Университет қабырғасында Ғылыми-зерттеу қызметі бөлімі мен Коммерцияландыру бөлімінің бірлесіп ұйымдастыруымен профессор-оқытушыларға арналған ауқымды практикалық семинар өтті.

Семинар мақсаты – тұрақты даму мақсаттарын (ЦУР) ғылыми зерттеулер мен білім беру үдерісіне тиімді енгізу арқылы осы бағытта халықаралық талаптарға сай ғылыми мақалалар жазу мен білім беру бағдарламаларын жетілдіру.

Семинар спикері Коммерцияландыру бөлімінің басшысы Гульзат Искакова Scopus дерекқорына енгізілетін ғылыми мақалаларды жазудың тиімді стратегияларына тоқталды. Ол халықаралық ғылыми басылымдардың талаптары, мақаланың құрылымы, зерттеу нәтижелерін дұрыс ұсыну тәсілдері, жарияланым сапасын арттыру жолдары туралы кеңінен түсіндіріп өтті.

Сонымен қатар, спикер білім беру бағдарламаларын ЦУР контексінде қалыптастырудың заманауи әдістерін таныстырды. Қатысушылар оқу бағдарламалары мен силлабустарды тұрақты даму мақсаттарымен үйлестіру, пәндердің мазмұнын жаңарту, білім алушылардың жаһандық құзыреттерін дамыту бағытында нақты ұсыныстар алды.

Семинардың практикалық бөлігінде оқытушылар оқу бағдарламаларын (ОП) трансформациялау алгоритмдерін талқылап, ЦУР талаптарына сәйкестендірудің тиімді жолдарын қарастырды. Әсіресе, білім беру мазмұны арқылы тұрақты даму мақсаттарына қол жеткізу, ғылыми зерттеулердің өзектілігін арттыру және олардың қоғамға әсерін күшейту мәселелеріне ерекше назар аударылды.

Сонымен қатар, жоғары рейтингті ғылыми журналдарда жарияланым белсенділігін арттыру, зерттеулердің дәйексөзделу көрсеткішін көбейту және халықаралық ғылыми қауымдастықпен байланыс орнату жолдары да жан-жақты сөз болды.

Семинар соңында оқытушылар ғылыми-зерттеу жұмыстарын жетілдіруге, білім беру бағдарламаларын жаңғыртуға және тұрақты даму қағидаттарын оқу үдерісіне енгізудің нақты тетіктерін меңгеруге мүмкіндік алды.