Халықаралық қарттар күніне орай, М.Х. Дулати атындағы Тараз университетінде ардагер ұстаздарға құрмет көрсетілді.

Солардың ішінде ұзақ жылдар бойы жас ұрпаққа сапалы білім мен тағылымды тәрбие берген, абыройлы еңбек жолымен дараланған Жандосова Райса Оразалиевнаға ерекше сый-құрмет көрсетілді. Университет ұжымы ардагер ұстазға жылы лебіздерін білдіріп, ұстаздық жолдағы қажырлы еңбегін жоғары бағалады. Бұл игі дәстүр ұрпақтар сабақтастығын нығайтып, жас мамандарға үлгі-өнеге болмақ.