Ашық отырыстың бағдарламасына сәйкес:

- «Ғылым әлемі» студенттік ғылыми үйірме жетекшісі, т.ғ.к. Ә.Қ.Садыбаев «Тамақ өндірісі және биотехнология» кафедрасында жүргізіліп жатқан ғылыми-зерттеу жұмыстары жайлы;

- «Микробиологиялық зақымға тұрақты нан-тоқаш өнімдерінің технологиясы» тақырыбында магистр Л.Ж. Алашбаева;

- «Ірімшік жасау технологиясы» тақырыбында  №16 Жуалы колледжінің студенті Арайлым Ахажанова;

- «Қазақтың ұлттық тағамдары» тақырыбында №16 Жуалы колледжінің студенті Нұрланқызы Мадина баяндамаларын жасады.

Ашық отырыста колледж студенттерімен және мектеп оқушыларымен бірлескен ғылыми –ізденіс жұмыстарды жүргізу мәселелері талқыланды.

«Тамақ өндірісі және биотехнология» кафедрасының материалды- техникалық базасы таныстырылды. 

Баяндама жасаған колледж студенттерімен және олардың жетекшілеріне Технологиялық факультеті деканы атынан алғыс хат табысталды.