Мәдениет және өнер кафедрасының ұйымдастыруымен «Өлмейтұғын артында із қалдырған» атты тақырыпта Абай Құнанбаевтың 175 жылдығына арналған онлайн форматта ән сазды композиция өтті.
Ән- сазды кешке мәдениет және өнер кафедрасының оқытушылары мен аталған факультеттің студенттері қатысты. Компазиция барысында «Көзімнің қарасы» әнін Жаңабай Нұраділ фортепианомен орындаса, Абай мен Тоғжанның сахналық қойылымынан үзіндіні 2 курс студенті Шегетай Нұрасыл мен Жансая Орынбай сомдап шықты. Аталмыш кафедраның вокалисі Заман Бегімбет «Айттым сәлем Қаламқас» әнін орындады. Мәдениет және өнер кафедрасының оқытушысы Қажыбай Айтибаев пен Анель Козайрь Татьяна мен Онегиннің хаттарынан үзінді оқыды. Сонымен қатар, «Желсіз түнде жарық ай» әніне студенттер хор орындады.
МЕДИА-ҚЫЗМЕТ