20.08.2021ж. күні Жамбыл облысы әкімдігі білім басқармасының ұйымдастыруымен 2021-2022 оқу жылына арналған облыстық тамыз педагогикалық кеңесінің «Кәмелетке толмағандар арасындағы құқық бұзушылықтың алдын-алу мәселелері» тақырыбында секция отырысы өтілді. Іс-шара онлайн түрде өтіліп, құқық қорғау орган қызметкерлері және 185 астам білім саласындағы қызметкерлер қатысты. Бұл секцияда Бахтияр Қаржаубайұлы Алпысбаев дінтанушы маман ретінде кәмелетке толмағандардың арасындағы діни экстремизмнің алдын-алу бағытына байланысты қоғамдағы радикалдық идеологияға қарсы рухани иммунитеттті қалыптастыру үшін ақпараттық-түсіндіру жұмыстарын тоқтатпау керектігін атап өтті. Өйткені, идеологиялық, рухани-тәрбиелік жұмыстардың тиімді жүргізу бағыты назарға алынбаса, жастар арасында рухани, адамгершілік және патриоттық идеялардың тоқырауға ұшырайтыны рас.

03.09.2021ж. күні Ы.Дүкенұлы атындағы тараз қалалық мәдениет үйінің ұйымдастыруымен дін саласына байланысты кездесу өткізді. Бұл кездесуге Дулати университеті Дінтану орталығының бас маманы Б.Алпысбаев дінтанушы маман ретінде шақырылды. Бахтияр Алпысбаев өз сөзіңде: «Қазақстанның әрбір азаматы этникалық шығу тегі мен діни көзқарасына қарамастан, өзінің мәдениетін, дәстүрі мен тілін дамытуға, қоғам мен мемлекет өмірінің барлық салаларына атсалысуға құқылы. Қазақ халқы және басқа да этностардың тарихи қалыптасқан ұлттық дәстүрлері мен әдет-ғұрыптарына құрметпен қарау мемлекеттің ерекшелігі болып табылатындығын атап өтті».  Іс-шара бейнероликке түсіріліп, әлеуметтік желілерге жүктелінді.

Көру өткірлігін тексеру - бұл бәріне таныс әдеттегі процедура. Орындыққа отырып, бір көзді жауып, Снеллен кестесіндегі әріптерді дұрыс қарауға тырысасыз.

Осы сәтте бәрі өзгеріп, жасанды интеллект өз көмегін тигізетін болады. Енді Дулати университетінің қызметкерлері мен студенттері EYESEE жедел және созылмалы көз аурулары мен мобильді Фундус - камерасын диагностикалауға дейінгі офтальмологиялық платформа арқылы офтальмологиялық ауруларға скринингтен өтуге мүмкіндік алатын болады. Тексеру жұмыстары өте аз уақытты алады. Фундус камерасы офтальмологиялық платформаға жіберілетін көздің суретін түсіреді. Сурет жүйеге енеді және терең оқыту алгоритмдерімен өңделеді. Әрі қарай, шифрлау жасалады және нәтиже ұялы телефонға түседі.

Тексеру "KazDevelopment Company" ЖШС елде іске асыратын офтальмологиялық ауруларға халықты кең ауқымды скрининг бойынша пилоттық жоба шеңберінде тегін жүргізіледі. Мақсаты - әлеуметтік көз ауруларын уақытында диагностикалаудың пәрменді тетігін жасау арқылы Қазақстан халқының мүгедектігін азайту. Бұл жоба елімізде 2020 жылдан бастап жүзеге асырылуда. Алдымен тексеру бүкіл Қазақстан бойынша Медициналық-әлеуметтік мекемелерде жүргізілді. Қазір еліміздің оңтүстігінде орналасқан жоғары оқу орындарында, соның ішінде біздің университетте жүргізіледі. Көру өткірлігін тексергісі келетіндер 2.1 корпус (технологиялық) 405 аудиторияда орналасқан медициналық қызметке жүгіне алады.

МЕДИА ҚЫЗМЕТ

Лекцияның басты миссиясы - университет тарихы, оның бүгіні мен болашағы туралы.

Басқарма Төрағасы-Дулати университетінің ректоры Талғат Ешенқұлов бірінші курс студенттеріне дәріс оқыды. Биыл дәстүрлі іс-шара тікелей эфирде өтті және әлеуметтік желілерде таратылды.

Дәстүр бойынша ЖОО басшысы бірінші курс студенттерін біздің жоғары оқу орнымыз атымен аталған ұлы саяси қайраткер, қолбасшы, жазушы, ғалым Мұхаммед Хайдар Дулатидің өмірбаянымен таныстырды. Әрі қарай спикер студенттерге университет тарихы, дамудың негізгі кезеңдері, жетістіктері, оның бүгіні мен болашағы туралы айтып берді.

Талғат Ешенқұлов студенттерге ЖОО-да болудың қауіпсіз жағдайларын сақтаудың, вакцинациялаудың маңыздылығы туралы еске салды.

Шара барысында студенттер өздерінің көкейінде жүрген сұрақтарын қойып, жауаптарын алды.

МЕДИА ҚЫЗМЕТ

Дулати университетінде ҚР Президентінің "Халық бірлігі және жүйелі реформалар – ел өркендеуінің берік негізі" атты Жолдауы талқыланды.

Талқылауға бірінші проректор Ержан Әмірбекұлы (модератор), институт директорлары, факультет декандары қатысты. Технологиялық факультетінің деканы Әнуарбек Аймен, "Ұстаз" институтының директоры Орынқыз Жолдасова, "Ғылым және коммерцияландыру" департаментінің директоры Мәди Ахметжанов сөз сөйледі.

Өз сөзінде Орынқыз Жолдасова оқытушыларға, олардың кәсіби дамуына, педагог кадрларды даярлауға ерекше назар аударылғанын атап өтті. Инклюзивті білім беруге де баса назар аударылды. Спикер бүгінгі таңда инклюзивті білім беру үшін педагогикалық мамандықтардың білім беру бағдарламаларын жетілдіру мәселесі күн тәртібінде тұрғанын хабарлады. Өз кезегінде оқушылармен кәсіби бағдар маңызды болып табылады. Мектеп жасындағы балаларға болашақ карьерасын таңдауға көмектесуге арналған кәсіби бағдарлау бағдарламаларын қайта қарау үлкен қолдау тапты. Орынқыз Жолдасова жаңа мектептердің құрылысы өзекті аспектілердің бірі болып табылатынын хабарлады. Мемлекет басшысы аталған бағдарламалық құжатта ғылыми саланы қаржыландыруға ерекше назар аударды. Гранттық қаржыландыру мерзімі ұлғайтылатынын да ерекше атап өтті.

Мәди Ахметжанов өз сөзінде ғылым саласындағы өзгерістерге толығырақ тоқталды:

- Ұлттық қоғамдық сенім кеңесінің отырысында іргелі ғылыммен айналысатын ғылыми-зерттеу институттарын тікелей қаржыландыруды енгізу атап өтілді. Сондай-ақ, Жолдауда бейінді министрлік ғылыми ұйымдарды қаржыландыру бойынша нақты жоспар, ережелер әзірлеуі тиіс екендігі айтылды. Іргелі ғылымның дамуы үшін гранттардың үш жылға дейінгі шектеулілігі елеулі кедергі болып табылады. Біздің университеттің ғалымдары жалпы сомасы 200 млн теңгеден асатын алты грантқа ие болды. Бұл гранттарды іске асыру мерзімі 36 айдан 12 айға дейін. Мұндай қысқа жоспарлау көкжиегінде іргелі зерттеулердің маңызды нәтижелеріне қол жеткізу қиын. Жолдауда қаржыландыру мерзімін бес жылға дейін ұзарту мәселесін қарастыру көзделген. Бұл қаржыландыру көлемін ұлғайтуға, зерттеулерді арттыруға, ғылыми көшбасшылыққа және жалақыны көтерудің аспектілеріне ықпал етеді

МЕДИА-ҚЫЗМЕТ

Жамбыл облысында осымен 3-ші жыл қатарынан өткізіліп отырған бұл байқаудың мән-мағынасы зор. Қазақстан халқы тілдері күніне орай байқау жеңімпаздарын облыс әкімі Бердібек Сапарбаев марапаттады.

Аса бір қуанышпен айтатын жайт, үш жыл қатарынан өткен «Тіл жанашыры» байқауының жеңімпаздары қатарынан Дулати университетінің оқытушылары түскен емес. Алғашқы жылы Құлбарақ Сәмен Оразғалиұлы, Мырзабай Балмира, екінші жылы Құламанова Зиба Абдуллақызы, биыл Қарымбаева Күлзинат Мейрамбайқызы «Тіл майталманы» номинациясын жеңіп алып, 300 000 теңге сыйақы алды. Бұл — ерен еңбектің еленгені.

Медиа-қызмет

БІЛІМГЕР ПОРТАЛЫНА ӨТУ

ПЕРЕЙТИ НА ПОРТАЛ

Сабақ кестесіне сәйкес әскери кафедрада 2021-2022 оқу жылы басталды. Сабақтар санитарлық-эпидемияға қарсы іс-шаралар талаптарын сақтай отырып жүргізіледі. Дәріс сабақтары қашықтықтан өткізіледі, практикалық сабақтарға студенттер әскери кафедраға келеді.

Согласно расписания занятий на военной кафедре начался 2021-2022 учебный год. Занятия проводятся с соблюдением требований санитарно-противоэпидемических мероприятий. Лекционные занятия проводятся в дистанционном режиме, практические занятия – студенты прибывают на военную кафедру.