2021 жылдың 12 ақпан күні технологиялық факультет, «Химия және химиялық технология» кафедрасында т.ғ.к., доцент Р.Б.Жарлыкапованың ұйымдастыруымен Елбасының "Рухани жаңғыру"бағдарламасын жүзеге асыру аясында профессор-оқытушылар құрамы мен білімгерлер арасында «Болашақ маманның бәсекеге қабілеттілігін арттырудағы студенттің ғылыми-зерттеу жұмысының рөлі» тақырыбында онлайн конференция-тренинг болып өтті.

«Технологиялық» факультетімен «Ақпараттық технологиялар, автоматика және телекоммуникация» факультетінің 1 курс студенттерін 2021 жылдың ақпан айының 4 жұлдызында «Туризм және сервис» кафедрасының Гид мектебінің жетекшілері т.ғ.к., доцент Жапсарбеков Ғ.П. және аға оқытушы Дуйсембаева А.Т., 1 курс «Туристік бизнес» кураторы Исмаилова Ж.Ж. және «Мейрамхана бизнесі» мамандығының кураторы Сулейман С.Н. Тараз өңірлік университетінің мұражайына және технологиялық ғимараттың оқу залы, кітапханасына танымдық экскурсия жүргізді. Экскурсия кезінде білімгерлер өздеріне қажетті мәліметтер алды.

«Туризм және сервис» кафедрасының 6В11113-«Мейрамхана бизнесі» мамандығының, 2 курс студенттері Еркінбекқызы Айша мен Жексенбай Құндызай Қазақстан Республикасының Парламентінің мәжілісі мен мәслихаттар депутаттарының сайлауында белсенділік танытқаны үшін Қазақстан Республикасының тұңғыш президенті, Елбасы Н.Ә.Назарбаевтың алғыс хатымен марапатталды!

«Туризм және сервис» кафедрасы

М. Х. Дулати атындағы Тараз өңірлік университетінің "Химия және химиялық технология" кафедрасында елеулі жаңалық! 6В05314-«Химия» білім беру бағдарламасының 2 курс студенті, Үшкемпір Аружан Ермекқызы, "Бөбек" Жалпыұлттық қозғалысы"қауымдастық нысанындағы заңды тұлғалар бірлестігі ұйымдастырған Тәуелсіз Мемлекеттер Достастығының ғылыми- білім беру мекемелері арасындағы "ІІ Халықаралық кітап басылымы","Үздік жас ғалымдар-2020 "жобасына қатысқаны үшін І дәрежелі дипломмен жәнеарнайы"Жас ғалым-2020"төсбелгісімен марапатталды. Жұлдызды жеңімпаздың жетекшісі және тәлімгері, доцент м.а., кафедраның PhD докторы Калмаханова Маржан Сеитқызы осы жоба аясында ғылыми-зерттеу жұмысында жас ғалымдарға көрсеткен қолдауы үшін арнайы алғыс хатпен марапатталды. Біз жеңімпаздарымызды толағай табысымен құттықтаймыз және оларға болашақ зерттеу жұмыстарында сәттілік тілейміз. Білім мен ғылымның қарқынды дамуына үлес қосып, ел болашағы үшін маңызы зор осындай жобалар ары қарай жалғасын таба берсін демекпіз!

Г.Б.Мадимарова

«Химия және химиялық технология»

кафедрасының оқытушысы, магистр