М.Х.Дулати атындағы Тараз университетінің филология және гуманитарлық ғылымдар факультетінде «Болашақ ғалымдар» жобасы аясында А. С. Пушкин атындағы Ресей мемлекеттік орыс тілі институтының ғалымдарымен ғылыми кездесу өтті.

Кездесуді факультет деканы Исабекова Гүлнұр ашып, халықаралық ғылыми байланыстарды нығайтудың маңызды екенін атап өтті. Шараға келген ресейлік делегация құрамында:

• Юлиана Николаевна Парфенова – серіктестік бағдарламалар мен жобаларды іске асыру бөлімінің орынбасары;

• Владимир Иванович Аннушкин – филология ғылымдарының докторы, Пушкин институтының орыс сөзөнері және мәдениетаралық коммуникация кафедрасының профессоры;

• Арина Геннадьевна Жукова – Пушкин институтының орыс сөзөнері және мәдениетаралық коммуникация кафедрасының меңгерушісі болды.

Шара ғылыми ынтымақтастық пен тәжірибе алмасудың ашық алаңына айналды. Қатысушылар Қазақстан мен Ресей университеттері арасындағы әріптестікті дамыту, заманауи ғылыми идеяларды ілгерілету және академиялық ұтқырлық мүмкіндіктерін кеңейту мәселелерінің өзектілігін атап өтті.

Кездесу барысында екі тарап өкілдері құттықтау сөз сөйлеп, орыс тіл білімі, мәдениетаралық коммуникация және халықаралық білім беру жобаларының келешегі жөнінде мазмұнды ғылыми презентациялар ұсынды. Сонымен қатар, жаңа бірлескен ғылыми бастамаларды жолға қою, студенттердің зерттеу әлеуетін арттыру және білім беру саласындағы серіктестікті тереңдету бағыттары талқыланды. Факультет студенттеріне арналған викторина да ұйымдастырылып, жеңімпаздарға арнайы сыйлықтар табысталды.

Бұл шараға ерекше серпін беріп, студенттердің қызығушылығын арттырды.