19.04.2023 жылы «Экономика және құқық» факультетінде «Азаматтық құқық және процесс» кафедрасы «ҚР-дағы отбасылық-тұрмыстық зорлық-зомбылықта адам құқықтарын қорғауды әкімшілік-құқықтық реттеу (Административно-правовое регулирование защиты прав человека в семейно-бытовом насилии в РК)» тақырыбы бойынша ашық ғылыми семинар өткізді.
Ашық ғылыми семинарға «Жамбыл облыстық тұрмыстық зорлық-зомбылық құрбандарына әлеуметтік көмек көрсету орталығы» КММ мамандары, заңгер Ізбасар Арайлым Бексейітқызы, әлеуметтік жұмыс жөніндегі маман Тюменева Айдана Құдайбергенқызы, психолог мамандар Мұхамеджан Ұлдана Уалиханқызы, Калиева Динара Сабыржанқызы, «Азаматтық құқық және процесс» кафедраның оқытушылары мен студенттері қатысты.
Семинарда заңгер Ізбасар Арайлым Бексейітқызы «Тұрмыстық зорлық-зомбылық құрбандарын көрсететін қызмет түрлері» тақырыбында, аға оқытушы, құқық магистрі Суркова Светлана Сергеевна «Административно-правовое регулирование защиты прав человека в семейно-бытовом насилии в РК» тақырыбында және студенттер Артель Дариға (3 курс), Жамаш Әсел (2 курс) баяндамамен қатысты.
Әлеуметтік жұмыс жөніндегі маман Тюменева Айдана Құдайбергенқызы презентация жасады, ал психологтар Мұхамеджан Ұлдана Уәлиханқызы, Калиева Динара Сабыржанқызы ғылыми семинарға қатысушылармен психологиялық тренинг өткізді.
Ғылыми семинар соңында қатысушылар алғыс хаттармен марапатталды.
