Біздің студенттер шетелдік делегацияларға арналған бағдарламаға сәйкес басқа шет елдердің Бутан, Бангладеш, Вьетнам, Қырғызстан, Непал, Мальдив, Ресей, Сингапур, Шри-Ланка елдерінен келген студенттермен бірге кадеттердің тұрмысымен танысып, кадет корпусында болып қайтты. Үндістан Республикасының 71-жылдығына арналған шеруге және түрлі мәдени іс-шараларға қатысты.

Үкімет резиденциясында ел Президенті Шри Рам Натх Ковиндпен кездесу өтті, сондай-ақ шетелдік қонақтар Премьер-министр Нарендра Дамодардас Модимен, Үндістан қорғаныс министрі Шри Раджнатх Сингпен, құрлық әскерлерінің Бас қолбасшысы генерал Манодж Мукунд Наравани және Үндістанның Ұлттық кадет корпусының бас директоры генерал-лейтенант Раджив Чопрамен кездесті. Шетелдік сапар барысында біздің студенттер әлемнің жеті кереметінің бірі Агра қаласының маңында орналасқан Тадж-Махал мавзолей-мешітінде, Үндістанның Нью Дели қаласындағы ұлттық музейде, Раджастанның астанасы – Джайпур қаласында болып қайтты.

Тараз қаласына келген соң студенттер Үндістан сапарынан алған әсерлерімен бөлісті.