Қазақ әдебиеті мен тарихындағы  жазушылардың, батырлардың шығармаларын өнеге ету және өмір жолдарын келешек ұрпаққа арнаған тұлғалар кеңінен насихатталу керек. Осыған орай, 2022 жылдың 24-ақпанында «Ұстаз» институтытың директоры О.К.Джолдасованың қолдауымен М.Әуезовтың туғанына 125 жыл толуына байланысты студент жастармен әңгіме-лекция сабағы ұйымдастырылды.

 «Бауыржантану» ғылыми-зерттеу орталығының аға ғылыми қызметкері, педагогика ғылымдарының магистрі Әлімбай Найзабаев «М.Әуезов пен Б.Момышұлы арасындағы рухани сабақтастық» тақырыбында баяндама жасады. Іс-шараға Тәрбие жұмысы және әлеуметтік мәселелер жөніндегі департаментіне қарасты Дінтану орталығының жетекшісі Бахтияр Алпысбаев және «Қазақ тілі және әдебиет» кафедрасының аға оқытушысы Еділ Әбдімомынов шақырылып, ақын-жазушылар шығармашылығы мен олардың туындыларын жастар арасында насихаттау, тарихи-мәдени және рухани құндылықтарды сақтау туралы қызықты ой-пікірлерімен бөлісті.

2022 жылғы 24-ақпанда «Педагогикалық психология» кафедрасының ұйымдастыруымен «Бүгінгі қоғамдағы жастар келбеті» тақырыбында дөңгелек үстел өткізілді. Аталған іс-шараға «Жамбыл облыстық тұрмыстық зорлық-зомбылық құрбандарына әлеуметтік көмек көрсету» орталығының директоры Калыбекова Жамал Дуйсембаевна, кафедраның профессор-оқытушылар құрамы, магистранттар және студенттер қатысты.

Қазіргі қоғамда жастардың психологиялық дамуы, сапалы білім алуы және қоғамда өз орнын табуы сияқты өзекті мәселелер тұлғалық  қалыптасуға  әсер етеді. Орталық директоры Ж.Калыбекова бірнеше бағыттарда жүргізілетін жұмыстар: тұлғаны психологиялық диагностикалау және тексеру, әлеуметтік-психологиялық патронаж (жүйелі түрде қадағалау), көрсетілетін қызметтерді алушылармен психологиялық-профилактикалық жұмыс, психологиялық консультация беру, психологиялық түзету және т.б. туралы айтып өтті. Кафедра меңгерушісі Сматова К.Б., аға оқытушы Қарабекова А.Ж. жастардың мәдени-рухани өмірі, отбасы психологиясы, мінез-құлық стереотиптері, жанжалды қарым-қатынас және т.б. әлеуметтік,  психологиялық-педагогикалық мәселелер аясында өз пікірлерін білдірді. Ұлттың бүгіні мен келешегі – белсенді жастардың қолында дейтін болсақ, ұлттың рухани құндылықтарын бойына сіңірген ұрпақ ғана ел болашағын қалыптастыра алады.

Алаш көсемі Әлихан Бөкейхановтың: «Ұлтқа қызмет білімнен емес, мінезден» деген сөзі көп айтылады. Елге болсын деп, адал еңбек еткен аға буынның өмір жолы туралы сөз қозғалса, осы сөз қатар жүреді. Бұл сөзі мен ісі ел аузында қалған Алаш қайраткерінің есімі әлі талай уақыт халқымен бірге жасай беретінін көрсетсе керек.

Биыл Әлихан  Бөкейхановтың туғанына – 155 жыл. Осыған орай М.Х.Дулати атындағы Тараз өңірлік университетінде «Тарих және география» кафедрасының «Мұрагер» ғылыми-зерттеу үйірмесі «Ұлты ұлықтаған ұлы тұлға – Әлихан Бөкейханов» тақырыбында дөңгелек үстел өткізді. Бұл іс-шара болашақ тарихшылардың ғылыми зерттеулер жүргізуге ықпал ету мақсатында ұйымдастырылды.

Жалпы Әлихан Бөкейхановтың мұраларын насихаттау, жас ұрпаққа Алаш аманатын ұғындыру – тарихшылар алдындағы үлкен міндеттің бірі. Сондықтан, дөңгелек үстелде бас қосқан ғалымдар тек тұлға туралы әңгіме қозғап қана қоймай, тың деректер топтастырылған «Алаштың Әлиханы» атты деректі фильмді де бірге тамашалады. деректі туындыда біраз мәлімет қамтылған.

Басқосуда Жамбыл облыстық Шерхан Мұртаза атындағы «Руханият және тарихтану» орталығының тарихтану бөлімінің басшысы Асылжан Шайділдаев қазіргі кезде тарихшылар алдында тұрған көкейкесті мәселе туралы сөз қозғады. Ә.Бөкейханов туралы деректердің әлі де болса толық зерттелмей жатқанын сөз етті. Ол туралы архивтердегі негізгі айтылмай жүрген құнды деректер ғылыми айналымға қосар сәтті күтіп жатқанын жеткізді.

«Тарих және география» кафедрасының профессоры Сейдахан Бахторазов ұсынған деректер студенттер үшін өте құнды болғанын айта кету керек. Ол қазақ халқының біртұтастығын, егемендігін ұстанған, кеңестік саясаттан бас тартқан ұлт зиялы қауымы өкілдерінің тәуелсіз автономиялы мемлекет құру жолындағы қызметтері жайлы кеңірек әңгімеледі. Кеңестік билік тұсындағы тарих ғылымында түркі халықтарының ортақ мүдделерін алға тартқан қоғам қайраткерлері жүргізген саясаттың қудалауға түскенін және зиялы қауым өкілдерінің ұсыныстары, идеялары мен ұстанған саясаттары, ортақ мүдделері мұрағат қойнауында қалып оны зерттеуге мүлдем тыйым салынғандығы туралы, сонымен қатар олардың көздеген мақсаты мен ұстанған қағидаларына тоқталып өтті.

Дөңгелек үстелде студенттер әртүрлі сұрақтар қойып, Алаш тағылымы туралы құнды деректер айтылды.

Аталған іс-шара университет ішілік деңгейде емес, жалпы өңірдегі тарихшы мамандарды қамтыған басқосу болды десек, қателеспейміз. Дөңгелек үстелге кафедра оқытушылары А.Көбесова, Н.Биназарова, А.Әлдібаева, Қ.Шолпанқұлова және Абай атындағы гуманитарлық Жоғарғы колледжінен тарих пәнінің оқытушысы А.Абдраимова, Медициналық жоғарғы колледжінен Г.Иманалиева, Қаратау тау-кен колледжінен А. Шимырбаева қатысты. Тың деректер айтылған дөңгелек үстелде сондай-ақ №9, №1, №53, №6 орта мектептер мен гимзания мұғалімдері де көптеген мәліметтерге қанықты.

Іс-шара соңында барлық қатысушыларға сертификаттар тапсырылды. Белсенділік білдірген ғылыми жетекшілер Алғыс хаттармен марапатталды.

Кеңестік кезеңде тоталитарлық жүйенің жазықсыз құрбандары болған тұлғалар – тарихқа айналды. ХХ ғасырдың бірінші жартысындағы отарлық саясатқа қарсы ұлт-азаттық қозғалыс тарихын зерттеу, оның ақиқатын білу жастарымыздың ұлттық рухтың нығаюына әсерін тигізді деп білеміз.

Гүлжан Идрисова,
М.Х. Дулати атындағы Тараз өңірлік университетінің «Мұрагер» үйірмесінің жетекшісі.

«Су шаруашылығы және табиғатқа үйлестіру» институты

Гуманитарлық әлеуметтік ғылымдар факультеті

Технологиялық факультет

Ұстаз иституты

Экономика және құқық факультеті

Ақпараттық технологиялар факультеті

Өнер және спорт факультеті

21.02.2022г. на кафедре «Химия и химическая технология» состоялась онлайн-встреча на тему «Профориентация поступающих в магистратуру и докторантуру». В онлайн-встрече приняли участие заведующая кафедрой Масалимова Бакытгуль Кабыкеновна, профессорско-преподавательский состав кафедры и заинтересованные абитуриенты, заместитель ответственного секретаря Приемной комиссии Кожас Олжас Онгарович. В ходе онлайн-встречи Кожас Олжас Онгарович ознакомил абитуриентов с инструкциями по приему в магистратуру и докторантуру и предоставил обширную информацию. По вопросам получена четкая и качественная информация. Кроме того, были показаны видеоролики о жизни, достижениях и образовательных программах кафедры «Химия и химическая технология».

Заведующая кафедрой химии и химической технологии

к.х.н., профессор Масалимова Бакытгуль Кабыкеновна

2022 жылдың 21 ақпаны күні «Химия және химиялық технология» кафедрасында магистратура және докторантураға түсуші талапкерлерге кәсіби бағдар беру тақырыбында онлайн кездесу өткізілді. Онлайн кездесуге кафедра меңгерушісі Масалимова Бакытгуль Кабыкеновна, кафедраның профессор оқытушылар құрамы және ниет білдіруші талапкерлер, Қабылдау комиссиясының жауапты хатшысының орынбасары Қожас Олжас Оңғарұлы қатысты. Онлайн кездесу барысында Қожас Олжас Оңғарұлы талапкерлерге магистратура және докторантураға түсуге арналған нұсқаулықтармен таныстырып, ауқымды ақпарат берді. Қойылған сұрақтарға түсінікті, әрі сапалы мәліметтер алынды. Сонымен қатар, «Химия және химиялық технология» кафедрасының тынысы, жетістіктері мен білім беру бағдарламалары туралы бейнедеректер көрсетіліп ұсынылды.

«Химия және химиялық технология» кафедрасының меңгерушісі

х.ғ.к., профессор Масалимова Бакытгуль Кабыкеновна

Жастардың мұқалмас ерік-жігерінің өзі – қоғам үшін үлкен күш. Ал олардың аймақта, елдегі мәселелерге деген алаңдаушылық танытуы – сананың ашықтығын көрсетеді. М.Х.Дулати атындағы Тараз өңірлік университетіндегі студенттермен өткен кездесуге осылай деп баға берген Парламент Мәжілісінің депутаты Мейрамбек Төлепберген қазіргі жас буынның ой-өрісі кең екенін атап өтті.

Кездесуде университет ректоры Талғат Ешенқұлов Дулати жастарының қоғамдағы мәселелерге бей-жай қарамайтын белсенді екендіктерін атап өтті. Жаңа инновациялық жобалар жасап, гранттар ұтып алып жатқан талапшыл жастар барын тілге тиек етті. Бүгінгі кездесуден студенттердің алған білімін өмір жолында тәжірибе ретінде ұштастыратындай серпін алатынына сенім білдірді.

Халық қалаулысы Мейрамбек Мылтықбайұлы жастарға қазіргі қоғамдағы қалыптасқан көзқарастар қайшылығы туралы әңгімеледі. Ақпараттар ағыны екшеусіз, өлшеусіз жүріп жатқан кезеңде сананың ашықтығын сақтау, өз ұстанымыңда қалудың қаншалықты маңызды екенін айтып өтті.

«Адамды адастырмайтын нәрсе – білім. Білімді ұрпақ қоғамды алға жетелейді. Ал қоғамды өзгертетін – белгілі бір оқиғалар емес, әр адамның ісі мен әрекеті. Ол адамның жеке мәдениеті, құқықтық сауаттылығы, білімі мен тәртіп-тәрбиесі», - деді Мейрамбек Төлепберген. Мәжіліс депутаты Қаңтар оқиғасындағы басбұзарлардың әрекеті қаншама адамға қасірет әкелгенін әңгімеледі.

Ашық форматта өткен кездесуде Дулати жастары депутатқа өздерін толғандырған мәселелерді айтып, сұрақ қойды. Ербол Тілепбаев Таразға келіп, білім алып жатқан шетелдік студенттерге қосымша жұмыс істеуге рұқсат берілмейтінін, рәсімделген виза бойынша оқудан басқа еңбек етіп, табыс табуына мүмкіндігі жоғын сөз етті. Осы мәселені тиісті деңгейде көтеріп, шешуге ықпал етуді сұрады. Мейрамбек Мылтықбайұлы осыған қатысты депутаттық сауал жолдап, жауабын хабарласып айтатынын жеткізді.

Жасұлан Дүйсени студенттік кәсіпкерлігі мәселесі туралы сөз қозғап, бизнеспен айналысамын деген жастар үшін мекеме мен жерді жалға алуда жеңілдіктер қарастырылса деген өтініш айтты. Маржан Төлеген білімді жастардың шетелге кетіп қалатынын айтып, депуттаттың осы мәселеге қатысты пікірін сұрады.

Жалпы жастардың кәсіпкерлікпен айналысуға ұмтылысының тиімді жағы көп. Соның негізгісі – студенттердің бос уақытын іске арнайтыны. Дулати университетінің ректоры Талғат Ешенқұлов дамыған елдерде студенттік кәсіпкерлікке баса көңіл бөлініп, тиісті қолдаулар көрсетіліп отыратынын алға тартты. «Мәселен, студенттерге жоғары білім алып жүріп бизнеспен айналысуға мүмкіндік берілсе, олар өз идеясын жүзеге асыру үшін қандай кедергілер кездесуі мүмкін екенін іс-жүзінде көреді. Қай салаға қаржы салса, оның қайтымы болатынын, қандай жағдайда шығынға ұшырайтынын білетін болады. Осыдан кейін оқу бітіріп, қолға диплом алғанда ары қарай кәсіпкерлікпен айналысу қажет пе, жоқ па, өзі ішкі шешімін қабылдайды. Біз де осы тәжірибені пайдаланып, жастарға мүмкіндік берудің жолын қарастыруымыз қажет», - деді Талғат Ілиясұлы.

Кездесу соңында жастар Мәжіліс депутаты Мейрамбек Төлепбергенмен естелік суретке түсті.

Дулати университетінің
медиа-қызметі