М.Х. Дулати атындағы Тараз университетінің ұжымы әлем чемпионы, студентіміз Юсуф Ашраповты салтанатты түрде қарсы алды.

Чемпионды қарсы алу рәсімінде университет ректоры Ләззат Еркінбаева жеңімпазды жарқын жетістігімен құттықтап, оның жеңісі университет ұжымы мен барша қазақстандықтар үшін зор мақтаныш екенін атап өтті.

Бұл – табандылық пен тынымсыз еңбектің, жігер мен қайсарлықтың жемісі. Юсуфтың жеңісі жастарға үлгі болып, отандық спорттың мерейін асқақтата берсін!

 Юсуф, жеңісің құтты болсын!
Көк туымызды көкте желбіретіп, әлемдік ареналарда Қазақстанның абыройын асқақтата бер!