М.Х.Дулати атындағы Тараз өңірлік университеті мен «Спорттық бағдарламалау федерациясы» Республикалық қоғамдық бірлестігі ұйымдастыруымен мектеп оқушылары, студенттер және оқытушы-профессор құрамы арасында Қазақстан Чемпионатының төртінші іріктеу кезеңі мен аймақтық Чемпионаты өтті.

Чемпионаттың ұйымдастырушылары – спорттық бағдарламалау Федерациясы мен Өкілдіктері. Федерацияның Бас серіктесі «Freedom Holding Corp.» компаниясына шексіз алғысымызды білдіреміз. «Freedom Holding Corp.» Қазақстан және шетелдердегі инвестиция мен қаржылық қызметтер саласындағы көшбасшы. Компания спорттық бағдарламалау индустриясын дамытуды жан-жақты қолдауда.

Дулати университеті қабырғасында «DULATY START-UP-2024: Student Energy Challenge»  атты командалық зияткерлік стартаптар байқауы өтті.

Байқауды ұйымдастыру комитеті: Коммерцияландыру бөлімі және Корпоративтік клиенттермен жұмыс жөніндегі бөлім.

Корпоративтік клиенттермен жұмыс жөніндегі бөлімнің ұйымдастыруымен «Экология және газдың қоршаған ортаға әсері. Өңірдің экологиялық және газ өнеркәсібінің мәселелері және олардың шешу жолдары» тақырыбы аясында кездесу өтті.

Кездесуге Жамбыл облысы бойынша «Даму» кәсіпкерлікті дамыту қорының

аймақтық филиалының бас менеджері Б.Рахымбердиев, «Интергаз Орталық Азия» АҚ «Тараз» магистральдық газ құбырлары дирекциясының бөлім бастығы С.Қонарбаев, Жамбыл облысы бойынша  Экология департаментінің сынақтау зертханасының басшысы Ж.Назарбеков және «Enactus Dulaty» студенттік кәсіпкерлік, стартаптар және инновациялар командасының студенттері қатысты.

Кездесу мақсаты – «Enactus Dulaty» студенттік кәсіпкерлік, стартаптар және инновациялар командасы студенттерінің жобалары арқылы қоршаған ортаны қорғау бағытындағы мәселелерді шешу. Жасыл экология талаптарын ескеріп, технологиялық және экономикалық тиімділікті, өндірістің экологиялық қауіпсіздігін бағалау, әр түрлі салаларда қоршаған ортаны қорғау шараларын жоспарлау мен жүзеге асыру.

Кездесу барысында қонақтар «Enactus Dulaty» студенттік командасына қазіргі таңда экология және газдың қоршаған ортаға әсерін, өңірдің экологиялық және газ өнеркәсібінің мәселелері және олардың шешу жолдарының ерекшеліктері туралы түсіндіріп өтті. Мамандар студенттік команданың дайындаған бірнеше жобаларымен танысып, жобаның қоғамға пайдасы мен экономикалық тиімділігіне назар аударды.

Сонымен қатар, спикерлер өз істерінің негізгі кезеңдері туралы мәселелерді қозғап, бизнес туралы кең тараған қателіктер мен қиындықтары, кәсіпкер ретінде қалыптасуы, табысты және сәтсіз жобалары туралы кеңестерімен бөлісті.

Кездесу соңында қонақтар мен студенттер еркін форматта пікір алмасты. Мамандар кәсіпкерлік қызметтің құпиясымен бөлісіп, студенттердің сауалдарына жауап берді. «Интергаз Орталық Азия» АҚ «Тараз» магистральдық газ құбырлары дирекциясының кадрлар бөлімінің бастығы С.Қонарбаев кездесуге қатысқан студенттерге алғысын айта отырып, аталған мекемеге биылғы оқу жылын бітіретін әр саладағы білімді студенттерді жұмыспен қамтитынын жеткізді.

Дулати университеті қабырғасында Жамбыл гидромелиоративтік құрылыс институтында білім алған 1971 жылғы  түлектердің кездесуі өтті.

Кездесу мақсаты  –  Қазақстан Республикасының ғылым академиясының корреспондент мүшесі, ҚазҚСРО-ның еңбек сіңірген гидротехнигі, т.ғ.д., профессор Рахмет Жолаевтың құрметіне ескерткіш тақтасын орнату.

Кездесуге Жамбыл гидромелиоративтік құрылыс институтының профессор-оқытушылар құрамы ,ректор кеңесшісі М.Н.Сенников,«Су ресурстары» кафедрасының профессоры, т.ғ.д., Ғ.Е.Омарова, «Су шаруашылығы және табиғатты үйлестіру» институтының директоры, т.ғ.д., қауымдастырылған профессоры, Б.А.Алимбаев, т.ғ.д., «Құрылыс және материалдар өндірісі» кафедрасының профессоры, Ә.С.Сейтказиев, т.ғ.д., «Мелиорация және агрономия» кафедрасының профессоры, Л.С. Харчук, «Мұнай-газ және тау-кен ісі» кафедрасының қауымдастырылған профессоры, т.ғ.к. және Ғ.М.Зарубаев ардагер ұстаз-гидротехник, т.ғ.к, қатысты.

Кездесу модераторы Жамбыл гидромелиоративтік құрылыс институтының 1971 жылы бітірген түлегі, ҚР Су шаруашылығының еңбек ардагері Нұртаза Құдайбергенов кездесудің маңыздылығына тоқталып, орнатылған ескерткіш тақта арқылы белгілі тұлғаның оқу ордасында еңбек еткенін, білім беру саласында қосқан зор үлесін жастарға ұғындыру екенін жеткізді.

Аталмыш естелік тақтайша өзінің ұстаздық ғұмыры өткен М.Х.Дулати атындағы Тараз өңірлік университеті қабырғасына ілінді.

Кездесуге 1971 жылғы бітірген түлектер қатарынан А.М.Мамажанов «Казюжгипроводхозстройгранит» мекемесінің директоры, Н.Н. Балғабаев , «Казақ су шаруашылығы ғылыми-зерттеу» институтының бас директоры, а/ш.ғ.д. профессор, А.Қ.Кешимов, ҚР Аралды құтқару халықаралық Қорының орындаушы дирекциясының бас маманы, Ю.Б.Айдарбеков, ҚР Су шаруашылығының еңбек ардагерлері А.Вотяшев, Ә.Қ.Баялиев, А.Өтебаев арнайы келіп, су мамандары еліміздің экономикасы мен экологиясына және даму деңгейіне қаншалықты әсер етіп жатқандарын талқылады.

Шақырылған қонақтар мен алыстан келген түлектер сөз алып, өздерінің қызықты оқиғаға толы студенттік естеліктерімен бөлісті. 

Кездесу соңында түлектер университет басшылығы мен  профессор-оқытушылар құрамына  ерекше алғыстарын білдіріп, білім ордасы алдағы уақытта да биік белестерді бағындыруға тілектес екендерін жеткізді.

Ағымдағы жылдың 18 қыркүйегінде М.Үркімбаев атындағы «Жастар сарайында» М.Х.Дулати атындағы Тараз өңірлік университетінде бірлескен қызмет туралы меморандум шеңберінде Корпоративтік клиенттермен жұмыс жөніндегі бөлім мен Татарстан Республикасының «Кванториум»  «Балалар технопаркі» коммерциялық емес дербес ұйымымен бірлесіп, Набережные Челны қаласы  «Мобильді технопарк» шеберлік сыныптарының марафонын ұйымдастырды.

Марафонның мақсаты – Тараз қаласының студенттері мен жоғары сынып оқушыларын интерактивті мастер-класстардың көмегімен заманауи технологиялар тақырыптарына қызықтыру, одан әрі технологиялық жаңалықтарды зерделеуге және ойлап табуға ықпал ету, жаңа жоғары білікті инженерлік кадрларды даярлауға, инновациялық технологиялар мен идеяларды әзірлеуге, тестілеуге және енгізуге бағытталған жоғары технологиялық жабдықтармен таныстыру, техникалық ғылымдар саласында білім беруді жалғастырғысы келетін мектеп түлектерінің санын көбейту, сондай-ақ, IT ғылымына танымдық қызығушылықты дамыту мақсатында ғылыми-техникалық қоғамдастықтың жетістіктерін дәріптеу болып табылады.

Аталған іс-шараға М.Х. Дулати атындағы Тараз өңірлік университетінің студенттері мен Тараз қаласының №7, №40 және №41 гимназияларының жоғарғы сынып оқушылары қатысты.

«Кванториум» технопаркінің тұсаукесерінен кейін, барлық қатысушы студенттер мен оқушылар дайындалған аудиторияларда 8 тақырыптық   бағыт ұсынылды. Олар:

• Ғарыштық технологиялар-ғарышкерліктің негіздерімен танысу және жердің шағын жасанды серіктерін жобалау;
• Нейротехнология-адам бетінен электробиосигналдарды зерттеу және алу. Бағдарламалау және нейропилоттау.
• Аэромодельдеу-мультикоптерлерді жобалау және құрумен танысу, ұшқышсыз ұшу аппараттарын басқарудың практикалық дағдылары;
• Геоинформатика-онлайн карталарға арналған ArcGIS Online платформасының құралдарымен географиялық модельдеумен, геодеректерді визуализациялаумен танысу;
• Робототехника-роботты жобалаумен, құрастырумен, бағдарламалаумен танысу;
• Сандық дизайн - цифрлық өнеркәсіптік дизайн негіздерімен танысу;
• VR/AR технологиялары – мобильді құрылғыларға арналған AR қосымшаларын құруға арналған ПО Unity әзірлеу ортасымен танысу;
• 3D модельдеу көпбұрышты модельдеу орталарымен танысу, Blender бағдарламасында 3D модельдер мен компьютерлік графиканы құру.

Барлық дайындалған 8 аудиторияларда студенттер мен оқушылар қызығушылық танытып,оқу бағыттарының біріне барып, екіншісіне де қатысуға ниет білдіріп, өз қолдарымен модельдеуге, дрондарды басқаруға, роботтарды жинауға, жасанды спутниктерді құруға тырысты.  Нәтижесінде, жобаның барлық қатысушылары осы іс-шараның өте пайдалы болғанын, сонымен қатар жақсы пікірлерін айтып, болашақта осындай жобаларға қатысуға ниет білдірді.

Дулати университеті қабырғасында «Корпоративтік клиенттермен жұмыс жөніндегі бөлім» және «Қаржы және есеп» кафедрасының ұйымдастыруымен Жамбыл жеңіл және тамақ өнеркәсібі технологиялық институтының «Бухгалтерлік есеп» мамандығы бойынша білім алған 1974 жылғы түлектердің 50 жылдық салтанатты кездесуі өтті. Салтанатты шараға «Бухгалтерлік есеп» мамандығының түлектері, Стратегиялық даму және интернационалдандыру жөніндегі проректор Шолпан Есімова, Басқарма мүшесі – ғылым және цифрландыру жөніндегі проректор Сейітжан Орынбаев, Басқарма мүшесі – әлеуметтік-мәдени даму жөніндегі проректор Аслан Тұрлыбек, «Экономика және құқық» факультетінің профессор-оқытушылар құрамы мен студенттер қатысты. Кездесу мақсаты – қара шаңырақта білім алып, бүгінде еліміздің түкпір-түкпірінде қызмет жасап, табысқа жеткен тұлғалардың өмір жолын өскелең ұрпаққа насихаттау. Жиынды Басқарма төрағасы – ректор Мұхтар Байжұманов құттықтау сөзбен ашып, түлектердің еңбек жолындағы үздік жетістіктері – университет үшін мақтаныш екенін жеткізді. Сондай-ақ, білім ордасының тарихына тоқталып, мыңдаған жоғары білікті мамандарды даярлаған оқу ордасы екенін тілге тиек етті. «Бухгалтерлік есеп» мамандығын ашуға бар күшін жұмылдырған экономика ғылымдарының докторы, профессор Алданыш Нұрымовтың еңбегін ерекше атады. Түлектерді алғыс хаттармен марапаттап, естелік сыйлықтарды табыстады. Замандастарының жүріп өткен жолдары, атқарған еңбектері жөнінде ерекше тебіреніспен еске алған түлектер өздерінің қызықты оқиғаға толы студенттік естеліктерімен бөлісті. Кездесу барысында Басқарма төрағасы – ректор Мұхтар Байжұманов пен бірқатар қатысушыларға «Ыбырай Алтынсарин» мерекелік алтын төсбелгісі мен Құрмет грамоталарын табысталды. Сонымен қатар, оқу орнымызға кітаптар мен мұражайға «1974 жылғы сынақ кітапшасын» сыйға тартты. Кездесу соңында түлектер университет басшылығы мен профессор-оқытушылар құрамына ерекше алғыстарын білдіріп, білім ордасы алдағы уақытта да биік белестерді бағындыратынына сенімдерін білдірді.