқытушыларының әзірлеген концерттік бағдарламаға үлкен шығармашылық ізденіспен дайындалған екен. Оқытушылардан құрылған трио, жекелеген әншілер мереке иелеріне тамаша тарту жасады. Ән шырқап, тамаша мерекелік көңіл күй сыйлады.

Медиа-қызмет.

М.Х.Дулати атындағы Тараз өңірлік университетінде  «Су шаруашылығы» бағыты бойынша республикалық оқу-әдістемелік кеңестің оқу-әдістемелік бірлестігінің мәжілісі өтті. Басқарма төрағасы – ректор Талғат Ешенқұлов төрағалық еткен жиында негізгі 3 сұрақ қарастырылды. Соның ішіндегі маңыздысы – «Гидротехникалық құрылыс» және «Гидромелиорация» бакалаврларын дайындау үшін Орталық Азияның мамандары мен ғалымдары әзірлеген пәндердің оқу бағдарламаларын «Су шаруашылығы» даярлау бағыты бойынша білім беру бағдарламаларына енгізу» мәселесі.

Оның жолдарына «Гидротехникалық құрылымдар қауіпсізідігі бойынша халықаралық оқу орталығының» директоры, техника ғылымдарының докторы, профессор Сагит Ибатуллин тоқталды. Ал «Су шаруашылығындағы кәсіби біліктілікті тану-қазіргі заманғы деңгейдегі кадр саясатының маңызды элементі» мәселесін Халықаралық Аралды қорғау қорының атқару дирекциясының сарапшысы, техника ғылымдарының кандидаты,  доцент   Демесін Нұрмағанбетов тарқатып айтты. Сондай-ақ су шаруашылығы бойынша жетіспейтін кәсіптік стандарттардың тізбесін М.Х.Дулати атындағы Тараз өңірлік университетінің «Академиялық саясат жөніндегі» департамент директоры, техника ғылымдарының кандидаты, профессор Мәлібеков Алдаберген Мәлібеков айқындап берді. Аталған мәселелер бойынша сұрақтар жан-жақты талқыланды. Жарыссөзге шыққан Мичиган университетінің профессоры, (Канада – АҚШ) Жанай Сагин Қазақстанда жер асты суларын пайдаланудың және осы бағытта мамандар даярлаудың  өзекті мәселелері бойынша сөз қозғады.

Осы мәжілісте  Су шаруашылығы» бағыты бойынша дайындалған және апробациядан өткен оқу-әдістемелік жұмыстар «Су шаруашылығы» білім беру бағдарламалары үшін оқулық ретінде ҚР БҒМ «Су шаруашылығы» бағыты бойынша республикалық оқу-әдістемелік кеңестің оқу-әдістемелік бірлестігімен ұсынылған және ҚР БҒМ рұқсат етілген» грифте оқу үдерісіне енгізу үшін 7 оқу-әдістемелік құралдар қарастырылып, бектілді.

Әр сұрақ бойынша Кеңестің шешімі қабылданды.

М.Х.Дулати атындағы Тараз өңірлік университеті, Ұстаз институты, «Мектепке дейінгі және бастауыш білім беру» кафедрасында студенттерге арналған ғылыми үйірме жұмыс жасайды.

Осыған орай, «Шебер қолдар» үйірме мүшелерінің ұйымдастыруымен 2022 жылдың 3 мамыры күні «Ертегілер еліне саяхат» тақырыбында облыстық шебер- сынып байқауы өтті.

 Мақсаты:  Тұлғаны шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін дамыту.

2022 жылдың 29 сәуірінде М.Х. Дулати атындағы Тараз өңірлік университетінің әскери кафедрасында Ұлы Отан соғысындағы Жеңістің 77 жылдығына және Отан қорғаушылар күнінің 30 жылдығына арналған әскерилендірілген эстафета өтті.

Эстафетада Ауған соғысының және Қазақстан Республикасы Қарулы Күштерінің ардагері, отставкадағы генерал-майор Ерниязов Әлімжан Қанағатұлы мен зерттеулер және халықаралық байланыстар жөніндегі проректор Нұрмұханбет Данияр Ысқақұлы қатысты.

Іс-шара соңында жарыс жеңімпаздарын дипломдармен және грамоталармен салтанатты марапаттау рәсімі өтті.

29 апреля 2022 года на военной кафедре Таразского регионального университета имени М.Х. Дулати прошла военизированная эстафета  посвященная 30-ти летию Дня защитника Отечества и 77-й годовщине победы в  Великой Отечественной  войне.

Гостями были ветеран афганской войны и Вооружённых Сил Республики Казахстан генерал-майор в отставке  Ерниязов Алимжан Канагатович и проректор по исследованиям и международным связям Нурмуханбет Данияр Искакович.

По окончанию мероприятия прошло торжественное награждение дипломами и грамотами победителей соревнований.

«Дизайн және сән индустриясы» кафедрасы осы саладағы жұмыс берушілердің басын қосып, «Дизайн саласында жеке бизнес құрудың өзекті мәселелері» тақырыбында дөңгелек үстел өткізді. Мақсат – болашақ дизайнерлердің кәсіби дағдысын таныстыру. Оған «Дана-Дель» тігін шеберханасының директоры, «Шебер мекені» қауымдастығының төрағасы Б. Тоқтыбаева, «Набоко» сән үйінің директоры И. Набоко, «Асыл-Ай» тігін ательесінің директоры А. Садықова, «Маркиза» перде салонының директоры О. Иванова, сондай-ақ, «Халықаралық жаһандық әйелдер көшбасшылығы» ҚБ президенті Х. Балтаева Нұр-Сұлтан қаласынан арнайы келіп қатысты.

Бұл күні 6В02111-Сән дизайны кафедрасының оқытушыларына, студенттеріне өз идеяларын мен эскиздерін нағыз кәсіби мамандар алдында қорғауға мүмкіндік туды. Талантты дизайнерлердің туындылары майталман мамандардың назарын бірден аударғанын айту керек. Олар шығармашылық жұмыстарды республикалық және әлемдік деңгейге шығару жолдарын талқылады.

Х. Балтаева биыл наурыз айында Дубайда (БАӘ) өткен әлемге әйгілі дизайнер Мона Әл-Мансоури модельдерінің көрсетілімін таныстырды және біздің студенттер үшін Нұр-Сұлтан қаласында этнографиялық модельдерді көрсетуге қатысу туралы ұсыныс жасады.

Пікір алмасып, студенттердің шығармашылық жұмыстарын көргеннен кейін үш тарап – «Дана-Дель» тігін шеберханасының директоры, «Шебер мекені»қауымдастығының төрағасы Б. Тоқтыбаева, «Халықаралық жаһандық әйелдер көшбасшылығы» ҚБ президенті Х. Балтаева мен М.Х. Дулати атындағы Тараз өңірлік университетінің басқарма мүшесі, зерттеулер және халықаралық зерттеулер жөніндегі проректоры Д. Нұрмұхамбет ынтымақтастық туралы меморандум жасасты.

Кафедра «Дизайн и индустрия моды» провела круглый стол на тему: «Актуальные вопросы создания собственного бизнеса в сфере дизайна»  с приглашением работодателей в лице директора швейной мастерской «Дана-Дель», председателя Ассоциации «Шебер мекені» Токтыбаевай Б.Е., директора Дома моды «Набоко» Набоко И.А., директора швейного ателье «Асыл-Ай» Садыковой А.С., директора салона штор «Маркиза» Ивановой О.А., а также специального гостя - Президента ОО «Международное глобальное женское лидерство» Балтаевой Х.Ж., г. Нур-Султан.

В доверительной теплой обстановке велся диалог между преподвателями кафедры, студентами ОП 6В02111-Дизайн моды по продвижению своих идей, эскизов, творческих работ на республиканский и мировой уровень.

Балтаева Х.Ж. презентовала показ моделей дизайнера с мировым именем Моны, прошедший в марте текущего года в Дубае (ОАЭ) и сделала предложения для наших студентов поучаствовать в показе этнографических моделей в городе Нур-Султане.

После обмена мнениями и просмотра творческих работ студентов пришли к предложению о заключении Меморандума о сотрудничестве между тремя сторонами: 

1. Директора швейной мастерской «Дана-Дель», председателя Ассоциации «Шебер мекені» Токтыбаевай Б.Е.
2. Президента ОО «Международное глобальное женское лидерство» Балтаевой Х.Ж.
3. Члена Правления –проректора по исследованиям и международным исследованиям Таразского регионального университета имени М.Х.Дулати Нурмухамбет Д.Ы.

М.Х.Дулати атындағы Тараз өңірлік университеті – жас ғалымдардың диалог алаңы десек, артық айтпаймыз. Оқу орнында ұйымдастырылып тұратын түрлі деңгейдегі ғылыми конференциялар жас зерттеушілерге серпін беруде. Соның бірі – Дулати университетінде сәуірдің соңғы аптасында өткен жаратылыстану, техникалық, әлеуметтік-гуманитарлық және экономикалық ғылымдары бойынша «Жас ғалым»атты халықаралық студенттік ғылыми-практикалық конференциясы.

Конференцияда 9 пленарлық баяндама және 12 секция отырыстарында 312 баяндама тыңдалды. Ұсынылған баяндамалардың ерекшеліктері – қызықты әрі саналуандығында. Онда ғылыми өзекті мәселелердің кең ауқымын қамтыды. Ұлттық экономиканы дамытудың және шаруашылық қызметті талдаудың басым бағыттары, макроэкономикалық Стратегиялық жоспарлау жүйесіндегі жетекші өнеркәсіптік дамыған елдердің тәжірибесі жан-жақты қаузалған. Қарастырылған тақырыптардың ішінде өңірдің индустриялық-инновациялық дамуы, химия, тамақ және жеңіл өнеркәсібін, мұнай-газ саласын, энергетиканы, көлікті, су шаруашылығын дамытудың өзекті мәселелері, экологияның қазіргі заманғы проблемалары, азаматтық, еңбек және қылмыстық құқық бұзушылық проблемалары бар. Сондай-ақ қазіргі заманның сабақтастығы мәселелері, адамгершілік, толеранттылық мәселелері, мистицизм, қазіргі жастарды патриоттық тәрбиелеу, салауатты өмір салтын насихаттау және басқа мәселелер де назардан тыс қалмады.

Конференцияға 23 баяндамамен 7 шет мемлекеттің (Португалия, Польша, Россия, Украина, Беларусия, Қырғызстан, Узбекистан) 15 жоғары оқу орындарының студенттері қатысты.

Конференция қорытындысы бойынша 86 жеңімпаз дипломдармен, оның ішінде І дәрежелі дипломмен – 27, ІІ дәрежелі дипломмен – 24 және ІІІ дәрежелі дипломмен – 35 студент марапатталды.

Үстіміздегі жылдың наурыз-сәуір айларында Қырғызстан Республикасы Бішкек қаласының Қырғыз-Ресей-Славян Университетінде ғылыми тағылымдамадан өттім. Онда ғылыми жетекшім «Су ресурстары» кафедрасының меңгерушісі т.ғ.к., доцент Жолдасов Сапарбек Құрақбайұлымен бірлесе отырып, алдын-ала жасалған жоспар бойынша ғылыми-зерттеу жұмыстарымды жүргіздім.

Аталған университеттің «Гидротехникалық құрылымдар» зертханасында эксперименттік жұмыстар жүргізіп, «Ашық арналардың өткізу қабілетіне бұжырлық коэффициентінің әсерін зерттеу» атты диссертациялық жұмысымның бұжырлығы біркелкі емес арналарда ағын қозғалысының ерекшеліктеріне зерттеулер жасадым. Сонымен қатар «Су энергиясын төмендеткіш тезағар» тақырыбында патент дайындауға нақты нәтижелер алуға мүмкіндіктер туындады.

Диссертациялық тақырыбым бойынша Бішкек қаласында ғылыми-техникалық кітапханадан, Қырғыз-Ресей-Славян Университетінің кітапханасынан және «Қырғыз-Ресей-Славян Университеті Жаршысы» (Вестник Кыргызско-Российского-Славянского университета) ғылыми журнал жинағынан материалдар жинақтадым.

Шетелдік ғылыми жетекшім т.ғ.к., профессор Логинов Геннадий Ивановичтің «Русловые и гидравлические процессы при водозаборе из горных рек в гидроэнергетические и ирригационные системы» атты диссертациялық жұмысынан тақырыбыма сай көптеген мағлұматтар алдым.

25 сәуір 2022ж күні Қырғыз-Ресей-Славян Университетінде «Сәулет, дизайн және құрылыстағы заманауи мәселелер» тақырыбында өткен Халықаралық ғылыми-тәжірибелік конференцияға «Суланған периметр бойынша кедір-бұдырлы арналардағы ағынның қозғалысы» тақырыбында дайындалған мақаламен қатысып сертификат алдым. Бір сөзбен айтқанда бұл ғылыми тағылымдама жаңа идеялардың туындауына көп септігін тигізді. Тағылымдама барысында Бішкек қаласына барып қайту жолкіре, жатын орын, тамақтану университет есебінен төленді. Осындай зор мүмкіндіктер жасаған М.Х.Дулати атындағы Тараз өңірлік университетінің Басқарма төрағасы – Ректоры Ешенқұлов Талғат Ілиясұлына шексіз алғысымды білдіргім келеді.

8D07411-«Гидротехникалық құрылыс және құрылымдар»

білім беру бағдарламасының докторанты

Тәттібаев Сағынтай Жақыпәліұлы

Өңірлер арасында маманмен қамту ісінде де диспропорция бар екені жасырын емес. Осы түйткілдің шешімін табу үшін 2022-2027 жылдарға арналған «Мұғалім тапшы өңірлерге үздік педагогтарды тарту» арнайы бағдарламасы қабылданбақшы. Бұл бағдарлама арқылы педагогтарға қандай жеңілдіктер жасалады? Әлеуметтік қолдау шаралары қалай жүргізіледі? Жалпы белгіленген мерзімде бағдарлама өз жемісін беріп, мықты маманға деген сұранысты толық өтеу мүмкін бе? Осы және бағдарламаға қатысты туындаған басқа да сұрақтар бойынша М.Х.Дулати атындағы Тараз өңірлік университетінің «Ұстаз» институтында қоғамдық талқылау өтті.

Білім және ғылым министрлігінің және облыс әкімдігінің білім басқармасының мамандары оқытушы-профессорлар құрамы және болашақ педагогтармен кездесті. Министрліктің Мектепке дейінгі және орта білім беру комитетінің педагогикалық кадрлармен жұмыс жөніндегі жетекшісі Айман Дюсембаева, «Қазақстандық салалық білім және ғылым қызметкерлерінің кәсіподағы» қоғамдық бірлестігінің құқықтық жұмыстар бойынша бөлім басшысы Райхан Қыдырбаева бағдарламаның қандай мүмкіндіктерге жол ашатынын, әлеуметтік тұрғыда қандай қолдаулар көрсетілетінін түсіндірді. Оқытушылар қойған сұрақтарға жауап берді.

Жалпы елімізде  «Педагог мәртебесі» туралы арнайы заң қабылданғалы бері мұғалімдердің жалақысы көтеріліп, әлеуметтік қолдау шаралары қолға алынғаны белгілі. Сонымен қатар, педагогикалық бағытта оқитын студенттердің шәкіртақылары екі есе артты және келесі оқу жылынан бастап тағы 25 пайызға артады деп күтіліп отыр.

Міне осы оң өзгерістер білім сапасының артуына ықпал етіп отыр десек, артық айтпаймыз. Оның ішінде педагог мәртебесін айқындаған арнайы заң да ұстаздардың алаңсыз білім беруіне жол ашты. Ендігі мәселе – маман тапшы өңірлердегі жағдайды реттеуге келіп тіреледі. Салалық арнайы бағдарлама қабылдау қажеттілігі содан туған.

Кездесуде министрліктен келген өкілдер арнайы бағдарлама жобасын әзірлеу кезінде өңірлердегі педагогтердің тапшылығын анықтау бойынша талдау жүргізілгенін айтты. Мамандар талдау нәтижесінде Қазақстанның Атырау, Түркістан, Алматы, Маңғыстау – осы 4 өңірде мұғалімдер тапшылығы барын анықтаған. Сондай-ақ, математика, физика, химия, орыс тілі мен әдебиеті, шет тілі сынды пәндерден сабақ беретін ұстаздар аз екені белгілі болған. Олар осы айқындалған проблемалардың шешімін табу үшін арнайы бағдарлама қабылданып, мұғалімдер тапшылығы байқалған өңірлерге үздік педагогтерді тартудың тиісті қолдау шаралары жүргізілетінін түсіндірді.