Еңбек жолын 1988 жылы Арал ПТО зауытының жөндеу және құрылыс алаңында бір жыл ағаш ұстасы болып бастаған.

1994 жылы Қазақ Ұлттық Техникалық Университетінің Қаратау филиалын инженер-электромеханик мамандығы бойынша үздік бітірді, ол Арал ПТО зауытына инженер-технолог ретінде қабылданды.

1995 жылдан 2004 жылға дейін М.Х.Дулати атындағы ТарМУ инженерлік-техникалық мамандықтар факультетінің «Автоматтандыру және электромеханика» кафедрасында оқытушы, аға оқытушы болып жұмыс істеді.

2004 жылдың қыркүйегінен 2008 жылдың тамыз айына дейін Гуманитарлық-техникалық институтының «Есептеу техникасы және экономика» кафедра меңгерушісі міндетін атқарған.

2008 жылдың қыркүйегінен бастап 2014 жылдың тамыз айына дейін Жамбыл политехникалық колледжінің арнайы пәндер оқытушысы, «Бақылау-өлшеу аспаптары» бөлімінің меңгерушісі қызметін атқарды.

2013 жылы 05.14.02 «Электр станциялары және электр энергетикасы» мамандығы бойынша техника ғылымдарының кандидаты ғылыми дәрежесін алу үшін кандидаттық диссертациясын қорғады.

2015 жылдан бастап М.Х. Дулати атындағы Тараз мемлекеттік университеттің «Электроэнергетика» кафедрасында аға оқытушы болып жұмыс істеді.

2016 жылдан бастап М.Х. Дулати атындағы Тараз мемлекеттік университеттің ҒЗЖ ұйымдастыру және үйлестіру бөлімінің бастығы, сондай-ақ «Электроэнергетика» кафедрасының меңгерушісі қызметтерін атқарды.

2025 жылдан бастап қазіргі уақытқа дейін стратегиялық жоспарлау және үйлестіру бөлімінің бастығы болып жұмыс істейді.