М.Х. Дулати атындағы Тараз мемлекеттік университетінде 2008-2012 жылдары ректор қызметін атқарған, техника ғылымдарының докторы, профессор, халықаралық инженерлік ғылымдар академиясының академигі Әшімжан Сүлейменұлы Ахметовты еске алуға арналған шахматтан турнир өтті.
Ақыл мен ойдың спортына университеттің профессор-оқытушылар құрамы мен студенттері қатысты. Университетімізде жыл сайын дәстүрлі түрле өтетін ойының салтанатты іс-шарасын бірінші проректоры, техника ғылымдарының докторы, профессорТемірхан Толқынбаев ашып берді. Сонымен қатар, Жамбыл облысы әкімдігінің дене шынықтыру және спорт басқармасының орынбасары Нұржан Жолдасбековылдан-жылға біздің университеттің студенттері спорттың қай саласы болмасын үлкен жетістіктерге жетіп келе жатқандығын айтты. Былтыр 150 жоғары оқу орындары арасында өткен жарыстан біздің университет 3 орынды алып келгендігіне де тоқталып өтті. Сондай-ақ, студенттердің ТарМУ қабырғасында өткізген әрбір күндері спорт әлеміндегі жаңашылдықтың бастауына айналарына сенім білдірді.
Дода «Блиц турнир» президенттік жүйе «Фиде» ережесі бойынша болып өтті. Сайыс қорытындысы бойынша ерлер арасында Мұнай, газ және механика факультетінің оқытушысы Әділхан Раимбаев қарсыластарын басып озып I орынды еншілесе, «Ақпараттық технологиялар, автоматика және теллекоммуникция» факультетінің оқытушысы Темірлан Манап II орынды жеңіп алды. «Мұнай, газ және механика» факультетінің оқытушысы Сержан Көшербай III орыннан көрінді. Ал, қыздар арасында Айнұр Жатқанбаева I орыннан көрінсе, II орынды Назгул Байсерикова, Мақсұт Әсем III орынды алды.
Жанар Бекбергенова оқытушы