САЛАУАТТЫ ӨМІР САЛТЫ - ДЕНСАУЛЫҚ КЕПІЛІ
«Жерге орналастыру және кадастр» кафедрасының 2023-2024 оқу жылының тәрбие жұмыстары жоспарына қарай «Салауатты өмір салты денсаулық кепілі» тақырыбында медицина қызметкерлерімен кездесу кафедраның 3 курс топ кураторлары Нұралы Жазира және Ауесбеков Нуриддиннің ұйымдастыруымен №2 Студенттер үйінде өткізілді. Кездесуге университетіміздің медицина мамандары Дуйсебаева Бақыткул Изетуллаевна, Турбаева Жания Мейрамбекқызы шақырылып, институтымыздың тәрбие ісі және кадр мәселесі жөніндегі директор орынбасары Байназаров Ұлан Айтжанович, кафедра меңгерушісі Ахметов Ерғали Сейілбекұлы және профессор оқытушылар құрамы қатысты.
Шығармашылық көрме өтті
"Сәулетші" студенттік ғылыми үйірмесінің (бұдан әрі-СҒҮ) жұмыс жоспарына сәйкес студенттік ғылыми үйірмемен «Тарихи сәулеттік ескерткіштердің сәулеттік деталдер мен фрагменттері» такырыбындағы уйымдастырып отырган шығармашылық жұмыстардың көрмесі өтті.Көрмеге Дулати студенттері, Жамбыл облысы және Тараз қаласының мектептері мен орта оқу орындарының бітіруші сынып оқушылары қатысты.
Шакен Ниязбековтың 85 жылдық мерейтойына орай шығармашылық көрме өтті
М.Х. Дулати атындағы М. Уркумбаев атындағы ТарӨУ Жастар сарайында "Сәулет және құрылыс өндірісі" кафедрасының ұйымдастыруымен "Сәулет" білім беру бағдарламасының студенттерінің "Қазақстанның мемлекеттік туының авторы Шакен Ниязбековтың 85 жылдық мерейтойына орай шығармашылық жұмыстарының көрмесі өтті.
Екі жақты меморандумға қол қойылды
"Qazaqgaz барлау және өндіру Амангелді ЖШС" мен «Дулати» университетінің арасында екі жақты мемарандумға қол қойылды.
Кездесудің негізгі мақсаты– дуалды оқыту бағдарламасын іске асыру боынша келісім-шарт жасасу. Аталған жиынға университет тарапынан Басқарма төрағасы-Ректор Мұхтар Байжұманов мен басқарама Мүшесі-ғылым және цифрландыру жөніндегі проректоры Сейтжан Орынбаев және академиялық жұмыстар жөніндегі департамант директоры Сауле Алимбекова, ал өндірістен мекеменің Бас директоры Алмас Қуандықов, директордың өндірістік ісі бойынша орынбасары Аңсар Бақбергенов, персоналды басқару бөлімінің жетекшісі Алия Худибаева, сонымен қатар «Мұнай, газ және тау-кен ісі» кафедрасының оқытушы-профессорлар құрамы мен студенттері қатысты.
Тәуелсіздік тірегім, Қазақстан жүрегім!
Су ресурстарын басқару ББ 3-курс студенттері "Тәуелсіздік тірегім, Қазақстан жүрегім!" тақырыбында ашық куратор сағатын өткізді.
Ашық куратор сабақтың мақсаты: - Еліміздің тәуелсіздік алу жолындағы ата - бабаларымыздың ерлігін паш ету, студенттерге желтоқсан құрбандарымен, желтоқсан оқиғасына қатысқандардың ерлігін үлгі етіп көрсету.
Тәуелсіздік тарихы 1986 жылы 16 - желтоқсанда таңертең, Алматыда жаппай толқу басталды. Жастар алаңға жинала бастады. Алаңда «Біз қазақ, ежелден еркіндік аңсаған», «Әрбір ұлтты өз көсемі басқарсын», «Тәуелсіздік керек»,- деген ұрандар айтылды. Алматы гарнизонын жауынгерлік дайындыққа келтіріп, көп күшпен алаңдағы жастарды қоршап алды. Алматыға әр аймақтардан әскердің арнайы бөлімдері жіберілді. Өз елінің тәуелсіздігін талап етіп, шеруге шыққан жастарға «Бұзақылар», «Ұлтшылдар», «Нашақорлар» деген кінә тағылды. Көптеген студент жастар түрмеге қамалды, оқу орнынан шығарылды. Тәуелсіздік жолында Қайрат Рысқұлбеков, Ләззат Асанова, Ербол Сыпатаев, Сәбира сынды көп қазақ жастары желтоқсан оқиғасы кезінде қайсарлықпен ерлік көрсетіп құрбан болды. Нұрсұлтан Әбішұлы Назарбаевтың жарлығымен 1996 жылы 9 – желтоқсанда Қайрат Ноғайбайұлы Рысқұлбековке «Халық қаһарманы» атағы беріліп, ата-анасына «Алтын жұлдыз» айрықша ерекшелік белгісі тапсырылды. Сәбира, Ләззат, Ерболға тағы басқа желтоқсанға қатысқан жастарға «Желтоқсан қаһарманы» атағы берілді.
Бүгін біз дербес ел болып, уығымызды қадап, шаңырағымызды көтеріп, ерікті еркін мемлекетімізді құрдық. Қазақстан Республикасы атанып, көк байрақ туымызды желбіретіп әлемге әйгілі болуымыздың өзі - осы Тәуелсіздікке қол жеткізуіміздің арқасы. Олай болса Тәуелсіздігімізге шаң жұқтырмай, оны ең қымбат асылымыздай құрметтеп, келер ұрпақ қолына аманаттап тапсыруға тиіспіз. Елімізді ішкі - сыртқы дұшпаннан қорғауға міндеттіміз. Сонда ғана Тәуелсіздігіміз мәңгілікке мирас болмақ.
Тарих төріндегі Тараз!
Су шаруашылығы және табиғатқа үйлестіру институты «Экология және ТӘҚ» кафедрасы 2023 ж. 8 желтоқсанда жастарға тарихи-мәдени мұраны жаңғырту, сақтау және насихаттау, өскелең ұрпақты өзінің ұлттық құндылықтары мен дәстүрлерін құрметтеу рухында тәрбиелеу мақсатында «Тарих төріндегі Тараз!» тақырыбында ашық тәрбие сағатын жүргізді. Іс-шараға Қазақстан Республикасы Мәдениет және спорт министрлігіне қарасты «Ежелгі Тараз ескерткіштері» мемлекеттік тарихи-мәдени қорық музейінің қызметкерлерін шақырды. Музей қызметкерлері жылжымалы көрме ұйымдастырып, Тараз қаласының даму тарихы, мәдениеті, ескерткіштері жайлы әңгіме баяндап, қорық-мұражай қорынан әкелген ерекше тарихи жәдігерлер мен ежелгі қыш ыдыстары және презентация көрсетілді.
"Оралхан Бөкей- төр Алтайдың асылы"
2023 жылдың желтоқсан айының 6 жұлдызында «Су ресурстары» кафедрасының «6В08615-Су ресурстарын басқару» ББ 3 курс студенттері Оралхан Бөкейхановтың 80 жылдығына орай «Оралхан Бөкей – Төр Алтайдың асылы» тақырыбында ашық кураторлық сағатын өткізді.
Мәңгілік ақ қар жамылған асқар шыңдары, ал етегінде ағысы асаудай тулап жатқан Бұқтырма өзені бар, қазақ Алтайының киелі топырағында дүниеге келіп, аса дарынды талантымен барша қауымды таңғалдырған, Қатонқарағай ауданының «Құрметті азаматы», Қазақ ССР Мемлекеттік Абай сыйлығының, Н. Островский атындағы Бүкілодақтық әдеби сыйлықтың, «Молодая гвардия», «Жалын» баспалары сыйлығының лауреаты, «Құрмет белгісі» орденінің иегері жерлес жазушымыз Оралхан Бөкейдің туғанына биыл 80 жыл толып отыр.
Кәсіптік бағдар беру
2023 жылдың желтоқсан айының 1 жұлдызында «Су ресурстары» кафедрасының т.ғ.к., доценті Джурумбаева Рахима Абдрахманқызы және аға оқытушы Байжигитова Мадина Төреханқызы Тараз қаласының білім бөлімінің Мұхтар Ауезов атындағы №33 орта мектебіне барып кәсіптік бағдар беру жұмыстарын жүргізді.
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында қарастырған өзекті мәселесінің бірі «Су ресурсы – еліміздегі өзекті мәселелердің бірі. Әсіресе, судың сапасы және оның халыққа қолжетімді болуы аса маңызды болып тұр» -деп айтып кетті. Жыл өткен сайын халқымыздың саны да, экономикамыз да өседі. Бұл – қалыпты құбылыс. Сол себепті 2040 жылдарға қарай Қазақстандағы су тапшылығы 12-15 миллиард текше метрге жетуі мүмкін. Осы мәселені іске асыру барысында су мамандарының айтарлық орны бар екендігі, суға қатысты мамандықтарға көптеген гранттық орындар бөлінетіндігі қозғалды. Аталған міндеттерді жүзеге асыру – мемлекеттің ғана емес, қоғамның әрбір мүшесінің міндеті, соның ішінде білім беру жүйесінің басты міндеттерінің бірі болып отыр. Ол білім беру жүйесінде кәсіптік бағдар беру жұмысы арқылы жүзеге асады. Кәсіптік бағдар беру – қоғамның қажеттілігіне қарай әрбір оқушының қабілеттілігі мен бейімділігін ескере отырып, су ресурстары мамандықтарына, атап айтатын болсақ «6В08615-Су ресурстарын басқару», «6В07301-Елді мекендерді сумен қамтамасыз ету және суды бұру», «6В07302-Гидротехникалық құрылыс және құрылымдар» қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын, яғни су ресурстары мамандықтарын қателеспей таңдауға мүмкіндік жасады.
Қайырымдылық ізгілік нұры
Қазіргі уақытта қайырымдылық адам баласының бойынан табылуы тиіс асыл қасиеттердің бірі болып табылады. Еліміздің әр азаматы мұқтаж жанға шын жүректен мейірім сыйлай алады.
«Жерге орналастыру және кадастр» кафедрасының профессор-оқытушылар құрамы және 1 - 4 курс студенттері қайырымдылық іс шарасын ұйымдастырды. Іс шара өмірлік қиын жағдайдағы балаларды қолдау орталығында өткізілді. Негізгі мақсат орталықтағы бөбектерімізге, бүлдіршіндер мен жас жеткіншектерге ыстық ықылас пен жарқын көңіл - күй сыйлау еді. Кафедра ұжымы және студенттеріміз орталық тәрбиеленушілеріне әртүрлі танымдық ойыншықтар, қолөнер бұйымдарын жасауға арналған материалдар, тәттілер, жеміс жидектер қорабынан сыйлықтар апарды.
Қазақстандықтардың саны 20 миллионға жетті.
Қасым хан билік құрған жылдар 1511-1523 жылдар болса қазіргі 2023 жылда Қасым-Жомарт Тоқаев басқарған заманда араға 500 жыл салып қазақтың саны 20 миллионға жетті.
Тарихтағы ашаршылық пен геноцид болмағанда бәлкім бұдан көп болар ма едік.
Қасым хан, Ұлы далаға, Қазақтың жеріне “орысты да , қытайды да” кіргізбеген!
Су – тіршілік көзі!
Су – біздің өміріміз бен денсаулығымыздың қайнар көзі, ол адамдарға және басқа да тіршілік иелеріне өмір сыйлады.
Суды қалай сипаттауға болады? Оның дәмі де, түсі де, иісі де жоқ. Мен күн сайын суды пайдаланамын: қолымды жуамын, душ қабылдаймын, тістерімді ысамын және сусын ретінде қолданамын. Сусыз өсімдіктер, жануарлар және адамдар тіршілік ете алмайды. Ежелгі адамдар өзендердің қасында не үшін қоныстанғанын түсіндім. Ол адамдарды ыстықтан сақтап, егін өсіруге көмектескен. Су болмаса адамзат қалай өмір сүретін еді? Мұны елестету өте қиын.
Экстремизм мен терроризм және оның зардаптары
2023 жылдың қараша айының 15 жұлдызында «Су ресурстары» кафедрасының 6В08615- «Су ресурстарын басқару» ББ 3 курс студенттеріне "Діни экстремизм мен терроризмге жол жоқ" тақырыбында куратор сағаты өткізілді. Куратор сағатының мақсаты: Студенттерге экстремизм, терроризм туралы түсінік беру. Бүгінгі өмірмен байланыстыру.
Экстремизм деген латын сөзі «шеттеу», яғни орталықтан ауытқу, тәртіпке бағынбау, өз пікірімен ғана іс — әрекет жасаушы деген ұғымды білдіреді. Экстремизмнің пайда болуы надандыққа, көрсоқырлыққа бейімделген көзқарастардан туындайды, яғни олардың ойы «тек қана менің пікірім дұрыс, өзгенікі бұрыс дегенге саяды. Ал, «Радикализм» латынның «radix» «түбір, тамыр» деген сөзінен шыққан. Термин саясатқа қатысты пайда болған. Радикализм – қоғамда қалыптасқан әлеуметтік - саяси жүйемен келіспей, оны түбірімен қайта құруды ұсынушы саяси топтың көзқарасы. Сондай - ақ, діни радикализм тіркесі өзге де «діни фундаментализм», «діни фанатизм», «діни экстермизм» секілді лаңкестік әрекеттерге қатысты қолданыла бастады.
Студенттер күні құтты болсын!
Құрметті студенттер сіздерді бүгінгі 17 қараша студенттер күнімен шын жүректен құттықтаймыз! Оқуларыңызды қызылға бітіріп, білікті маман иесі болыңыздар! Өмірдің осы студенттік шағын қызықты өткізіңіздер!
«Орталық Азияның су секторы үшін адами потенциалдарын дамыту» Эразмус жобасы
2023 жылдың қазан айының 18 жұлдызында «Су ресурстары» кафедрасының 6.2.207 аудиториясында «Орталық Азияның су секторы үшін адами потенциалдарын дамытумен бірге» Эразмус жобасының бастамасы салтанатты түрде ашылды. Бұл ашылуға Евро Одақ Университеттерінің мониторингтік топтары қатысты. Оның құрамына Италияның Бергам Университетінен Елена Бугле және Д’анджело Лариссса, Францияның Шампань-Арден Реймс Университетінен Деруан Жан-Поль және осы делегацияны бастап келген Нидерландының Делфтск Институтының ІНЕ Су Білімінен келген Серинг Мод Дженнифер болды. Сонымен қатар жобаға Орталық Азияның 15 ЖОО қатысады. Атап айтатын болсақ Қырғыз Республикасының Сыртқы істер министрлігі Қазы Дикамбаев атындағы Дипломатиялық академиясы, М.Х.Дулати атындағы Тараз Өңірлік Университеті, Қазақстан Республикасы Президентінің жанындағы Мемлекеттік Басқару Академиясы, Тәжікстан Республикасы Президентінің жанындағы Мемлекеттік басқару академиясы, С.Сейфулин атындағы Қазақ Агротехникалық Зерттеу Университеті, Қазақстан-Неміс Университеті, К.И.Скрябин атындағы Қырғыз Ұлттық Аграрлық Университеті, Ауылшаруашылық механизация және ирригация инженерлерінің Ташкент Институты, Түрікменстан Ауылшаруашылық Институты, Махтумкули атындағы Түрікмен Мемлекеттік Университеті, Өзбекстан Республикасының Сыртқы Істер Министрлігінің Әлемдік Экономика және Дипломатия Университеті кіреді.
Сыбайлас жемқорлыққа жол жоқ!
2023 жылдың 14 қараша күні "Су ресурстары" кафедрасының 6В08615-"Су ресмурстарын басқару" ББ 3 курс студенттері ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің өкілдерімен кездесуге қатысты. Кездесу "Сыбайлас жемқорлыққа қарсы мәдениетті қалыптастыру"тақырыбында өрбіді. Бұл кездесуге арнайы ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті Превенция басқармасының басшысы Байгебаев Қайрат Оразбекұлы, Сыбайлас жемқорлыққа қарсы комплаенс служба Басшысы Дидарбеков Жанибек Бақытжанұлы, Аға маман Байзаков Ғазиз Кәрімжанұлы шақырылды. Кездесу басында студенттерге арнайы дайындалған видеоролик көрсетілді. Ары қарай сыбайлас жемқорлыққа қарсы үгіт насихат, түсіндірме жұмыстары жүргізіліп, студенттермен сұрақ жауап алмасу арқылы жалғасын тапты. Студенттердің осындай тәлім тәрбиелік мәні көп кездесулер арқылы тура жолдан таймайтынына кәміл сенеміз.
Жұмыс берушілермен кездесу
Жамбыл облысы бойынша экология департаменті мен түлектердің байланысын қалыптастыру мақсатында 24 қазан 2023 жылы 6В05212-«Өнеркәсіптік мекемелердің экологиясы» және 6В05213-«Экология және табиғатты пайдалану» БББ 1-4 курс білім алушыларымен экология департамент басшылары Т.М. Смағұлов, А.С. Плехов және талдамалы аналитикалық зертханалық бөлімінің меңгерушісі Ж.Назарбеков және ардагер эколог Ю.В. Пасечный және «Экология және ТӘҚ» кафедрасының ПОҚ қатысты. Кездесу барысында «Экология» мамандығының болашағы мен маңыздылығы айтылып, сонымен қатар орын алып отырған экологиялық мәселелер аясында презентация мен видеороликтер көрсетілді. Дөңгелек үстел барысында өзекті экологиялық мәселелер талданып, білім алушылар қажетті ақпараттармен бөлісті.
Асқақ арманды ақын
Сұлтанмахмұт Торайғыровтың 130 жыл толуына орай «Асқақ арманды ақын» тақырыбында дөңгелек үстел ұйымдастырылды. Дөңгелек үстел мақсаты қазақтың көрнекті ақыны Сұлтанмахмұт Торайғыровтың өмірі және шығармашылығымен танысу, бүгінгі жас ұрпаққа үлгі – өнеге тұтып, болашақта ел-жұртының азаматы болып қалыптасуына ықпал ету.
ХІ ғасыр мен ХХ ғасыр тоғысында әдебиет әлемінде шығармаларының тақырыптық маңыздылығымен, көркемдік шешімдерімен, жанрлық ерекшеліктерімен дараланатын біртуар тұлғалармен мақтан етеміз. Қазақ халқының рухын аспандата келген оптимистік көзқарастағы ақын - жазушылар көші Сұлтанмахмұт Торайғыровтан басталады. С.Торайғыров - халқымыздың ой тілегін білдіріп, көзін надандықтан ашуды арман еткен. Ақын өз атынан сөйлей отырып, сол дәуірдегі ұрпақтың мұрат - мақсатын, арман - аңсарын жырға қосады. Жырларындағы әр сөзі толық мағыналы тұнып жатқан ойға жетелейді.
Ұстаз ұлы тұлға
"Қыран түлегіне қайтпас қанат сыйлайды, ұстаз шәкіртіне талмас талап сыйлайды" демекші, ұстаз шәкіртінің білім алып, тәрбиелі де саналы азамат болу үшін еңбек етеді. Студентінің әрбір жетістігіне қуанып, биік белестерді бағындыруға бағыттап, білікті маман болып жетілуіне үлес қосатын ұлы тұлға.
"5 қазан - Ұстаздар күні" мұғалімдердің, оқытушылар мен жалпы білім беру саласы қызметкерлерінің кәсіби мерекесі қарсаңында "Ұстазы жақсының ұстамы жақсы" дегендей ұстаздарына құрмет көрсету мақсатында кафедрамыздың студенттері керемет кеш өткізді. Кеш барысында тұла бойы өнерге толы студенттеріміз көрініс көрсетіп, қазақтың ұлы домбырасымен күй шертіп, мәнерлеп поэзия оқып, көңіл көтерер видеолар көрсетіп, хормен керемет ән айтып, өз ықыластарын білдірді. Әр оқытушының еңбегін бағалап, арнайы сертификаттар табысталды.
Кафедра ұжымы кең пейілді көңілдерін білдірген студенттерімізге мың алғыс айтады.
Әріптестерімізді мерекесімен құттықтап, еңбектеріне табыс, отбасына амандық тілейміз.
Подробнее ...
СУ РЕСУРСТАРЫ ЖӘНЕ ҚОРШАҒАН ОРТА ЖӨНІНДЕГІ USAID ӨҢІРЛІК ЖОБАСЫ
2023 жылдың 20-22 қыркүйек аралығында Алматы қаласында, су ресурстары және қоршаған орта жөніндегі USAID өңірлік жобасымен «Су ресурстарын ұтымды пайдалану» оқу курсы бойынша тренинг ұйымдастырылды. Мақсаты: су, азық-түлік және экожүйе ресурстары саласында жұмыс істейтін университеттердің білім беру әлеуетін күшейту. Тренингке қатысушыларды су ресурстарын ұтымды пайдалану бойынша оқу курсымен және дәрістермен таныстыру міндеттері негізделген. Болашақта оқу бағдарламасын немесе оқу материалдарын жергілікті жағдайларға бейімдей алатын, осы салада магистрлерді даярлау кезінде су ресурстарын тиімді пайдалану бойынша жұмыс жасайтын жоғары оқу орындарының оқытушыларын даярлау.
Кәсіптік практика - 2023
2023 жылдың 29 мамырында Қазақстан Республикасы Ғылым және жоғары білім министрлігі 2022 жылғы 20 шілдеден № 2 бұйрығымен бекітілген «Жоғары және жоғары оқу орнынан кейін білім берудің мемлекеттік жалпыға міндеті стандарттарын бекіту туралы» талабына және «М.Х. Дулати атындағы Тараз өңірлік университеті» КЕ АҚ Жарғысының 113 тармағының 15 тармақшасы мен 2020 жылғы 29 желтоқсанда бекітілген «Кәсіптік практика туралы» Ережесіне сәйкес «Су шаруашылығы және табиғатқа үйлестіру» институтының «Су ресурстары» кафедрасына тиесілі білім беру бағдарламалары бойынша студенттерінің оқу практикалары ұйымдастырылып, және нақты мекемелерге жіберіліп, окытушылар жетекші ретінде тағайындалды. Атап айтқанда, «Су ресурстарын басқару», «Гидротехникалық құрылыс және құрылымдар», «Елді мекендерді сумен жабдықтау және суды бұру» мандықтары бойынша студенттер, сала бойынша мекемелерге жолданды. 6В08613 - «Елді мекендерді сумен қамтамасыз ету және суды бұру» білім беру бағдарламасы бойынша 1-ші курс студенттеріне ең алғашқы - оқу практикасы да «Р. Жолаев атындағы оқу-зертханасында» басталып кетті.
Кәсіптік бағдар беру жұмыстары
3-4 мамыр күндері Жуалы, Талас, Жамбыл аудандарына қарасты елді мекендерде, ауылдарда орналасқан мектептерді аралау жұмыстары жүрді. Ондағы мақсат, мектеп бітірушілерге кәсіби бағдар шарасы аясында «Су ресурстары және суды пайдалану» бағдарламасы бойынша дайындалатын мамандықтарға үгіт-насихат жүргізу.
Негізі «Су ресурстары» кафедрасында бакалавр дәрежесі бойынша үш мамандық түрі бар. «Су ресурстарын басқару», «Гидротехникалық құрылыс және құрылымдар», «Елді мекендерді сумен жабдықтау және суды бұру» мандықтарына үміткер болу үшін, бітірушілердің физика-математика пәнін таңдап, ҰБТ-ден 50 баллдан жоғары көрсеткіші болуы шарт.
Кәсіптік бағдар беру жұмыстары
Ағымдағы жылдың 20-21 сәуірінде «Су ресурстары» кафедрасының атынан «Гидротехникалық құрылыс және құрылымдар», «Елді мекендерді сумен жабдықтау және суды бұру», «Су ресурстарын басқару» мамандықтарын мектеп бітірушілерге таныстыру мақсатында Қаратау қаласының мектептеріне жол тартық. Қаратау қаласында, жалпы әр түрлі деңгейдегі сегіз жалпы орта білім ордасы бар екен, олардың арасында, А. Байтұрсынов атындағы гимназия, Д. Қонаев, С. Сейфуллин, А. Пушкин, Ш. Уалиханов, М. Әуезов, атындағы орта мектептер, №1 орыс мектеп лицейі және лицей-мектеп бар. Оқушылардың арасында бейіндік пәні физика-математика таңдаған балаларға ерекше көңіл бөлініп, сұрақ-жауап алмасып, өте қызу пікірталас орнады.
Кәсіби бағдар беру жұмыстарының жүргізілуі
Кәсіби бағдар беру жұмыстары қазіргі таңда маңызды болып табылады. Кәсіби бағдар беру - жас ұрпақты өзінің қалауындағы мамандық иесі болу үшін дайындауға бағытталған іс - әрекет. Мамандықты саналы таңдауда адамның қабілеттілігінің қалыптасуының да үлкен маңызы бар.
«Жерге орналастыру және кадастр» кафедрасының профессор - оқытушылар құрамы жоспарға сай бекітілген Тараз қаласының «№36 орта мектебі» коммуналдық мемлекеттік мекемесі, «№44 орта мектебі» коммуналдық мемлекеттік мекемесі, «№2 орта мектебі» коммуналдық мемлекеттік мекемесі және 125 high educational school мектебін бітіруші түлектерімен кездесіп, кәсіби бағдар беру жұмыстарын жүргізуде. Кәсіби бағдар жұмысында мектеп бітіруші түлектерге білім беру бағдарламалары туралы түсіндіру, білім беру бағдарламаларын таңдауға бағыт - бағдар беру, оқушыларды белгілі мамандықтың түрін меңгеруге бейімдеу туралы түсіндіру жұмыстарын жүргізіп, Тараз қаласындағы өңірлік университетімізге оқуға түсуге шақырды. Университетіміздің барлық білім беру бағдарламалары туралы ақпарат берілді. Кафедрамызда оқытылатын 6В07312-«Жерге орналастыру», 6В07311-«Жер кадастры және жылжымайтын мүлікті бағалау» білім беру бағдарламалары бойынша ақпараттар беріліп, таңдау пәндеріне тоқталып, кафедраның жеткен жетістіктері туралы айтылды.
Үгіт-насихат жұмыстары
2023 жылы 19 сәуірде «Су ресурстары» кафедрасы оқытушыларымен Жамбыл облысы Сарысу ауданы мектептеріне үгіт-насихат жұмыстары жүргізілді. Байқадам кентінің екі мектебіне бардық. Кафедра оқытушылары университет және кафедра туралы бейнеролик пен презентация жасады. Мектеп оқушыларына грантқа құжаттар тапсыру процедурасы қалай жүргізілетіні түсіндірілді, және де «Су ресурстары» кафедрасы мен университет буклеттері таратылды. Сонымен қатар, биылғы оқу жылында «Су ресурстары және суды пайдалану» білім беру бағдарламасына 50 мақсатты және 20 облыс әкімі бөлінетіні айтып өтілді. Баяндама жасалған соң, мектеп түлектері грант пен құжат тапсыру туралы сұрақтар қойды.