Университет қабырғасында Басқарма төрағасы – ректор Мұхтар Байжұманов «Достық» Қазақстандық білім беру орталығының Білім бөлімінің басшысы Дамир Кожахметов пен профориентатор, проект-менеджер Бакытжан Джумашевты қабылдады.

Кездесу барысында екі тарап білім, ғылым және мәдениет саласында өзара ынтымақтастық байланыстарды дамыту және нығайту туралы екі жақты меморандумға қол қойылды.

Меморандум мақсаты – кәсіби бағдар беру жұмысын жандардырып, іскерлік байланыстарды дамыту. Бірлесе жұмыс жасау арқылы жастарға білім мен дағдыны пайдаланып, тәжірибе алу арқылы кәсіби салаға қадам басуға мүмкіндіктер ашу.

Келісім шеңберінде алдағы уақытта курстар мен семинарларды бірлесіп өткізу, бірыңғай білім беру кеңістігін құрып, бірлескен перспективалық ғылыми - педагогикалық жобаларды іске асыру. Ғылыми зерттеулер жүргізіп, тәжірбие алмасу арқылы ғылыми – әдістемелік конференция, семинар, тренингтер, мастер – класс, вебинар және конференциялар ұйымдастыру бойынша өзара тиімді ынтымақтастық жасалды.

Кездесу соңында алдағы жоспарлар легіне жан-жақты талдау жасалып, еліміздің білім саласындағы даму жолында қарқынды жұмыстардың жалғасын табатындығымен қорытындыланды. Қонақтарымыз университет басшылығына ерекше алғыстарын білдіріп, білім ордасы алдағы уақытта да биік белестерді бағындыратынына сенімдерін білдірді.