«Zооm» бейнебайланыс режимінде өткен іс-шараға 191 педагог, аудандық (қалалық) білім бөлімдерінің әдіскерлері, мектептің әлеуметтік педагогтері, психологтары, ерекше білім беруге қажеттілігі бар оқушыларға сабақ беретін мұғалімдер қатысты. Іс-шара барысында М.Х.Дулати атындағы Тараз университетенің «Инклюзивті білім берудегі психологиялық бейімделу» орталығының аға үйлестірушісі, психология ғылымының магистрі С.Үсенова инклюзивті білім беру саласында инновациялық технология ретінде білім деңгейін жетілдіруге ықпал ететін тәсілдер туралы, Тараз қаласы №2 Психологиялық - педагогикалық түзету кабинетінің логопеді түрлі әдіс-тәсілдерді қолдану арқылы сабақ барысы бойынша іс-тәжірибесімен бөлісті. Электронды материалдар таратылып, ақпараттық-әдістемелік көмек берілді.