Химия және химиялық технология» кафедрасы 1963 жылы құрылған. Кафедра құрамында оқытушылардың саны 23. Оның ішінде 2 профессор, 8 доцент, 6 ғылым кандидаты, 4 Phd доктор және магистрлер жұмыс жасайды.

ҚР Ғылым және жоғары министрлігі  ұйымдастырған «Жоғары оқу орнының үздік оқытушысы» республикалық байқау жеңімпаздары:

2018ж. - Нурлыбаева Айша Нурлыбаевна, PhD

2021 ж. - Калмаханова Маржан Сеитқызы, PhD

2023 ж. –Кудайбергенова Рабиға Мусараповна, «Химия»  магистрі

Кафедраның негізгі мақсаты – білім сапасын арттыру және өндіріс пен ғылымның әртүрлі салаларына, жоғары және орта оқу орындарына бәсекеге қабілетті мамандар даярлау. Осыған байланысты кафедрада оқу және ғылыми жұмыстар белсенді жүргізіледі, жетекші ғылыми-білім беру орталықтарымен тығыз халықаралық байланыстар орнатылған.

2023 жылы 21 мамырда Алматы қаласында және 29 мамырда Тараз өңірлік университетінде алғашқы рет ТМД елдерінде желілік кампус ашылды. Бұл бағдарлама Тараз өңірілік университетінен «Химия және химиялық технология» кафедрасы негізінде, сонымен қатар Д.И. Менделеев атындағы РХТУ және «КАЗФОСФАТ» ЖКС бірігіп құрылды. «Химия және химиялық технология» кафедрасында Д.И. Менделеев атындағы РХТУ қос дипломды бағдарлама негізінде студенттер білім алады.

8D060600-«Химия» бағдарламасы бойынша мамандандырылған диссертациялық кеңес бар.

Бакалавриат

• 6В05314-«Химия»
• 6В07115-«Химиялық инженерия және процестер»

Магистратура

• 7M05311-«Химия» (2 жылдық)
• 7M07112-«Химиялық инженерия және процестер» (2 жылдық)

Докторантура

• 8D05311-«Химия»

-Небраска университеті (АҚШ) және М.Х. Дулати атындағы Тараз өңірлік университетінің «Химия және химиялық технология» кафедрасымен бірлесіп ұсынылған «Аmerican Councils for International Education Kazakhstan Universities Partnerships funding» бағдарламасы бойынша «Science with a Purpose: Improving Environmental Science Capacity in Kazakhstani Universities» халықаралық ғылыми жоба 2021-2022 жылдарға 38000$ көлемінде грант жеңіп алынды. Жоба орындаушылары: х.ғ.к, қауымдастырылған профессор Масалимова Бакытгуль Кабыкеновна және PhD Калмаханова Маржан Сеитовна.

Жоба мақсаттары:

1. Қазақстан университеттерінде, әсіресе, STEM салаларында оқу бағдарламаларын жаңғырту және оқыту әлеуетін арттыру, жаңартылатын энергия, қоршаған ортаны және ауа сапасын зерттеу;
2. Қазақстандық және АҚШ университеттерінде STEM салаларында, әсіресе жаңартылатын энергия саласында ғылыми-зерттеу әлеуетін арттыру,қоршаған ортаны және ауа сапасын зерттеу;
3. АҚШ пен Қазақстан университеттері арасындағы ұзақ мерзімді академиялық ұтқырлықты қолдау үшін институционалдық әлеуетті арттыру.

-Кафедра меңгерушісі PhD Қалмаханова М.С. «Қазақстандағы қалалық тазарту құрылыстарының ағынды суларындағы қауіп тудыратын ластаушы заттарды анықтау және тазарту» тақырыбындағы Ғылыми және (немесе) ғылыми-техникалық жобалар бойынша грантты ұтып алды. Жоба 62 194 330 тенге қаржыны  құрайды.

-2022-2024 жылдарға арналған «Жас ғалым» жобасы бойынша Құдайбергенова Р.М. «Разработка мембранных материалов для очистки воды» тақырыбында гранттық қаржыландыруды  ұтып алды.Жоба 19 млн. тенге қаржыны құрайды.

-2022-2023 жылдары  ұсынылған халықаралық жобалар:

1.»Salinization in Agriculture: Enhancing Research Collaborations and Curriculums in Kazakhstan» жобасы (American Councils for International Education UniCEN funding program)

2.MoVE «Modernization and Innovation on Chemical Engineering in Kazakhstani HEIs» жобасы (Erasmus⁺ project)

Студенттердің ғылымдағы  жетістіктері:

4.10.-6.10.2023ж. күндер аралығында Астана қаласында, «Kazenergy» компаниясының ұйымдастыруымен  «Student Energy Challenge» атты жоғарғы оқу орындарының студенттері арасында өткен сайыста,  4 курс студенттерінен құралған «Ученые» командасы «Ауылшаруашылық қалдықтарынан және табиғи саздан мембраналы сүзгі дайындау» жобасы 15 команда ішінде ең жоғарғы ұпайды жинап, жүлделі бірінші орынды иеленді.

Топ құрамы: Қанатбек Ұлжан, Исмаил Аяулым, Дарханбек Аяулым, Қанжан Аяулым.

Жоба жетекшісі: Калмаханова Маржан Сеитқызы, PhD

• «КазФосфат» ЖШС (Қазақстан)
• «Амангелді мұнай өңдеу зауыты» ЖШС (Қазақстан)
• «ЕвроХим-Қаратау» ЖШС (Қазақстан)
• Қазақ су ресурстары ғылыми-зерттеу институты(Қазақстан)
• Д.В.Сокольский атындағы отын, катализ, электрохимия институты (Қазақстан)
• Г.К.Боресков атындағы катализ институты (Ресей)
• Томск мемлекеттік университеті (Ресей)
• Минск мемлекеттік университеті (Ресей)
• Д.И.Менделеев атындағы Ресей химия-технологиялық университеті (Ресей)
• Новосибирск мемлекеттік университеті (Ресей)
• Әл-Фараби атындағы Қазақ ұлттық университеті (Қазақстан)
• Браганса политехникалық университеті (Португалия)
• Лоррейн университеті (Нанси қаласы, Франция)
• Баку инженерлік университеті (Әзербайжан, Хирдалан)

6B05314 - «Химия» білім беру бағдарламасы түлегінің экономикалық қызмет аумағы «Экономикалық қызмет түрлерінің жалпы жіктеуішіне» (ҚР ЭҚЖЖ) сәйкес химиктің құзыреттілігін қажет ететін білім беру саласын, ғылыми зерттеулерді, өңдеу өнеркәсібін (мұнай өнімдерін, химия өнімдерін өндіру, тау-кенөндірісі, сондай-ақ су мен жабдықтау саласын, қалдықтарды өңдеу және жою және басқа салаларда) қамтиды.

7М05311 - "Химия" білім беру бағдарламасының негізгі мақсаты оқыту әдістерін меңгерген, өндірістік қызмет жағдайында бағдар табуға және жаңа жағдайда бейімделуге қабілетті, жоғары білікті химик мамандарды іргелі ғылыми және практикалық даярлау болып табылады.

8D05311 - «Химия» білім беру бағдарламасының негізгі мақсаты - химия саласындағы отандық, халықаралық зерттеу топтарында жұмыс істеуге дайын, жоғары білім беру саласында сабақ беру үшін дайын, ғылыми пікірталастарға кәсіби түрде қатыса алатын мамандарды іргелі ғылыми, практикалық даярлау.

6В07115 - «Химиялық инженерия және процестер» білім беру бағдарламасының негізгі мақсаты - қазіргі заманғы еңбек нарығының жағдайына бейімделген, үздіксіз кәсіби білім алуға ынталандырылған, теориялық білімі, практикалық дағдылары бар химиялық инженерия саласындағы білікті бакалаврларды даярлау.

6В07115 - «Химиялық инженерия жәнепроцестер» білім беру бағдарламасы түлегінің экономикалық қызметі «Экономикалық қызмет түрлерінің жалпы жіктеуішіне» (ҚР ЭҚЖЖ) сәйкес химиялық технологтың құзыретін қажет ететін білім беру, ғылыми-зерттеу, өндірістік (мұнай өнімдерін, химия өнімдерін өндіру, тау-кен өндірісі, және су мен жабдықтау, қалдықтарды тазарту және жою саласында және басқа да салаларда) қамтылады.

7M07112 - «Химиялық инженерия және процестер» білім беру бағдарламасының негізгі мақсаты - химиялық технологияның әлемдік нарықтарында бәсекеге қабілетті, өндірістегі, оқытушылық, ғылыми-зерттеу қызметіндегі кәсіби мәселелерді ойдағыдай шешетін білікті мамандарды - химиялық инженерия шеберлерін даярлау.

7M07111 - «Наноматериалдар және нанотехнологиялар» білім беру бағдарламасының негізгі мақсаты - материалтану және нанотехнологиялар саласында ішкі және халықаралық еңбек нарығында бәсекеге қабілетті, ғылыми-зерттеу және инновациялық-өндірістік қызмет жағдайында бағдарлай алатын, оқыту әдістерін жетік білетін мамандарды даярлау.