Университет қабырғасында Технологиялық факультеті «Химия және химиялық технология» кафедрасының аға оқытушысы, кәсіби бағдар беру жұмысына жауапты Саят Әлішерқызының ұйымдастыруымен қалалық және аудандық мектептердің мамандарымен кәсіптік бағдарлау бойынша кездесу өтті.

Кездесу мақсаты – кәсіби бағыттаудың заманауи тәсілдерін талқылап, тәжірибе алмасу арқылы білім берудің жаңа мүмкіндіктерін таныстыру.

Кездесу барысында мамандар университеттің оқу бағдарламалары, студенттерге арналған қолдау жүйелері мен еңбек нарығындағы сұраныстар туралы сөз қозғады. Сонымен қатар, кәсіптік бағдарлау саласындағы озық тәжірибелер мен әдістемелер туралы пікір алмасып, мектептер мен университет арасындағы ынтымақтастықты нығайту жолдары қарастырылды.

Кездесу соңында мамандар кәсіптік бағыттағы жұмыстарын жүйелі ұйымдастырып, әдістемелік қолдау көрсету мақсатында бірлескен жобалар мен іс-шаралар өткізуге дайын екендерін жеткізді.