Университет қабырғасында Басқарма Төрағасы – Ректор Мұхтар Байжұманов 30-тамыз Қазақстан Республикасының Конституциясы күніне орай, білім саласына үлесін қосып жүрген қызметкерлерге марапаттарын табыстады.

Технологиялық факультеті «Текстиль, материалтану және стандарттау» кафедрасының қауымдастырылған профессор (доценті) м.а. Гульзира Джумабекова «Ғылымды дамытуға сіңірген еңбегі үшін» төсбелгісімен марапатталды.

«Педагогика және әлеуметтік ғылымдар» факультеті, «Философия және саясаттану» кафедрасының меңгерушісі Дина Кульбаева «Ахмет Байтұрсынұлы» төсбелгісімен марапатталды.

Филология және гуманитарлық ғылымдар факультетінің «Журналистика және филология» кафедрасының қауымдастырылған профессор (доценті) Темірбай Мұкашев «Ана тілін дамытуға қосқан үлесі үшін» төсбелгісімен марапатталды.

«Экономика және құқық» факультетінің «Мемлекеттік қызмет және әкімшілік құқық» кафедрасының аға оқытушысы Акмарал Суйменбаева, «Технологиялық» факультеті деканының оқу ісі жөніндегі орынбасары Гаухар Баймырзаева, «Жаратылыстану ғылымдары» факультеті «Биология» кафедрасының меңгерушісі Гулнар Зияева, «Педагогика және әлеуметтік ғылымдар» факультет деканының тәрбие ісі-жөніндегі орынбасары Айдана Асанқызы, «Химия және химиялық технология» кафедрасының меңгерушісі Маржан Калмаханова, Филология және гуманитарлық ғылымдар факультетінің «Қазақ тілі мен әдебиеті» кафедрасының доцент м.а. Жанна Жампейсова Ғылым және жоғары білім министірінің Құрмет грамотасымен марапатталды.

«Дене шынықтыру және алғашқы әскери дайындық» факультеті «Спорттық пәндердің әдістемесі» кафедрасының аға оқытушысы Еркебұлан Көшкін, «Технологиялық» факультеті «Химия және химиялық технология» кафедрасы аға оқытушысы Гулим Джетписбаева, «Жаратылыстану ғылымдары» факультеті «Білім берудегі тарих және география» кафедрасының меңгерушісі Аурика Серубаева Ғылым және жоғары білім министірінің Алғыс хатымен марапатталды.

Мұхтар Қазбекұлы марапат иелеріне алғыс білдіріп, ғылым мен білім жолындағы ізденістеріне сәттілік тіледі.