Басты рөлдегі Витя мен Катяның арасындағы сезімге толы махаббат дастаны көрермен көзіне оттай басылып,құбылмалы көңіл күй сыйлағаны сөзсіз,себебі олардың әр сахнасында бір-біріне мүлде ұқсамайтын оқиға желісі мен шын ғашықтың жарқын бейнесі суреттеледі...
Сахнада қойылған спектакльдің сюжеті мен идеологиялық сипаты адам санасына айтарлықтай әсер етіп, ерлі-зайыптылар арасындағы алауыздықтың шешімі-"ажырасу" емес екенін үйретеді. Театр ұжымы гастрольдіі сапарды төртінші қазан күні өтетін А.Құнанбайұлының қара сөздері негізінде Ж.Жұманбайдың жетекшілігімен сахналанған "Қара" спектаклімен аяқтамақ. Спектакльде Абай және оның ойлары кейінгі ұрпаққа қалдырған өсиетін қазіргі заман мен бүгінгі қоғам аясында қарастырып,татулық пен бейбітшілікті,адами және ұлттық құндылықтарды дәріптейді.
Серпен Серікболсын,
Конвергенттік журналистика, 2-курс