«Музыка және көркемдік білім» кафедрасының сипаттамасы
«Музыка және көркемдік білім» кафедрасы педагогикалық білім беру саласында мамандар даярлайтын құрылымдық бөлімше болып табылады. Кафедра қызметі жалпы орта, техникалық және кәсіптік, сондай-ақ қосымша білім беру ұйымдары үшін музыка, көркем еңбек және сызу, көркемдік білім, еңбекке баулу, кәсіпкерлік және технологиялық бағыттар бойынша педагогикалық қызметті жүзеге асыра алатын кәсіби мұғалімдерді даярлауға бағытталған.
Кафедраның негізгі мақсаты – біртұтас музыкалық-педагогикалық, көркемдік-педагогикалық және технологиялық-педагогикалық білім беру ортасын қалыптастыру арқылы үздіксіз және қосымша білім беру жүйесіне қажетті кәсіби-құзыретті педагог кадрларды даярлау. Сонымен қатар кафедра Қазақстанның әлеуметтік-экономикалық даму жағдайында білім беру саласындағы педагогикалық міндеттерді өз бетінше, тиімді және шығармашылық тұрғыда шеше алатын тұлғаны қалыптастыруға басымдық береді.
Кафедраның стратегиялық даму бағыты әлемдік педагогикалық білім беру стандарттарына сәйкес бәсекеге қабілетті, кәсіби-құзырлы және отансүйгіш мұғалімдерді даярлауға бағытталған оқу-тәрбие үдерісін жетілдірумен және материалдық-техникалық базаны нығайтумен айқындалады.
Кафедрада педагогикалық бағыттағы келесі білім беру бағдарламалары іске асырылады:
6В01402 – «Музыка мұғалімдерін даярлау»;
6В01403 – «Көркем еңбек және сызу мұғалімдерін даярлау»;
6В01412 – «Көркемдік білім беру» (IP);
6В01420 – «Еңбекке баулу және кәсіпкерлік негіздері» (IP).
Білім беру үдерісінде педагогикалық теория мен пәндік дайындықтың сабақтастығына, инновациялық, цифрлық және ақпараттық-коммуникациялық технологияларды қолдануға, сондай-ақ болашақ мұғалімдердің кәсіби, шығармашылық және ғылыми-зерттеу құзыреттерін қалыптастыруға ерекше назар аударылады.
Кафедраның профессор-оқытушылар құрамы педагогикалық кадрларды даярлауда жоғары ғылыми-әдістемелік әлеуетке ие және білім беру ұйымдарымен, жұмыс берушілермен және әлеуметтік серіктестермен тығыз ынтымақтастықта жұмыс істейді.
Кафедра түлектері жалпы білім беретін мектептерде, лицейлер мен гимназияларда, өнер және қосымша білім беру ұйымдарында, колледждерде педагогикалық, оқу-әдістемелік және ұйымдастырушылық қызмет атқара алады.
Кафедра қызметінде ұлттық педагогика мен ұлттық мәдени құндылықтарды сақтау және дамыту маңызды орын алады. Ұлттық музыка, сәндік-қолданбалы өнер және ұлттық киімдер педагогикалық білім беру мазмұнына жүйелі түрде енгізіледі.
Серіктестер
- Абай атындағы Қазақ ұлттық педагогикалық университеті, Алматы;
- Құрманғазы атындағы Қазақ ұлттық консерваториясы, Алматы;
- М.Әуезов атындағы Оңтүстік Қазақстан мемлекеттік университеті, Шымкент;
- Қорқыт ата атындағы мемлекеттік университеті, Қызылорда;
- Абай атындағы Жамбыл гуманитарлық колледжі, Тараз;
- Кенен Әзірбаев атындағы Жамбыл облыстық филармониясы, Тараз;
- Асқар Тоқпанов атындағы Жамбыл облыстық қазақ драма театры, Тараз;
- Мектеп-лицей №3, Тараз;
- Ы.Алтынсарин атындағы №49 мектеп-гимназиясы, Тараз;
- Мектептен тыс жұмыс және балалар шығармашылық орталығы,Тараз;
- Мектеп олимпиадаларын және мектептен тыс іс-шараларды өткізетін облыстық «Жамбыл дарыны» орталығы, Тараз.
- «Мадам Л» сән үйі;
- «Аспара» колледжі;
- «Асыл дизайн» сән орталығы;
- «Орыс драма театры» мекемелеріне іс-тәжірибеге барады
Бітіруші түлек моделі
6В01402 – Музыка мұғалімдерін даярлау
Берілетін біліктілік:
6В01402 – Музыка мұғалімдерін даярлау білім беру бағдарламасы бойынша білім бакалавры
Бітіруші түлек моделі:
Бағдарлама түлегі – жалпы және қосымша білім беру ұйымдарында музыка пәні бойынша педагогикалық қызметті кәсіби деңгейде жүзеге асыруға қабілетті, шығармашылық ойлауы дамыған және әлеуметтік жауапты мұғалім.
Кәсіби қызмет салалары:
- жалпы білім беретін мектептер;
- гимназиялар мен лицейлер;
- өнер мектептері;
- қосымша білім беру ұйымдары;
- шығармашылық студиялар мен үйірмелер.
Оқыту нәтижелері:
Бітіруші:
- Музыка пәні бойынша оқу-тәрбие үдерісін жоспарлайды және ұйымдастырады;
- Білім алушылардың музыкалық және эстетикалық қабілеттерін дамытады;
- Заманауи педагогикалық және цифрлық технологияларды қолданады;
- Ұлттық және әлемдік музыкалық мәдениетті білім беру мазмұнына енгізеді;
- Кәсіби-педагогикалық этиканы сақтайды және үздіксіз кәсіби дамуға дайын.
6В01403 – Көркем еңбек және сызу мұғалімдерін даярлау
Берілетін біліктілік:
6В01403 – «Көркем еңбек және сызу мұғалімдерін даярлау» білім беру бағдарламасы бойынша білім бакалавры;
Бітіруші түлек моделі:
Бағдарлама түлегі – көркем еңбек және сызу пәндері бойынша оқу-тәрбие үдерісін ұйымдастыра алатын, шығармашылық және технологиялық ойлауы қалыптасқан педагог.
Кәсіби қызмет салалары:
- жалпы орта білім беру ұйымдары;
- техникалық және көркем бағыттағы білім беру ұйымдары;
- қосымша білім беру орталықтары;
- шығармашылық шеберханалар.
Оқыту нәтижелері:
Бітіруші:
- Көркем еңбек және сызу пәндері бойынша сабақтарды ұйымдастырады;
- Білім алушылардың кеңістіктік және шығармашылық ойлауын дамытады;
- Көркемдік және технологиялық материалдармен жұмыс істейді;
- Ұлттық сәндік-қолданбалы өнер элементтерін қолданады;
- Практикалық жұмыстарды қауіпсіздік талаптарына сәйкес жүргізеді.
6В01412 – Көркемдік білім беру (IP)
Берілетін біліктілік:
6В01412 – «Көркемдік білім беру» (IP) білім беру бағдарламасы бойынша білім бакалавры;
Бітіруші түлек моделі:
Бағдарлама түлегі – көркемдік және эстетикалық білім беру саласында педагогикалық қызметті жүзеге асыруға дайын, мәдени құндылықтарды насихаттайтын педагог.
Кәсіби қызмет салалары:
- жалпы және қосымша білім беру ұйымдары;
- өнер және мәдениет мекемелері;
- шығармашылық орталықтар;
- білім беру жобалары мен студиялар.
Оқыту нәтижелері:
Бітіруші:
- Көркемдік білім беру пәндері бойынша оқу үдерісін ұйымдастырады;
- Білім алушылардың эстетикалық және шығармашылық әлеуетін дамытады;
- Өнер тарихы мен теориясын білім беру мазмұнында қолданады;
- Жобалық және шығармашылық жұмыстарды жүзеге асырады;
- Ғылыми-зерттеу және педагогикалық қызметке дайын.
6В01420 – Еңбекке баулу және кәсіпкерлік негіздері (IP)
Берілетін біліктілік:
6В01420 – «Еңбекке баулу және кәсіпкерлік негіздері» (IP) білім беру бағдарламасы бойынша білім бакалавры
Бітіруші түлек моделі:
Бағдарлама түлегі – еңбекке баулу, технология және кәсіпкерлік негіздері бойынша педагогикалық қызметті жүзеге асыра алатын, практикалық және экономикалық ойлауы қалыптасқан мұғалім.
Кәсіби қызмет салалары:
- жалпы білім беретін мектептер;
- техникалық және кәсіптік бағыттағы білім беру ұйымдары;
- қосымша білім беру орталықтары;
- кәсіпкерлікке бағытталған оқу орталықтары.
Оқыту нәтижелері:
Бітіруші:
- Еңбекке баулу және кәсіпкерлік негіздері пәндері бойынша оқу үдерісін ұйымдастырады;
- Білім алушылардың технологиялық және кәсіпкерлік дағдыларын қалыптастырады;
- Жобалық және практикалық жұмыстарды жүзеге асырады;
- Экономикалық және қаржылық сауаттылықты дамытады;
- Еңбек қауіпсіздігі талаптарын сақтайды.
