Қазақстан Республика елдерінің ұлттық мәдениетін дамыту, халықтардың тарихи мұралары мен мәдени құндылықтарын құрметтеу, сонымен қатар сән-индустрия саласындағы креативті ойлайтын, талантты жастарды анықтау және қолдау, болашақ мамандардың көркем шығармашылығын насихаттау мақсатында 20 мамыр күні аймақтағы ең ірі жоғарғы оқу орындарының бірі  М.Х. Дулати атындағы Тараз өңірлік университетінде студент жастарының мәдени өміріндегі айтулы және маңызды іс-шара – «БАБАЛАР МҰРАСЫ-2022» атты ІІІ-ші Халықаралық студенттер арасындағы сән фестиваль-байқауы өткізілді.

Айтылған байқау «Рухани жаңғыру» мемлекеттік бағдарламасын жүзеге асыру, сондай-ақ  Қазақстан Республикасы Тәуелсіздігінің 30 жылдығы, ТМД елдерінің Халық шығармашылығы және мәдени мұра жылы аясында «Дизайн және сән индустрия» кафедрасының профессор-оқытушылар құрамымен ұйымдастырылып өткізілді.

Байқаудың негізгі мақсаттары – мәдениет саласындағы өзара байланыстарды нығайту; дәстүрлі және заманауи мәдениеттерді біріктіру тұрғысынан дарынды жастардың шығармашылық жетістіктерін ілгерілету, сондай-ақ өзіндік ерекшелік пен ұлттық бірегейлікті сақтай отырып, бәсекеге қабілеттілікті дамытуға жәрдемдесу; шығармашылық бағыттағы жоғары, орта кәсіптік және орта білім беретін оқу орындарының өкілдері арасында шығармашылық тәжірибе алмасу үшін жағдай жасау; FASHION-индустрия саласындағы байқауға қатысушы қазақстандық және шетелдік білім беру мекемелерінің өкілдері арасында шығармашылық  тәжірибе алмасуға ықпал ету.

Бұл фестивальдің алғашқы сатысы Дулати университетінде «БАБАЛАР МҰРАСЫ-2022» атты Жасөспірімдер шығармашылығының II-ші өңірлік байқауы форматында өткізілді, байқауға шығармашылық жұмыстар мен суреттерді 100-ден астам Тараз қаласы мен Жамбыл облысы аудандарының орта, орта арнаулы оқу орындарынан қатысушылар ұсынды.

Сән байқауы қатысушы авторлардың шығармашылық идеяларын жүзеге асыру үшін интерактивті алаңына айналды. Костюм көрінісінде жүзеге асырылған ерекше және креативті ой-бейнелерін қазылар алқасының бағалауына 120 қатысушы ұсынды.

Конкурстық номинацияларды бағалау кезінде келесі сипаттамалар ескерілді: ұсынылған шығармашылық жұмыстардың «Бабалар мұрасы» байқауының тақырыптық бағытына, мақсаттары мен міндеттеріне сәйкестігі; тақырыптың авторлық бейнесі; костюм әзірлеудің дизайн тұжырымдамасы; жобалық көркем шешімнің өзектілігі, жаңалығы және өзіндік ерекшелігі, сондай-ақ ұлттық нығышта сәнге өзіндік көзқарасымен заманауи киім үлгілерін үйлестіру шеберлігі.

Болашақ дизайнерлер өздерінің шығармашылық идеяларын, креативтілігін және әлеуетін көрсетуге мүмкіндік алады. Байқауда ұсынылған 50 костюм топтамасының әрқайсысы заманауи сән үрдістерімен үйлесетін этникалық бірегейліктің көркем синтезі болып табылады.

Байқауға қатысушылардың жұмыстарын кәсіби қазылар алқасы 6 номинация бойынша бағалады, олар: Алима Садыкова - ЖК «АСЫЛ-АЙ» директоры; Гульмира Сагилаева – ЖК «САГИЛА» директоры; Елена Голубинская – Жамбыл облыстық драма театрының бас костюмері;   Болыс Уалиев – «Дизайн және сән индустрия» кафедрасының доценті, Еуразиялық дизайнерлер одағының  мүшесі; Уржамал Келесова – «Дизайн және сән индустрия» кафедрасының доценті, Еуразиялық дизайнерлер одағының  мүшесі; Гульнара Смагулова - «Дизайн және сән индустрия» кафедрасының аға оқытушысы, Еуразиялық дизайнерлер одағының  мүшесі, халықаралық және республикалық сән байқаулардың жеңімпазы.

Сән салоны – «Набоко» шеберханасының директоры Ирина Набоко төрағалық ететін қазылар алқасының дауыс беру нәтижесінде үздік шығармашылық жұмыстар марапатталды. Қазылар алқасының дауыс беру нәтижелері бойынша бас жүлделер келесідей бөлінді:

• «Этно-костюм» байқау номинациясында - Қазан мемлекеттік мәдениет институтының студенті Ибрагимова Земфира «Монлы Казан» авторлық коллекциясы үшін ұздік жұмыс ретінде марапатталды (Татарстан).
• «Стильдендірілген костюм» байқау номинациясында - Ош мемлекеттік университетінің студенті Махаматова Нуриза «Курак күүсү» коллекциясын ұсынып, дипломмен марапатталды (Қырғызстан).
• «Прет-а-порте» байқау номинациясында - М.Әуезов атындағы Оңтүстік Қазақстан университетінің студенттері Журабаева Лаура, Тұрдыбек Ару «Аспан» шығарамылық коллекциясымен ерекшеленді, дипломмен марапатталды (Шымкент қ.).
• «Балалар киімі» байқау номинациясында - «Жар-птица» балалар костюм коллекциясының,  «Авангард костюмі» байқау номинациясында - «SUNNY-70's» атты коллекциясының авторлары Псков мемлекеттік университетінің студенттері ұздік дипломмен марапатталды   (Ресей).

Байқаудың жүлделі III жүлделі орынға келесі қатысушылар иеленді:

 Хилола Мамажанова,  Аделин  Маликкызы, Айназик Жакыпбеккызы, «Восточная сказка» коллекциясы  (Б.Садыков атындағы Қырғыз-Өзбек халықаралық университеті, Қырғызстан);

• Шамилов Мухамед, «Путь дракона» коллекциясы («Аспара» мәнерлік өнер және бизнес колледжі, Тараз қ.);
• Бактыбек кызы Уркие, «Баргекче» коллекциясы (Ош мемлекеттік университеті, Қырғызстан).

Байқаудың II жүлделі орынға Шарапова Екатерина, «Siberian expanses» коллекцияның авторы (Новосибирск технологиялық институты, Ресей) және Лоскутова Полина «Пыльная роза» коллекцияның авторы ие болды.

Байқаудың I жүлделі орынға  Қыдырбай Нурдаулет «Ел Ана» коллекцияның авторы ие болды (Южно-Казахстанский региональный университет имени М. Ауэзова, г. Шымкент).

Сән байқаудың  ГРАН-ПРИ  жүлдесіне  қазылар алқасының дауыс беру нәтижесінде М.Х.Дулати атындағы Тараз өңірлік университетінің «Ұлы дала самалы» коллекциясын ұсынған студенттері - Пернебек Альфия Айдарқызы, Наурызбаева Мадина Нсанбайқызы, Айдаралы  Айдана Жанайдарқызы, Бейсеғұл Айым ие болды.

 Қорытындылай келе, біздің «онлайн платформа» болашақ сән индустриясының мамандарының, жақында өзін танытып, әлемдік сән орталықтарын бағындыратын дизайнерлердің шығармашылық жұмыстарының нәтижелерін ұсынды деп сеніммен айта аламыз. Барлық қатысушыларға шығармашылық табыстар мен биік жеңістер тілейміз.

М.Х.Дулати атындағы Тараз өңірлік университеті, «Өнер және спорт» факультетінің «Дизайн және сән индустрия» кафедрасының доценті – Уржамал Келесова, «Дизайн және сән индустрия» кафедрасының аға оқытушысы – Гульнара Смагулова

«ҰЛЫ ДАЛА САМАЛЫ» коллекциясы. Авторлар - М.Х.Дулати атындағы Тараз өңірлік университетінің студенттері

«МОНЛЫ КАЗАН» коллекциясы. Автор – Ибрагимова Земфира (Қазан мемлекеттік мәдениет институты, Татарстан)

«БАРГЕКЧЕ» коллекциясы. Автор - Бактыбек кызы Уркия (Ош мемлекеттік университеті,  Қырғызстан)

«PATCH OF FEMINITY» коллекциясы. Автор - Бушмар Анастасия

(А.М.Широков атындағы Қазіргі заманғы білім институты, Беларусь)

«АЙША БИБІ» коллекциясы. Автор – Пернебек Абота

(А. Ясави атындағы  Халықаралық қазақ-түрік университетінің, Түркістан)

Қазылар алқасының талқылау барысында

Кәсіби бағдар беру жұмысы және жастарды әскери-патриоттық тәрбиелеу шеңберінде 2022 жылғы 4 мен 20 мамыр аралығында Тараз қаласының орта мектеп оқушылары М.Х. Дулати атындағы Тараз өңірлік университетінің әскери кафедрасына болды.

Әскери кафедра оқытушылары әскери кафедра аумағы бойынша экскурсия жүргізіп, әскери дайындық бағыттары мен оқуға түсу ережелері, оқушыларды оқу материалдық базасымен, оқу қару-жарағымен және техникаларымен таныстырды.

В рамках профориентационной работы и военно-патриотического воспитания молодежи, с 4 по 20 мая 2022 года учащиеся средних школ города Тараза посетили военную кафедру  Таразского  регионального  университета имени М.Х. Дулати.

Преподаватели военной кафедры провели экскурсии по территории военной кафедры, рассказали о направлениях военной подготовки и правилах поступления, ознакомили учащихся с учебной материальной  базой, учебным вооружением и техникой.

Дулати университеті ұйымдастыруымен «Балалар жылына» орай «Дулати – деп жырлаймын» атты алғашқы облыстық жас ақындар айтысы өтті. Ақындар аламанына Тараз қаласы және аудандардан 10 оқушы қатысты.

Айтысқа ақын Үміт Битенова, «Жамбыл Дарын» орталығы директорының орынбасары Ақмарал Естемісова және айтыскер ақын Есет Досалы төрелік етті.

Сайыс қорытындысы:
1 орын - Жуалылық Санжар Даярбек
2 орын -Таластық Айсұлу Жүнісбек
3 орын - Жамбыл ауданынан келген Алина Айдаралы
3 орын - Қордайлық Санжар Тынышбек

Жеңімпаздар арнайы сыйлықтармен марапатталды.

Мемлекет басшысы  Қасым-Жомарт Тоқаев Конституцияға жаңа өзгерістер енгізу туралы референдум өткізу туралы Жарлыққа қол қойды. Өзгерістер кезеңі  мемлекеттің жаңа даму бағдарын айқындайтын болғандықтан,елдегі жүргізіліп жатқан саяси реформалардың маңызы зор.Ал референдум – саяси реформаларға құқықтық негізі болмақ.

Референдумда халыққа үлкен жауапкершілік жүктеліп отыр. Арнайы жұмысшы тобы ұсынған өзгерістерді саралап, таңдау жасау – елдің саяси белсенділігіне байланысты. М.Х.Дулати атындағы Тараз өңірлік университетінің «Ұстаз» институтында «Мен жаңа реформаларды қолдаймын» тақырыбында өткен студенттермен кездесуде осы мәселелер қозғалды.

Мемлекетіміз таңдаған жаңа даму жолындағы оң өзгерістер білім саласын айналып өткен жоқ. Халық даналығындағы «Білекті бірді жығар, білімді мыңды жығар» ұғымы дәл қазіргі кезеңге сай келіп отыр. Саяси реформалардың сан саланы қамтыйтыны түсінікті. Жалпы басқару жүйесіндегі өзгеріс, барлық салаға серпін беретіні анық. Жастармен өткен кездесуде профессор-оқытушылар қозғаған ойдың өзегі – осы.

– Ел алдында тұрған басты міндеттің бірі – салауатты, саналы, білімді, ақыл-парасаты мол және ғылыми-мәдени өрісі кең ұрпақ тәрбиелеу. Оны жүзеге асыру үшін әр білімгер өзіне жауапкершілікті алып, қарапайым сессияға адалдық пен әділдікпен қатысып, өзгерісті өзінен бастағаны дұрыс. Адалдық – жеке адамның қоғамға деген таза ниетінен бастау алады, - деді «Ұстаз» институтының директоры Орынқыз Көпбосынова.

Жиындаспикерлер педагогикалық бағытта білім алып жатқан болашақ ұстаздарға5 маусым күні өтетін референдумның мәні мен маңызын түсіндірді. Әрбірінің сайлау кезіндегі саналы таңдауел мүдде үшін жасалатыны айтылды. Кездесуде«Заң» факультетінің меңгерушісі Асқар Жақсылықұлы сөз сөйлеп, жастардың –  білім алып, тұлға ретінде дамыған кезінде Жаңа Қазақстан жаңарумен, жаңғыруды өткере алатынын жеткізді.

Медиа-қызмет.

Бразилияда өтіп жатқан 24-жазғы Сурдлимпия ойындарында жүлде қоржынына еркін және грек-рим күресінен Дулати университетінің студенттері Ғасыр Тұрғынбай мен Нұржан Асан 2 медаль салды.
Спортшыларды Жамбыл облысының дене шынықтыру және спорт басқармасының басшысы Нұрбол Жүнісбеков және ел азаматтары, достары мен жақындары «Тараз арена» спорт сарайының алдына салтанатты түрде қарсы алды.

Жиында Нұрбол Жүнісбеков спортшыларды жеңісімен құттықтап, алдағы уақытта биік белестерді бағындыруна тілектес екенін жеткізді.

Бразилияның Кашиас-ду-Сул қаласында өтіп жатқан төрт жылдықтың басты бәсекесінде ел намысын еркін күрестен 74 келі салмақта Дулати университетінің 3-курс студенті Ғасыр Тұрғынбай қорғаған болатын. Финалдық белдесуде ғана қарсыласына жол берген жамбылдық балуан күміс жүлдені еншіледі. Балуанның жеке бапкері – Ерназар Қонысбаев.
Былтыр Ғасыр Тұрғынбай былтыр ел чемпионатында алтынды олжалап, спорттық бабында екенін дәлелдеген.
Сондай-ақ, бұған дейін еркін күрестен 57 келіде бақ сынаған Ғабит Есжанов күміске қол жеткізіп, ел мәртебесін асқақтатты.

Осы бәсі биік бәсекеде грек-рим күресінен 77 келі салмақта ел намысын қорғап, қола жүлдені жеңіп алған балуан Нұржан Асан – Дулати университетінің «Дене тәрбиесі» мамандығының 3-курс студенті екені мәлім. Асан Нұржанның сурдлимпиадалық ойындардағы қола жүлдеге қол жеткізгенге дейін жүріп өткен жолы оңай болған жоқ. Түрлі деңгейдегі жарыстарда шеберлігін шыңдап, былтыр ел біріншілігінде 77 килограмм салмақ дәрежесінде сынға түсіп, өзінің мықтылығын дәлелдеген еді.

Медиа-қызмет.

Республикада «Amanat» партиясының жанынан «TALQYLAY» қоғамдық диалог алаңы құрылғаны белгілі. Көптің көкейіндегі көкейкесті мәселелерді талқыға салып, шешімін табуды көздейтін әлеуметтік жобаны өңірлер арасында Жамбыл облысы ең бірінші болып қолға алып отыр.

«TALQYLAY»-да талқыланған алғашқы тақырып  «Жастар және жұмыссыздық» мәселесі болды. Ашық алаңда ашық әңгімеге шақырылған спикерлер – «Amanat» партиясы облыстық филиалының атқарушы хатшысы Дауыл Бейсенқұлов, М.Х.Дулати атындағы Тараз өңірлік университетінің басқарма төрағасы-ректоры Талғат Ешенқұлов, «Жамбыл облысы жастар ұйымдарының қауымдастығы» заңды тұлғалар бірлестігінің президенті Исламбек Дастан түйткілді әлеуметтік мәселе төңірегінде ой-пікірлерімен бөлісті.

Дауыл Ынтықбайұлы партия жанынан ашылған қоғамдық мәселелер талқыға түсетін ашық диалог алаңының мән-маңызына тоқталды. Ал Дулати университетінің ректоры жұмыссыз жастар арасында дипломы бар мамандар да кездесетінін ашып айтып, еңбекпен қамту мәселесінде – еңбек нарығындағы сұранысты ескеру аса маңызды екенін жеткізді. Сондықтан жастарға берілетін керекті кеңестің бірі – мамандық таңдауға неге баса мән берілуі қажет, қай салада бәсекелік қабілетіңді көрсетуге мүмкіндік көптігін түсіндіру.

– Қазір білімге деген сұраныс басқаша. Бүгінде жастар бір ғана дипломмен шектеліп қалғысы келмейді. Қазіргі кезең – өмір бойы білім алу қағидасының керек кезі. Уақыттың ағымын дәл болжай білетін жандар еңбек нарығындағы сұранысты жыл сайын саралап көріп, соған қарай екінші және үшінші мамандықты игеріп, бәсекелік қабілетін арттыруға ұмтылуда. ХХІ ғасыр – өңірде жоғары білім алып, сол өлкеде қызмет етуің керек деген ұстанымға бағынбайды. Жаңа заманның қағидаты – қай жерге сұраныс бар, сонда еңбек ет, - деді Талғат Ілиясұлы.

Үш блокта өткен ашық алаңдағы әңгіме барысында сұрақ-жауапқа кезек беріліп, азаматтар тақырыпқа орай өз пікір-ұсыныстарын жеткізді.

Қазақстан Республикасы Қарулы Күштерінің құрылғанына 30 жыл толуына орай әскери кафедра офицерлері ҚР Қорғаныс министрінің, «Оңтүстік» ӨңҚ әскерлері қолбасшысының және Жамбыл облысы бойынша ардагерлер қоғамы төрағасының атынан Құрмет грамоталарымен марапатталды.

В честь 30-летия образования Вооруженных Сил Республики Казахстан  офицеры военной  кафедры были поощрены почетными грамотами  от имени министра обороны РК, командующего  войсками РгК «Юг» и председателя общества ветеранов по Жамбылской области.

2022 жылғы 11 және 17 мамырда Жамбыл инновациялық колледжінің  студенттері М.Х. Дулати атындағы Тараз өңірлік университетінің әскери кафедрасында болды.

Әскери кафедра офицерлері әскери кафедра аумағында сабақ өткізді.