КӘСІПКЕРЛЕРМЕН КЕЗДЕСІП, ӨНІМДЕРІ ТАНЫСТЫРЫЛДЫ
Университеттің «Ғылым және коммерцияландыру департаменті» Коммерцияландыру бөлімінің ұйымдастыруымен «Жаратылыстану ғылымдары» факультеті, «Биология» кафедрасының ғалымдары Байзақ ауданындағы жеке кәсіпкер, «АГРОМИКС» шаруа қожалығының директоры Назым Нұрбаевамен кездесті.
Кездесуде «Биология» кафедрасының меңгерушісі, доцент, биология ғылымдарының кандидаты Гүлнар Зияева және ауыл шаруашылық ғылымдарының докторы Жақсыбай Төлеубаев саңырауқұлақ пен бөдене өсірумен айналысып жатқан кәсіпкердің өнімдерімен танысты.
Жиын барысында саңырауқұлақ өндірісі мен бөдене жұмыртқасының өнім мөлшерін арттыру, қолайлы микроклимат жасау және зиянкестермен күресу шаралары секілді біршама мәселелер анықталды. Нәтижесінде, ғылыми тұрғыда көмек қолын созатын ғалымдар кеңесі қажет деп танылды.
«Биология» кафедрасының ғалымдары екі жақты келісім шарт негізінде ғылыми зерттеу жұмыстарын жүргізуге ұсыныс білдірді. Өзара ынтымақтастықты дамыту мақсатында «Биология» кафедрасының ғалымдары «Саңырауқұлақтарды өсірудің тиімділігін арттыру» тақырыбында ғылыми-зерттеу және тәжірибелік–конструкторлық жұмыстар жүргізуге келісті.
«THE WONDERFUL WORLD CAMEL MILK» АТТЫ БАЙҚАУ ҚАТЫСУШЫЛАРЫНА ТҮСІНДІРМЕ ЖҰМЫСТАРЫ ЖҮРГІЗІЛДІ
Дулати университетінің Коммерцияландыру бөлімінің ұйымдастыруымен 20 қараша күні өткізілетін «The Wonderful World Camel milk » атты байқау қатысушыларына түсіндірме жұмыстары жүргізілді.
Түсіндірме жұмыстарының мақсаты – «Ақ Алтын» өндіруші компаниясының түйе сүтінен өндіретін өнімдерінің адам ағзасына пайдалы екенін жарнамалау. Нәтижесінде студенттердің ой өрісі мен жас ұрпақтың стандартты емес шешімдер жасаудағы мүмкіндіктерін іске асырудағы тәсілдерін көрсету.
Байқау арқылы жас буынға кәсіби салада жүрген менторлармен және жетекші мамандармен кәсіби қарым-қатынас орнату мүмкіндігі беріледі.
«ТӘУЕЛСІЗДІК ҰРПАҚТАРЫ» АТТЫ БАЙҚАУ ӨТТІ
Дулати университетінің қабырғасында Ғылым және коммерцияландыру департаментінің коммерцияландыру бөлімінің ұйымдастыруымен студенттер арасында «Тәуелсіздік ұрпақтары» атты байқау өтті.
Байқауда Жамбыл облыстық іскер әйелдер кеңесінің төрайымы Шолпан Кариева, Жамбыл облыстық бөлшек сауда компаниялары ассоциациясының басшысы Виктория Усманова, Басқарма мүшесі – ғылым және цифрландыру жөніндегі проректор Сейітжан Орынбаев, Жобалық басқару және цифрландыру орталығының басшысы Дина Төлегенова, «Экономика және менеджмент» кафедрасының аға оқытушысы, экономика ғылымдарының магистрі Гүлзат Искакова төрелік етті.
Байқаудың мақсаты – шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларына мемлекет тарапынан қолдау көрсетіп, инновациялық стартаптар мен кәсіпкерлік жобаларды қажетті ресурстармен, біліммен және ғылыми-техникалық әзірлемелерімен қамтамасыз ету. Жастар арасында стартап мәдениетін насихаттау және индустриядағы үздік идеяларды дамыту.
Байқауды Басқарма мүшесі – ғылым және цифрландыру жөніндегі проректор Сейітжан Орынбаев құттықтау сөзбен ашып, байқаудың маңыздылығына тоқталды. Өз сөзінде технология дәуірінде әр жас буын өзінің жобасын іске асыра алатынын, ең бастысы — өзекті мәселені тауып, оны шешудің жолдарын ойлап табу екенін айтып, қатысушылардан үлкен үміт күтетінін жеткізді.
Жүлде қоры 3 миллион теңгені құрайтын «Тәуелсіздік ұрпақтары» грантын жеңіп алу байқауына 14-35 жас аралығындағы жастар өзара бақ сынады. Аталған грант қаражаты ғылымның басым секторларында жаңа ғылыми жобаларды және зерттеулерді іске асыруға, Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобалар үшін, жаңа IT шешімдер мен жобаларды, оның ішінде жаңадан басталған стартап жобаларды әзірлеуге, экономиканың басым секторларында жаңа бизнес-идеяларды шыңдауға және медиа жобаларды, оның ішінде жастар үшін танымдық, пайдалы, қызықты контент құру ісіне бағытталған. Өз білімін, біліктілігін және тәжірибесін сынай отыра 13 команда қазылар алқасы алдында жобаларын қорғады. Жобаны көрсету үшін жобаның қысқаша сипаттамасы, кезеңдері, процесі, технологиясы, нәтижесін қамтитын жоба паспортын визуализациялау үшін командалар дайындаған презентация ұсынылды. Дайындалған жобаның қоғамға пайдасы мен экономикалық тиімділігіне баса назар аударылды.
Байқау соңында ең үздік деген жобалары бар командаларға университетіміздің Басқарма мүшесі – ғылым және цифрландыру жөніндегі проректор Сейітжан Орынбаевтың тарапынан қолдау көрсетіліп, жүлде қоры 3 миллион теңгелік «Тәуелсіздік ұрпақтары» грантын жеңіп алу байқауына қатысу үшін мүмкіндік берілді.
«TOTAL ENERGY ТҰРАҚТЫ ДАМУ МЕКТЕБІ» МАРАПАТТАУ ІС-ШАРАСЫ
Дулати университетінде Француз республикасының «Total Energies» компаниясының «Total Energy» тұрақты даму мектебі» профессорларының университеттегі жұмыс сапарларының аяқталуына байланысты салтанатты іс-шара өткізілді.
7.10.2024 -10.10.2024 аралығында профессорлар Дулати университетінің оқытушылары мен студенттеріне келесі тақырыптарда лекция өткізіліп, тәжірибелерімен бөлісті.
- «Дарындылықты дамыту және көшбасшылық» тақырыбында профессор Эрве Оберрайнер
- «Еңбекті қорғау және қауіпсіздік қағидалары: ірі жазатайым оқиғалардың алдын алу» профессор Терри Купер
- «Ірі компанияның даму стратегиясы: мемлекеттермен қарым-қатынас – Экономика – тұрақты даму» профессор Жан-Пьер Кордье
- «Дағдарысты басқару және коммуникация» профессор Филипп Гайс
- «Климаттың өзгеруі және энергияның ауысуы» профессор Ксавье Лимпенс.
Салтанатты іс-шараны университеттің Басқарма мүшесі - ғылым және цифрландыру жөніндегі проректор Сейітжан Орынбаев ашып, өткізілген дәрістерге біліктіліктерін арттыру үшін студенттеріміз, оқытушылар құрамы мен ғалымдарымыздан басқа өңіріміздің кәсіпкерлері мен кәсіпорын мамандарыныңда қатысқанын айта келе, еліміздің әлеуметтік-экономикалық дамуына үлестерін қосқаны үшін профессорларға ризашылығын білдіріп «Алғыс хатпен» марапаттады.
Өз кезегінде «Total Energies Renewables Services Kazakhstan» компаниясының Бас директоры Тьерри Плезан сөз алып, Дулати университетімен өзара тиімді стратегиялық ынтымақтастықты дамыту арқылы білім мен дағдыны пайдаланып, тәжірибе алмасу мүмкіндіктеріне ие болғанына ризашылығын білдірді.
ҚАРЖЫЛАНДЫРУ ЖОБАСЫНЫҢ ЖЕҢІМПАЗЫ АНЫҚТАЛДЫ
Қазақстан Республикасының Ғылым және жоғары білім министрлігінің ұйымдастыруымен 2024-2026 жылдарға арналған Ғылыми және ғылыми-техникалық жобалар бойынша гранттық қаржыландыру конкурсының жеңімпазы анықталды.
Жеңімпаз М.Х.Дулати атындағы Тараз өңірлік университетінің «Педагогика және әлеуметтік ғылымдар» факультеті «Әлеуметтік психология» кафедрасының профессоры п.ғ.к. Керимбаева Рысты Қалдыханқызы.
Жоба тақырыбы: «Заманауи үлгідегі ойыншықтар арқылы қазақ халқының ұлттық құндылықтарын жаңғырту».
Үздік жоба аясында профессор Рысты Қалдыханқызы 350 миллион қаржылық грантты жеңіп алды.
Рысты Қалдыханқызының жобасы университет тарихында тұңғыш рет коммерцияландыру конкурсы бойынша грантты жеңіп алған және байқаудың ең жоғарғы қаржысын иеленген үздік жобалардың бірі.
Профессор Рысты ханымның ғылыми ізденістестеріне шабыт пен шығармашылық табыс тілейміз!
РЕКТОР ФРАНЦИЯ РЕСПУБЛИКАСЫНЫҢ ДЕЛЕГАЦИЯСЫН ҚАБЫЛДАДЫ
Басқарма төрағасы – ректор Мұхтар Байжұманов «Total Energies» компаниясының бас директоры мен «Total Energy тұрақты даму мектебінің» профессор-оқытушылар құрамын қабылдады.
Кездесу мақсаты – өзара тиімді стратегиялық ынтымақтастықты дамыту және бірлесе жұмыс жасау арқылы жастарға білім мен дағдыны пайдаланып, тәжірибе алу арқылы кәсіби салаға қадам басуға мүмкіндіктер ашу.
Мұхтар Қазбекұлы қонақтарға жылы лебізін білдіріп, жұмыс жоспарлар мен өзара тиімді ынтымақтастықты одан әрі дамыту мәселелерін талқылады.
«Total Energies» компаниясы– автомобиль жасау, металл өңдеу, құрылыс саласы, энергетика, тау-кен, химия өнеркәсібі секілді көптеген түрлі сала өндірістерімен танымал.
«Total Energy тұрақты даму мектебінің» профессор-оқытушылар құрамы төрт күн бойы ұстаздар мен студенттерге бес түрлі бағытта дәріс оқып, сертификаттар табыстайды. Дәріс алу үшін 660-қа жуық адам тіркелген. Тіркелгендер қатарында өңіріміздің кәсіпкерлері мен кәсіпорын мамандары да бар.
Қонақтарымыз бас ғимаратта орналасқан мұражайда М.Х.Дулатидің шығармашылығымен танысып, әйгілі тарихшының жәдігерлері мен қоғамдық қызметін сипаттайтын мұрағат құжаттар, тарихи фотосуреттер, сирек басылымдарына қызығушылық танытты. Сондай-ақ. Дулати ұжымының қонақжайлығы мен жылы қабылдауына алғыстарын білдіріп, білім ордасы алдағы уақытта да биік белестерді бағындыратынына сенім білдірді.
«DECENTRATHON 2.0» МУЛЬТИЛОКАЦИЯЛЫҚ ХАКАТОНЫ ӨТТІ
Дулати университеті қабырғасында $50,000 жүлде қоры бар республикалық «Decentrathon 2.0» мультилокациялық хакатоны өтті.
Байқауды ұйымдастыру комитеті: Astana Hub, аймақтық Zhambyl Hub және Blockchain Center зерттеу зертханасы, Дулати университетінің коммерцияландыру бөлімі, Корпоративтік клиенттермен жұмыс жөніндегі бөлім.
Байқаудың мақсаты – IT саласындағы жас мамандарға инновациялық стартаптар мен кәсіпкерлік бастамаларды қажетті ресурстармен, біліммен және қолдаумен қамтамасыз ету. Қатысушы командаларға қойылған шарт – 48 сағат ішінде өзекті мәселелердің жаңа шешімдерін ұсыну, инновациялық өнім идеяларын дамыту.
Онлайн форматта Қазақстан Республикасының Цифрлық даму, инновациялар және аэроғарыш өнеркәсібі министрі Жаслан Мәдиев қатысушыларға сәттілік тілеп, жаһандық жобалар жасайтын жас мамандардан үлкен үміт күтетінін жеткізді.
«Decentrathon 2.0» хакатоны Қазақстанның 17 өңірін және Астана мен Алматы қалаларын қамтиды. Биылғы хакатонға 2500-ден астам қатысушы тіркелсе, Жамбыл облысынан 113 адамнан құралған 43 команда бақтарын сынады. Олар төрт негізгі бағыт бойынша тапсырмаларды шешумен айналысты: жасанды интеллект (AI), Blockchain, ойын индустриясы (GameDev) және Telegram шағын қосымшаларын жасау.
Дулати университеті Коммерцияландыру бөлімінің басшысы Жайдарбек Танаев сөз алып, байқаудың маңыздылығына тоқталды. Өз сөзінде технология дәуірінде әр жас буын өзінің стартапын іске асыра алатынын, ең бастысы — өзекті мәселені тауып, оны шешудің жолдарын ойлап табу екенін тілге тиек етті. Сондай-ақ, мультилокациялық хакатон елімізде ғана емес, жаһандық салаларды да өзгертіп, жас таланттарға технологиялар мен жасанды интеллекттің дамуына өз үлесін қосуға мүмкіндік екенін жеткізді.
Байқауда командалар өзара бақ сынап, білімін, біліктілігін және тәжірибесін сынай отыра, жетекші компанияларға жобаларын таныстырды. Дайындалған жобаның қоғамға пайдасы мен экономикалық тиімділігіне баса назар аударылды. IT мамандарының жетекшілігімен қатысушылар білім мен практикалық дағдылар алу мүмкіндігіне ие болды.
ҒЫЛЫМИ ЗЕРТТЕУ ЖҰМЫСТАРЫН ОРЫНДАУ БАРЫСЫ ЖӨНІНДЕ КЕЗДЕСУ ӨТТІ
Дулати университеті қабырғасында Басқарма Төрағасы – Ректор Мұхтар Байжұмановтың қатысуымен Басқарма Мүшесі Ғылым және цифрландыру жөніндегі проректор Сейтжан Орынбаевқа қарасты құрылымдық бөлім басшыларының есебі, гранттық қаржыландыру жобалары мен мақсатты бағдарламалар жетекшілерінің ғылыми зерттеу жұмыстарды орындау барысы жөнінде кездесу өтті.
Кездесуде Мұхтар Қазбекұлы университетіміздің қайта құрылуына байланысты сөз алып, ғалымдарымызға барынша жағдай жасалып, оларға тиесілі академиялық сағаттарынан босатып, ғылыммен айналысуға мүмкіндік жасау керектігін тілге тиек етті.
Проректор Сейтжан Орынбаев сөз кезегін алып, 2023-2024 жылы аралығында жалпы ұтысқа ие болған барлық жобалар мен атқарылған жұмыстар жөнінде сөз қозғады.
Ғылым және коммерцияландыру департаментінің директоры Арман Кабдушев биыл бекітілген «Ғылым және технологиялық саясат» туралы заңның ерекшеліктеріне тоқталып, ғылымды дамытуға және технологиялық саясатты іске асыруға шақырды. Елдің бәсекеге қабілеттілігін қамтамасыз ету үшін ғылыми жетістіктердің нәтижелерін енгізуге, сондай-ақ ғылыми қызметтің стратегиялық, кәсіби және әлеуметтік мәселелерін шешуге бағытталған тұстарын айқындап, түсіндірді.
Сонымен қатар, Ғылыми зерттеу қызметі бөлімінің басшысы Мәртебе Жанқуанышев пен Коммерцияландыру бөлімінің басшысы Жайдарбек Танаев гранттық қаржыландыру бойынша, жас ғалым, ең үздік оқытушы, коммерцияландыру бойынша ұтысқа ие болған жобалар бойынша жетістіктерін атап өтті. Жобалардың орындалу барысын және ерекшеліктері жайлы түсіндірді.
Кездесу барысында университетіміздің тарихында алғашқы рет жеңіп алған «Мегагрант» мақсатты қаржыландыру бағдарламасы жайында қандай жұмыстар атқарылып жатқандығы туралы талқыланды.
Ғалымдарымыз жиналыс соңында өз жобалары бойынша атқарылған жұмыс жөнінде есеп беріп, көкейлерінде жүрген сұрақтарын қойып, толыққанды жауап алды.
ӨНДІРІСТІК ӨНІМДЕР ТАНЫСТЫРЫЛДЫ
Дулати университеті қабырғасында Коммерцияландыру бөлімінің ұйымдастыруымен әрі «Ғылым қоры» АҚ қолдауымен «LF Company» өндірістік компаниясының түйе сүтінен өндірілген өнімдері таныстырылды.
Кездесуге «LF Company» өндірістік компанияның мүшелері, Басқарма Мүшесі Ғылым және цифрландыру жөніндегі проректор Сейтжан Орынбаев және университеттің профессор-оқытушылар құрамы қатысты.
Жиынның мақсаты – жиналған жұртқа түйе сүтінен өндірілген жаңа өнімдерді таныстыра отырып, адам ағзасына пайдасын жете түсіндіру.
Жобаның ғылыми жаңалығы – сүт қышқылы бактерияларының әртүрлі түрлерін біріктіру арқылы диеталық және емдік-профилактикалық қасиеттері бар түйе сүтін қолдану арқылы жаңа өнімдерді өндірудің ғылыми негізделген технологиясын әзірлеу.
«Ақ алтын» сауда белгісімен шығатын түйе сүті, йогурт, сүзбе және ірімшік секілді пайдалы құрамға ие. Өнімнің құрамындағы альбумин адам ағзасына таптырмайтын ақуыз. Сонымен қатар А, С, В1 В2, В6 тобының дәрумендері мен Са, P, Fe минералды заттары бар.
Жиын соңында өндірушілер өз өнімдерін ұсынып, қатысушылар тарапынан туындаған бірқатар сұрақтарға жауап берді. Сондай-ақ, өндіруші мамандар консерванттар, тұрақтандырғыштар мен бояғыштарды пайдаланбай заманауи, сұранысқа ие, ең бастысы табиғи отандық өнімді қолдауға шақырды.
ОҚЫТУШЫЛАРҒА ТҮСІНДІРМЕ ЖҰМЫСТАРЫ ЖҮРГІЗІЛДІ
Дулати университетінде Ғылым және коммерцияландыру департаментінің Ғылыми зерттеу қызметі, Коммерцияландыру бөлімдері, Жобаларды басқару және цифрландыру орталығының ұйымдастыруымен профессор-оқытушылар құрамына түсіндірме жұмыстары жүргізілді.
Түсіндірме жұмыстары «Экономика және құқық»,«Педагогика және әлеуметтік ғылымдар», Жаратылыстану ғылымдары, Технологиялық факультеттерінің оқытушыларына арналды. Құрылымдық бөлімдер өз салалары бойынша конкурстық құжаттамаға қатысты семинар өткізіп,баяндамалар жасады.
Семинар барысында Ғылыми зерттеу қызметі бөлімінің басшысы Мәртебе Жанқуанышев сөз алып, ғылыми және ғылыми-техникалық жобаларды гранттық қаржыландыру және «Жас ғалым» конкурсының талаптарымен, конкурстық құжаттаманың негізгі бөлімдерімен таныстырды. Сонымен қатар, конкурстық құжаттамаға енгізілген өзгерістер туралы баяндады.
Коммерцияландыру бөлімінің басшысы Жайдарбек Танаев 2025-2027 жылдарға арналған ғылыми және ғылыми-техникалық қызмет нәтижелерін коммерцияландыру барысында перспективалы жобаларды гранттық қаржыландыруға арналған конкурсқа құжаттар рәсімдеу 2024 жылғы 09 қыркүйектен бастап 2024 жылғы 09 қазанға дейін жалғасатынын тілге тиек етті.Жобалар аясында технологиялық және экономикалық жоспарлардың маңызды екенін айтты. Алдағы уақытта, кесте бойынша өткізілетін Ғылым қорының ZOOM қосымшасы арқылы ұйымдастырып жатқан түсіндірме консультацияларына қатысуларына кеңес беріп,тәжірибесімен бөлісті.
Жобалық басқару және цифрландыру орталығының басшысы Дина Төлегенова университеттің ІТ инфрақұрылымы және цифрлық сервистерінің қазіргі жағдайы мен осы жылы атқарылатын іс-шаралар жүйесімен таныстырып, жасанды интеллект бағытында ашылғалы отырған бөлімнің алдағы мақсаты мен міндеттері туралы кеңірек айтты.
Кездесу соңында университеттің профессор-оқытушылар құрамы көкейінде жүрген сауалдарын қойып,пікірлерімен бөлісті.
«БІР АУЫЛ – БІР ӨНІМ» АТТЫ ЖОБАЛЫҚ ТАУАРЛАР МЕН ӨНІМДЕР КӨРМЕСІ
2024 жылдың қыркүйектің 20 күні М.Үркімбаев атындағы «Жастар сарайы» ғимаратындаІскер әйелдеркеңесі, «Атамекен» ҰКП және Дулати университетінің ұйымдастыруымен «Бір ауыл – бір өнім» атты жобалық тауарлар мен өнімдер ауқымды көрмесі өткізілді.Кәсіпкерлердің тауарларын отандық және шетелдік нарыққа шығару мақсатында 3 бағытта панельдік сессия ұйымдастырылды.
«Бір ауыл - бір өнім» жобасының басты мақсаты - өңірлерді дамыту, халықтың әл-ауқатын жақсарту, халықаралық нарықта бәсекеге қабілетті, сапалы өнім өндіріп шығаруына кәсіпкерлерге қолдау көрсету.Осыкөрмеге қонақ ретіндеЖамбыл облысы әкімінің орынбасары Қанатбек Қайшыбекұлы Мәдібек, ҚР Парламенті Мәжілісінің экономикалық реформа және өңірлік даму комитетінің мүшесі Искандиров Мұқаш Зулкарнаұлыжәне облысымыздың бизнес өкілдері қатысты.
Сертификаттаудан өткен әрі сұранысқа ие бірегей өңірлік өнімді жасауғажәне осы жобаға қатысушыларды оқыту және қолдау аясында ынтымақтыстық туралы М.Х.Дулати атындағы Тараз өңірлік университеті мен «Атамекен» ҰКП арасында меморандумға қол қойды. «Бір ауыл - бір өнім» жобасы бойынша, өнімдер маркетингтік қолдауға ие болып, брендттеліп, сертификатталатын болады. Бұл жергілікті тауарларға деген сұранысты арттырып, экспортқа шығуына мүмкіндік беретіні анық.
Бүгінгі күні ұйымдастырылып отырған іс-шара –жергілікті кәсіпкерлердің кәсіби өсуіне ықпал етіп, олардың бәсекеге қабілеттілігін арттыруға берер мүмкіндігі мол.
КОММЕРЦИЯЛАНДЫРУ БАҒЫТЫ БОЙЫНША КОНКУРСҚА ӨТІНІМ БЕРУ ЖӨНІНДЕ ОНЛАЙН ПИТЧ ӨТТІ
Дулати университетінің қабырғасында Коммерцияландыру бөлімінің ұйымдастыруымен «Қазақстандағы технологияларды коммерцияландыру орталығы» ЖШС-нің бас директоры Құрманғазы Құралұлы Омаровтың қатысуымен ғалымдарымыздың инновациялық жобаларын 2025-2027 жылдарға арналған ғылыми және ғылыми-техникалық қызмет нәтижелерін коммерцияландырудың неғұрлым перспективалы жобаларын гранттық қаржыландыру конкурстарына дайындау мақсатында онлайн питч өткізілді. Онлайн питчке конкурсқа өтінім беріп отырған коммерцияландыру жобалары бар университетіміздің ғалымдары мен ғылыми жетекшілеріміз жобалары бойынша көкейлерінде жүрген көптеген сұрақтарының шешімін алып тарқасты.
ҚАРЖЫЛАНДЫРУ ЖОБАСЫНЫҢ ЖЕҢІМПАЗЫ АНЫҚТАЛДЫ
Қазақстан Республикасының Ғылым және жоғары білім министрлігінің ұйымдастыруымен 2024-2026 жылдарға арналған Ғылыми және ғылыми-техникалық жобалар бойынша гранттық қаржыландыру конкурсының жеңімпазы анықталды.
Жеңімпаз М.Х.Дулати атындағы Тараз өңірлік университетінің «Педагогика және әлеуметтік ғылымдар» факультеті «Әлеуметтік психология» кафедрасының профессоры п.ғ.к. Керимбаева Рысты Қалдыханқызы.
Жоба тақырыбы: «Заманауи үлгідегі ойыншықтар арқылы қазақ халқының ұлттық құндылықтарын жаңғырту».
Үздік жоба аясында профессор Рысты Қалдыханқызы 350 миллион қаржылық грантты жеңіп алды.
Рысты Қалдыханқызының жобасы университет тарихында тұңғыш рет коммерцияландыру конкурсы бойынша грантты жеңіп алған және байқаудың ең жоғарғы қаржысын иеленген үздік жобалардың бірі.
Профессор Рысты ханымның ғылыми ізденістестеріне шабыт пен шығармашылық табыс тілейміз!
ЕКІ ЖАҚТЫ МЕМОРАНДУМҒА ҚОЛ ҚОЙЫЛДЫ
М.Х.Дулати атындағы Тараз өңірлік университетінің Басқарма мүшесі – Ғылым және цифрландыру жөніндегі проректор Сейтжан Орынбаев және «Ионосфера институты» жауапкершілігі шектеулі серіктестігінің директоры Серік Нұрақынов Қазақстан Республикасының жоғары оқу орны мен ғылыми институты арасындағы Ғылым және жоғары білім саласындағы байланыстарды дамыту және нығайту туралы екі жақты меморандумға қол қойды.
Меморандум мақсаты – білім беру және ғылыми-зерттеу қызметінде іскерлік өзара тиімді тараптар арқылы ынтымақтастықты нығайту.
Келісім шеңберінде алдағы уақытта курстар мен семинарларды бірлесіп өткізу, магистрлік, PhD-докторлық диссертацияларға басшылық ету, семинарлар, дөңгелек үстелдер, конференциялар ұйымдастыру, бос жұмыс орындар жәрмеңкесіне қатысу, студенттердің өндірістік практикасын өткізу, түлектерді жұмысқа орналастыру, зерттеулерді коммерцияландыруға, келісімшарттық зерттеулерге бағытталған гранттық қаржыландыру конкурстарына бірлесіп қатысу және т.б. әдістері бойынша өзара ынтымақтастық жасалады.
КОММЕРЦИЯЛАНДЫРУ ЖОБАЛАРЫН ЖҮЗЕГЕ АСЫРУ МАҚСАТЫНДА КЕЗДЕСУ ӨТТІ
Дулати университеті қабырғасында «Экономика және менеджмент» кафедрасының PhD докторы, сарапшы Гүлзат Қуанышбайқызымен коммерцияландыру жобаларын жүзеге асыру мақсатында кездесу өтті.Ұйымдастыру комитеті: Ғылым және коммерцияландыру департаментінің коммерцияландыру бөлімі.
Кездесу мақсаты – гранттық қаржыландыру үшін конкурстық жобаларды талқылап, түрлі саладағы коммерцияландыру бойынша жасақталған жобалардың экономикалық бөліміндегі кездесетін түрлі қиындықтардың ұтымды жағын ескеріп, бірлесіп қызмет жасау.
Кездесуге университетіміздің ғылыми жұмыстары бойынша декан орынбасарлары, ғалымдар мен жас ғалымдар, коммерцияландыру конкурстарының жетекшілері мен орындаушылары қатысты.
Кездесудің барысында жоба жетекшілері сарапшы Гүлзат Қуанышбайқызына көкейінде жүрген сауалдарын қойып,пікірлерімен бөлісті.
Алдағы уақытта сарапшы мен ғалымдар коммерцияландыру бойынша жобалардың экономикалық бөлімдерін талқылап, жұмыс жасайтындарын жеткізді.
«IDEA BATTLE DEMO DAY» КОМАНДАЛЫҚ СТАРТАПТАР БАЙҚАУЫ ӨТТІ
Дулати университеті қабырғасында «Astana hub» халықаралық IT стартап технопаркінің өңірлік филиалы Zhambyl Hub қолдауымен «Idea Battle Demo Day» командалық стартаптар байқауының финалы өтті. Байқауды ұйымдастыру комитеті: Zhambyl hub өңірлік менеджері Айгерім Наурызбекова және Ғылым және коммерцияландыру департаментінің коммерцияландыру бөлімі.
«DULATY START-UP- 2024: STUDENT ENERGY CHALLENGE» БАЙҚАУЫ
Дулати университеті қабырғасында «DULATY START-UP-2024: Student Energy Challenge» атты командалық зияткерлік стартаптар байқауы өтті.
Байқауды ұйымдастыру комитеті: Коммерцияландыру бөлімі және Корпоративтік клиенттермен жұмыс жөніндегі бөлім.
DULATY HACHATHON - 2024
Дулати университетінде Zhambyl IT hub-тың қолдауымен “DULATY HACHATHON - 2024” университетішілік байқауы өтті. Хакатонға университетіміздің студенттерінен құралған 9 команда қатысты.
Хакатон өткізудегі басты мақсат - дарынды жастарды анықтау, шығармашылық қабілеттерін дамытуды ынталандыру, презентациялар (питч) нысанында идеялар мен жобаларды ұсынудың практикалық дағдыларын пысықтау, жастардың кәсіби салада жүрген менторлармен және жетекші мамандармен қарым-қатынас жасау мүмкіндігін арттыру.
Подробнее ...
Ұшқышсыз технологиядағы инновация: Қытай мен Қазақстан арасындағы ынтымақтастық
3 сәуір күні М.Х.Дулати атындағы Тараз өңірлік университетінде Ғылым және коммерцияландыру департаментінің ұйымдастыруымен «Ұшқышсыз технологиялардағы инновациялар: Қытай мен Қазақстан арасындағы ынтымақтастық» тақырыбында көрме өтті.