М.Х. Дулати атындағы Тараз университетінің делегациясы Қытай Халық Республикасының Ханчжоу қаласындағы Чжэцзян ғылыми-технологиялық университетінде (ZSTU, г. Ханчжоу, Китай) өткен «Тоқыма және тігін өнеркәсібіндегі цифрлық инновациялар және сән индустриясының интеграциясы» атты халықаралық конференцияға қатысты.

Іс-шара аясында М.Х. Дулати атындағы Тараз университетінің Халықаралық Жібек желісіне (International Network for Silk – INS) қосылуы жөніндегі меморандумға қол қойылды.

Халықаралық Жібек желісі – Қытайдың жетекші ғылыми және өндірістік ұйымдарының бастамасымен құрылған, әлемнің түрлі елдеріндегі жоғары оқу орындарын, ғылыми-зерттеу орталықтарын және тоқыма мен жеңіл өнеркәсіп кәсіпорындарын біріктіретін беделді халықаралық қауымдастық.

Аталған желіге мүше болу университеттің халықаралық ынтымақтастығын жаңа деңгейге көтеріп, бірлескен ғылыми жобаларды жүзеге асыруға, халықаралық гранттық бағдарламаларға қатысуға, студенттер мен профессор-оқытушылар құрамының академиялық алмасуын кеңейтуге, ғылыми зерттеулерді беделді салалық басылымдарда жариялауға, сондай-ақ халықаралық конференциялар мен тағылымдамаларға тұрақты қатысуға кең мүмкіндік береді.

Конференция барысында Дулати университетінің өкілдері Қазақстандағы тоқыма өнеркәсібінің даму үрдістері, саланы білікті мамандармен қамтамасыз етудегі заманауи тәсілдер және Орталық Азия мен Қытай арасындағы ғылыми-білім беру ынтымақтастығының келешегі туралы баяндама жасады.

Университет делегациясының баяндамасы Қытай, Оңтүстік-Шығыс Азия және Еуропа елдерінен келген конференция қатысушыларының ерекше қызығушылығын тудырды. Пікірталас барысында цифрлық технологияларды өндіріске енгізу, жасанды интеллектіні пайдалану және бірлескен білім беру бағдарламаларын дамыту мәселелері кеңінен талқыланды.

Мұндай ауқымды халықаралық форумға қатысу және Халықаралық Жібек желісіне мүшелікке қабылдану – М.Х. Дулати атындағы Тараз университетінің халықаралық ғылыми-білім беру кеңістігіндегі беделін нығайтып, академиялық байланыстарын кеңейтуге әрі әлемнің жетекші жоғары оқу орындары мен ғылыми ұйымдарымен ұзақ мерзімді серіктестікті дамытуға мүмкіндік беретін маңызды қадам.