Университет қабырғасында Басқарма төрағасы – ректор Мұхтар Байжұманов шәкірт жолында талмай еңбек еткен және білім саласына үлесін қосып жүрген бірқатар ұстаздар мен қызметкерлерге марапаттарын табыстады.
Жиынды Басқарма төрағасы – ректор Мұхтар Байжұманов құттықтау сөзбен ашып, ұстаздардың қоғамдағы рөлін құрметтеу және олардың қажырлы еңбектері туралы сөз қозғады. Ұлағатты ұрпақ тәрбиелеу – аса жауапты әрі күрделі міндет екенін тілге тиек етіп, әрбір ұстаз құрмет пен мемлекеттік наградаға лайықты екенін жеткізді.
Салтанатты жиында «Химия және химиялық технология» кафедрасының меңгерушісі Маржан Қалмахановаға және университеттің бас бухгалтеры Нұрбике Амиртаеваға «Ғылымды дамытуға сіңірген еңбегі үшін» төсбелгісі табысталды.
Қазақстан Республикасының жоғары білім және ғылым саласын дамытуға елеулі үлес қоса отырып, өркендеу жолында атқарған еңбегі мен адал қызметі үшін ҚР Ғылым және жоғары білім министрлігінің «Құрмет» грамотасымен Марина Кошқарбаева, Клара Бузаубакова және Надежда Рыбалкина марапатталды.
Университетіміздің қызметкерлері Арман Кабдушев, Сейдехан Бахторазов, Гүлнар Зияева, Гүлқыз Жидекулова, Айша Нұрлыбаева қауымдастырылған профессор (доцент) атағына ие болды.
ҚР Спорт және туризм министрінің «Құрмет» грамотасымен Ерик Махамбетов және Дастан Джылысбаев марапатталды.
Жамбыл облысы әкімінің 2024 жылғы 19 қарашадағы №167 өкіміне сәйкес Темірхан Бижігітовке «Облысқа сіңірген еңбегі үшін» төсбелгісі табысталды.
Жамбыл облысының 85 жылдық мерейтойына орай, облыстың әлеуметтік-экономикалық дамуына қосқан үлесі үшін «Экономика және құқық» факультетінің деканы Қайрат Ернишев облыс әкімінің «Құрмет» грамотасымен марапатталса, «Практикалық шетел тілдері» кафедрасының қауымдастырылған профессоры Марина Новожиловаға облыс әкімінің Алғыс хаты табысталды.
Тараз қаласының «Құрмет грамотасы» дипломымен «Көлік және машина жасау» кафедрасының аға оқытушысы Мейрамбек Сыргабаев, «Орыс тілі мен әдебиеті» кафедрасының меңгерушісі Гульнар Алтаева және «Әлеуметтік психология» кафедрасының аға оқытушысы Айгүль Абдрахманова марапатталды.
«Аманат» партиясының мақсат-міндеттерін іске асыруға қосқан үлесі мен білім беру саласындағы қажырлы еңбегі үшін «Құрмет грамотасы» Сейдехан Бақторазов және Айдос Нұрмайловқа табысталды.
«Аманат» партиясының Алғыс хатымен Тұрсынай Абдыкадырова және Аида Дәнеқұлова марапатталды.
М.Х.Дулати атындағы Тараз университет ректорының «Құрмет грамотасы» «Дене шынықтыру және спорт теориясы» кафедрасының қауымдастырылған профессоры, ҚР еңбек сіңірген спорт шебері, Самбодан 9 дүркін әлем чемпионы Алмас Мусабековке табысталды.
М.Х.Дулати атындағы Тараз университетi 2024 жылғы 30 қыркүйектегі Ғылыми кеңесінің шешімімен «Дулати университетің Құрметті профессоры» атағы «Дене шынықтыру мен спорт теориясы» қафедрасының қауымдастырылған профессоры (доцент) м.а. Ғалымжан Жылгелдиевке берілді.
М.Х.Дулати атындағы Тараз университет ректорының Алғыс хатымен Кітапханалық ақпараттық орталық директоры Гүлжан Иржанова марапатталды.
Сондай-ақ, оқу ордамызда 35 жылдан астам уақыт қызмет етіп келе жатқан «Журналистика және филология кафедрасының» меңгерушісі, филология ғылымдарының кандидаты, доцент Күлзинат Мейрамбайқызын мерейлі 61 жасқа толуымен құттықтаймыз! Аяулы ұстаз қазақ тіліндегі күрделі аналитикалық форманттарды зерттеуші ғалым әрі облысымыздың қоғамдық өміріне өзінің үлесін қосып келе жатқан білікті маман иесі.
Марапат иелерін құттықтаймыз! Алдағы уақытта кәсіби табыс, жаңа жетістіктер, сәттілік және шығармашылық шабыт тілейміз!
