«Білім берудегі менеджмент» кафедрасының ұйымдастыруымен «Тәлім-1: педагогикалық тренд. ЖОО-да қашықтан оқыту жағдайында куратордың тәрбие жұмыстарын ұйымдастыру ерекшеліктері» тақырыбында республикалық вебинар өткізілді.
Жиынға республикамыздың түкпір-түкпірінен ЖОО-ның танымал ғалымдары, болашақ педагогтері мен тәлімгерлері, магистрантар мен PhD докторанттары; арнаулы орта және жалпы орта білім беретін мекемелердің басшылары мен жаңашыл ұстаздары қатысты.
Іс шараның мақсаты қашықтан оқыту жағдайында ЖОО тәрбие жұмысының жаңаша мазмұнын айқындап ашып көрсету.
Аталмыш жиында Л.Н.Гумилев атындағы Еуразия Ұлттық университетінің профессоры, ф.ғ.д. Рахымжан Тұрысбек «Әл-Фараби және ұлттық тәрбие құндылықтары» тақырыбына баяндама жасап, Ұлы Дала кемеңгері әл-Фараби тағылымдарын қашықтан оқыту жағдайында да дәріптеу қажеттілігіне баса назар аудартып, өзінің нақты ұсыныстары мен ой-тұжырымдарымен бөлісе, Қ.Жұбанов атындағы Ақтөбе өңірлік университетінің профессоры, педагогика ғылымдарының кандидаты, «Педагогика, психология және бастауыш оқыту» кафедрасының меңгерушісі Гульшат Бахтиярованың «Қашықтықтан оқыту жағдайындағы ЖОО-да тәрбие жұмыстарын ұйымдастыру жолдары: инновациялық іс-тәжірибе» баяндамасы көпшілік көңілінен шықты. «Универ» бағдарламасындағы куратордың электронды журналының ЖОО-ғы тәрбие үдерісін ұйымдастырудағы мүмкіндіктерін ашты. Әсіресе жас куратор педагогика магистрі Райбек Сағадатов «Welkome to Znubanov: # Podcast» оқушыдан-студентке қанатқақты жобасының онлайн таныстырылымы ерекше әсерлі шықты.
Республикалық вебинардың «Болашаққа бағдар» айдарында М.Х.Дулати университетінің студенті Ернұр Хаирбековтің интеллектуалды ұлт тәрбиелеу үшін мектептің материалдық-техникалық базасын да әлемдік көрсеткіштер деңгейінде жаңарту қажеттілігін баса назарға ұстанған «Инновациялық мектеп-2030» ғылыми Жобасы көпшілікті елең еткізді және педагогикалық қауымдастықтың тарапынан үлкен бағаға ие болды.
М.Х.Дулати атындағы Тараз өңірлік университетінің бастамасы- « Тәлім-3: Абай тағылымы» педагогикалық челенджі қара шаңырақ Абай атындағы Қазақ Ұлттық педагогикалық университетіне жолданды.
Клара БУЗАУБАКОВА
« Білім берудегі менеджмент» кафедрасының меңгерушісі, п.ғ.д., профессор