ENACTUS Kazakhstan ҚҚ Президенті, философия ғылымдарының докторы Альбина Меирбекқызы Ержанова «ENACTUS тұрақты бағдарламасын құру» тақырыбында дәріс оқып, ұзақ мерзімді жоспарлаудың негіздері мен жобалардың тұрақтылығының маңыздылығын түсіндірді. Іс-шара соңында ENACTUS World Cup 2025 халықаралық байқауына дайындыққа арналған EWC 2024, FINAL4 PROJECTS сессиясы өтті. Бұл сессияда ENACTUS Kazakhstan ҚҚ-ның стратегиялық даму жөніндегі кеңесшісі Рэндалл Бруинс жобаларды презентациялау кезінде назар аудару қажет негізгі аспектілермен бөлісті.
Салтанатты шараға ғылым және цифрландыру жөніндегі проректоры Сейтжан Орынбаев, ENACTUS Kazakhstan ҚҚ президенті, философия ғылымдарының докторы Альбина Меирбекқызы, ENACTUS Kazakhstan ҚҚ-ның стратегиялық даму жөніндегі кеңесшісі Рэндалл Бруинс, ENACTUS Kazakhstan ҚҚ-ның стратегиялық даму жөніндегі кеңесшісі, Enactus Dulaty командасының бұрынғы капитандары, студенттермен қатар мектеп оқушылары да белсенді қатысты.
Дулати университеті мен ENACTUS Kazakhstan арасындағы ынтымақтастық туралы меморандумға қол қойылды. Бұл қадам білім беру және кәсіпкерлік бастамалар саласындағы болашақ серіктестікті нығайтуға бағытталды.
ENACTUS Kazakhstan бағдарламалық менеджері Аружан Каримова мен PR-менеджер Зере Сламбек жастар кәсіпкерлігін дамытуға бағытталған жобалар туралы айтып, жетекші университеттерінің студенттік командалары:
- • Тараз университеті,
- • Халықаралық Тараз инновациялық институты,
- • Халықаралық Қазақ-Түрік университеті,
- • Қазақ Ұлттық қыздар педагогикалық университеті
- , • Тұран-Астана университеті,
- • А.Марғұлан атындағы Павлодар педагогикалық университеті,
- • Оңтүстік Қазақстан педагогикалық университеті,
- • НИГ Тараз ФМН — «Командалар шеруін» өткізгенін атап өтті.
Enactus Dulaty командасы өз тарихы мен 21 жылдағы жетістіктерін көрсеткен презентация жасады. ENACTUS KAZAKHSTAN Road-Show жастар кәсіпкерлігін дамыту және білім беру мекемелері мен бизнес-қоғамдастық арасындағы ынтымақтастықты нығайту үшін шабыт пен идеялар алмасу алаңына айналды.
