М.Х. Дулати атындағы Тараз университетін жобаның ұлттық және жергілікті үйлестірушісі Гульзира Джумабекова мен Текстиль, материалтану және стандартиөация кафедрасының PhD докторы Фархад Ташмухамедов таныстырды.

Күн тәртібіне сәйкес жобаның негізгі жұмыс пакеттерінің ағымдағы жағдайы қаралды:

• Жобаның үйлестірушісі, Крит техникалық университетінің (TUC) өкілі, профессор Н.Билалис жиналғандарды «Жобаны басқару» (WP1) жұмыс пакетін іске асыру кезеңдерімен таныстырды және консорциуммен қосымша келісім туралы сөз сөйледі.
• «Әлеуетті арттыруды дамыту және енгізу» (WP2) жұмыс пакеті бойынша Грециядағы оқу сессиясының нәтижелері талқыланды. Тренинг есебін TUIAŞI университеті ұсынды. Болашақта оқыту жоспары мен оқу материалдарының жинағы қаралды.
• «Орталықтардың жұмысы» (WP3) жұмыс пакеті бойынша Өзбекстан (TITLI, JIZPI) және Қазақстан (Дулати университеті, Әуезов университеті) университеттерінің орталықтар ашу үшін жабдықтарды алу жағдайы туралы есептері ұсынылды.
• «Мүдделі тараптардың перспективасы және синергиясы» (WP5) жұмыс пакеті үшін Knowledge and Innovation Triangle (KTI) серіктес компаниясы Консультативтік комитет мүшелерінің тізімін және бірінші отырыс туралы есепті ұсынды.
• «Жобаның сапасын бақылау және сапаны қамтамасыз ету» (WP6) жұмыс пакетіне сәйкес сыртқы бағалаушы (CREHIDEV) жобаның тәуекелдерімен таныстырды және шешімдерді ұсынды.
• «Тарату, пайдалану және тұрақтылық» (WP7) жұмыс пакеті үшін Knowledge and Innovation Triangle (KTI) серіктес компаниясы жобаның веб-сайтын ұсынды. Ферғана мемлекеттік университеті (FSU) өздері әзірлеген Жоба туралы ақпарат бюллетенін ұсынды. Guru Services.Biz Idiotiki Kefalaiouxiki Etaireia (GURU) және Ферғана мемлекеттік университеті (FSU) жобаның нәтижелерін тарату бойынша іс-шараларды ұйымдастырудың келесі кезеңдері туралы айтты.