Дулати университетінде атақты ғалым, Халықаралық ақпараттандыру академиясының академигі, экономика ғылымының докторы, профессор, Тараз қаласының құрметті азаматы, Мұратбек Рахметбайұлы Қасеновтың 80 жылдығына орай «Аймақтық экономиканың бәсекеге қабілеттілік мәселелері: теория және практика» тақырыбында халықаралық ғылыми-тәжірибелік конференция өтті.

Конференцияға Дулати университетінің зерттеулер және халықаралық байланыстар жөніндегі проректоры Данияр Нұрмұханбет, экономика ғылымдарының докторы, профессор Ануарбек Айменов, техника ғылымдарының докторы, профессор Әбдіманап Әбдіраманов, сондай-ақ, Л.Н.Гумилев атындағы Еуразиялық ұлттық университеті, Қ.И.Сәтбаев атындағы қазақ ұлттық зерттеулер техникалық университетінің және т.б. ғалымдар қатысты.

Іс-шара барысында Мұратбек Қасенов атындағы кабинет ашылды.