2025-2026 оқу жылында «Физика және информатика» кафедрасы 1 курс студенттеріне 94 студент қабылдады. Соның ішінде 6В01514 – Физика (IP) мамандығына 41, 6В01515 – Информатика (IP) мамандығына 53 студент қабылданды. Жалпы алғанда кафедрада 1-4 курс бойынша 329-дан астам студент білім алуда.
Кафедра бойынша 25 академиялық топ қамтылған. Аталған топтарда 15 куратор бекітілген. Кураторлар қатарында профессор-оқытушылар құрамы, аға оқытушылар және доценттер бар. Студенттер контингенті курстар бойынша төмендегідей:
1 курс – 6 академиялық топ, 94 білім алушы; 34 грантта
2 курс – 6 академиялық топ, 55 білім алушы; 39 грантта
3 курс – 6 академиялық топ, 73 білім алушы; 62 грантта
4 курс – 7 академиялық топ, 107 білім алушы; 103 грантта
329 студенттің 238 грант, 91 студенті ақылы.
2025-2026 оқу жылында 7М01502 Физика педагогтарын даярлау мамандығына 11 магистрант қабылданса, 7M01503 Информатика педагогтарын даярлау мамандығына 2 магистрант қабылданды. Жалпы алғанда 1-2 курс бойынша 25 магистрант білім алып жатқан болса, оның ішінде 23 грант, 2 ақылы.
1 курс – 13 магистрант/12 грант
2 курс – 12 магистрант/11 грант
2025-2026 оқу жылында 8D01502 - Физика педагогтарын даярлау мамандығына 2 докторант қабылданса, алдыңғы жылы 1 докторант қабылданды.
1 курс – 2 докторант/2 грант
2 курс – 1 докторант /1 грант
Оқытушылар жетістіктері
- Тасуов Болат «Әлеуметтік әріптестікті дамытуға қосқан үлесі үшін» төсбелгісімен марапатталды (5 сәуір 2023 ж., куәлік №68). Қазақстан Республикасының білім және ғылым саласын дамытуға қосқан елеулі үлесі, абыройлы еңбегі мен адал қызметі үшін Қазақстан Республикасының Білім және ғылым министрі Н. Саясаттың Алғыс хатымен марапатталды. Қазақстан Республикасының «Алтын жұлдызы» республикалық байқауына қатысып, жүлдегер атанғаны үшін Алғыс хатпен марапатталды.
- Жолдасова Күлжамиля Жолдасқызы 2025 жылғы 3 наурыздағы Жарлық бойынша «Парасат» орденімен марапатталды. «1941–1945 жылдардағы Ұлы Отан соғысындағы Жеңістің 75 жылдығы» мерейтойлық медалімен Ресей Федерациясы Президентінің 2019 жылғы 13 маусымдағы Жарлығы негізінде марапатталды. Медаль 2024 жылғы 16 ақпанда тапсырылды (A №00080211). Еліміздің рухани және әлеуметтік дамуына қосқан айрықша еңбегі үшін «Қазақстан Республикасының Құрметті азаматы» атты төсбелгісімен марапатталды және куәлік берілді 2021 ж. Тараз қаласы ардагерлер кеңесінің өкімімен Тараз қаласының «Құрметті ардагері» белгісімен марапатталды 2021ж. Жамбыл облысы әкімінің 2021 жылғы 9 желтоқсандағы №318 өкім бойынша «Облыстық сіңірген еңбегі үшін белгісімен марапатталды. ҚР Білім және ғылым саласының дамуына қосқан үлесі үшін ҚР педагогтарының «Алтын төсбелгісімен» марапатталды және куәлік берілді 2020ж.
- Бижигитов Темирхан Қазақстан Республикасы жоғары оқу орындарының қауымдастығы жоғары білім жүйесінің дамуына қосқан зор үлесі және жоғары оқу орындарына оқулықтар жазудағы көпжылдық нәтижелі еңбегі үшін А.Байтұрсынов атындағы медальмен марапатталды.
Еліміздің жоғары білім беру жүйесінің дамуына қосқан зор үлесі, новаторлық ұсыныстары және жаңа буын мамандарды дайындауды инновациялық істері үшін А.Байтұрсынов атындағы алтын медальмен марапатталды.
Қазақстан Республикасы жоғары оқу орындарының қауымдастығы жоғары білім жүйесінің дамуына қосқан зор үлесі және жоғары оқу орындарына оқулықтар жазудағы көпжылдық нәтижелі еңбегі үшін А.Байтұрсынов атындағы күміс медальмен марапаттады.
ҚР Білім және Ғылым министрлігі Құрмет грамотасы Тәуелсіз Қазақстанның рухани және әлеуметтік дамуы жолында білім беру сапасын арттыруға қосқан үлесі үшін Бижигитов Темирхан марапатталды.
- Мусабеков Ескермес Сәмекеулы алғыс хат ҚР Білім және Ғылым министрлігі Тәуелсіз Қазақстанның рухани және әлеуметтік дамуы жолында қол жеткен табыстары мен ғылым саласына қосқан зор үлесі үшін марапатталды 2022ж.
- Егембердиева София Шаймерденовна «Құрмет грамотасы» ҚР жоғары білім және ғылым саласын дамытуға елеулі үлес қоса отырып, өркендеу жолында атқарған абыройлы еңбегі мен адал қызметі үшін марапатталды. Министр С.Нұрбек, Астана қаласы, 2025 ж.
Алғыс хат. ҚР білім және ғылым саласын дамытуға елеулі үлес қоса отырып, өркендеу жолында атқарған абыройлы еңбегіңіз бен адал қызметіңіз үшін алғысымызды білдіремін. Министр С.Нұрбек, Астана қ., 2024 жыл.
Алғыс хат. АЭС салуды қолдау жөніндегі аумақтық халықтық штабтың қызметіне атсалысып, үгіт-насихат жұмыстарына зор үлес қосқаныңыз үшін алғыс білдіремін. Сіз ұйымдастыру жұмысы барысында АЭС-тің мән-маңызын жұртшылыққа жан-жақты түсіндіріп, жеткізе білдіңіз. Осындай мемлекетіміз үшін маңызды науқандағы еңбегіңізді жоғары бағалаймыз. Тараз қ.,2024 ж. «АМАNАТ» партиясы Жамбыл облыстық филиалының төрағасы Д.Бейсенқұлов
- Кушкимбаева Бибара Жайлаубаевна Алғыс хат. Жалпы білім беретін пәндер бойынша Республикалық ғылыми жобалар конкурсының Жамбыл облысы жеңімпазын дайындап, ойы ұшқыр, білімді, парасатты жас дарынды тәрбиелегеніңіз үшін алғыс хатпен марапатталды. Тараз қ.,2025ж. Жамбыл облысы әкімдігінің білім басқармасы басшысы Р.Садыркулов.
Алғыс хат. АЭС салуды қолдау жөніндегі аумақтық халықтық штабтың қызметіне атсалысып, үгіт-насихат жұмыстарына зор үлес қосқаныңыз үшін алғыс білдіремін. Сіз ұйымдастыру жұмысы барысында АЭС-тің мән-маңызын жұртшылыққа жан-жақты түсіндіріп, жеткізе білдіңіз. Осындай мемлекетіміз үшін маңызды науқандағы еңбегіңізді жоғары бағалаймыз. Тараз қ.,2024 ж. «АМАNАТ» партиясы Жамбыл облыстық филиалының төрағасы Д. Бейсенқұлов.
- Раимбаева Сәуле Адилхановна Құрмет грамотасы. «Еліміздің жоғары білім жүйесінің дамуына қосқан зор үлесі, ұлтымыздың болашағы – жастарға сапалы білім, саналы тәрбие беріп, білікті жас мамандар дайындаудағы ерен еңбегі және қоғамдық өмірге белсене атсалысқаны үшін». Астана, 2024ж.
- Ниетбаева Надира Ашировна Құрмет диплом. ҚР Ғылым және Жоғары білім министрлігінен. 2025 ж.
- Әбидин Қанат Шолпанұлы «ҚР ғылыми қызметкерлерінің күні» кәсіби мерекесіне орай ұйымдастырылған стартап жобалары байқауына қатысып, «Жеңімпаз» номинациясы бойынша марапатталды (Тараз қ., 2024 ж.).
«Тәуелсіздік ұрпақтары» грантының «Ғылым» бағыты бойынша жеңімпаз атанып, Жамбыл облысы әкімі Е. Қарашөкеевтің дипломымен марапатталды (Тараз қ., 2023 ж.).
- Нурбердиев Алимардан Тасполатович «ҚР ғылыми қызметкерлерінің күні» кәсіби мерекесіне орай ұйымдастырылған стартап жобалары байқауына қатысып, «Жеңімпаз» номинациясы бойынша марапатталды (Тараз қ., 2024 ж.).
«Тәуелсіздік ұрпақтары» грантының «Ғылым» бағыты бойынша жеңімпаз атанып, Жамбыл облысы әкімі Е. Қарашөкеевтің дипломымен марапатталды (Тараз қ., 2023 ж.).
Студенттер жетістіктері
- 2025 жылдың «Жаңа Қазақстандық патриотизм» жобасы аясында жастар саясатын дамыту және дарынды жастардың креативті идеялары мен жаңа бастамаларын қолдау мақсатында ұйымдастырылған «ҮЗДІК СТУДЕНТ» атты республикалық байқауына қатысып, жеңімпаз атанған Сатылғанқызы Сезім марапатталды
- 2025 жылдың «Жаңа Қазақстандық патриотизм» жобасы аясында жастар саясатын дамыту және дарынды жастардың креативті идеялары мен жаңа бастамаларын қолдау мақсатында ұйымдастырылған «ҮЗДІК СТУДЕНТ» атты республикалық байқауына қатысып, жеңімпаз атанған Надирова Севинч Кахраманқызы мен Иманова Меруерт Нариманқызы марапатталды
- 2025 жылдың «Адал адам – Адал ұрпақ» ұлттық тұжырымдасын қоғамда кеңінен насихаттау, жастардың ғылыми ізденісін, кәсіби ойлау қабілетін және зияткерлік әлеуетін дамытуға бағытталған «ҮЗДІК МАГИСТРАНТ» халықаралық байқауына қатысып, жеңімпаз атанған Абдрахман Жанна Ғалымжанқызы марапатталды.
- Аққос Айғаным Темірбекқызы 6B01515-Физика IP 2 курс студенті 2025 жылдың Қазақстан халықтар Ассамблеясының құрылуына 30жыл толуына орай М.Х.Дулати атындағы Тараз университетінің ‘’Еркін ойлар алаңы’’ ИПК ұйымдастыруымен өткен ‘’Бірлігіміз жарасқан’’ факультет аралық дебат турнирінде ‘’Ең үздік спикер’’ номинациясымен марапатталды. 17 қараша - Халықаралық студенттер күніне орай ‘’Үздіктер марапаттау’’ байқауында ‘’Үздік пікірсайысшы’’ номинациясымен, Диплом 1-орын Тараз сервис және технология колледжі ‘’Ақиқат’’ пікірсайыс клубының ұйымдастырумен Абай Құнанбайұлының 180 жылдығына орай ‘’Сөз хәкімі Абай’’ атты облыстық пікірсайыс турнирі, Диплом 3-орын Жамбыл политехникалық жоғары колледжі ‘’Алғырлар’’ интеллектуалды пікірсайыс клубының ұйымдастыруымен ‘’Білім-ең мықты қару’’ атты облыстық турнир, Алғыс хат ‘’Еркін пікір’’ жастар қозғалысының және ‘’Еркін ойлар алаңы интеллектуалды пікірсайыс ұйымының’’ ұйымдастыруымен өткен облыстық теле-дебат жарысында жүлделі 1-орынмен, М.Х.Дулати атындағы Тараз университетінің ‘’Еркін ойлар алаңы’’ интеллектуалды ұйымы мен Жамбыл облыстық білім басқармасының ұйымдастыруымен өткен ‘’Адал еңбек’’ облыстық пікірсайыс турнирінде 2 орын иеленген.
- 2024 жылдың «Қазақстан ICPC спорттық бағдарламалау» бойынша әлем чемпионатының 1/2 финалында 3 орын иегерлері 6В01503 – «Информатика мұғалімдерін даярлау» білім беру бағдарламасының 3 курс студенттері Тайбосынова М., Қонақбай А., Астаев М., Балтабай Ә., Сабитов М., Құралбай А. атанды. Команданың ғылыми жетекшісі: «Физика және информатика» кафедрасының аға оқытушысы Раимбаева С.А.
- 2024 жылдың Оразымбетова Г.Х. жетекшілігімен Тараз қ., М.Х.Дулати атындағы Тараз университетінің ұйымдастыруымен студенттер конференциясына қатысып “Фотоэлектрлік эффект құбылысының негізгі параметрлерін эксперименталды зерттеу” тақырыбында баяндама жасап, 4-курс 6В01502 – «Физика мұғалімдерін даярлау» БББ студенттері Қ.Е Набиева ., Г.А.,Турганова 1-орын иегері атанды.;
- Инф-21-1 тобының студенттері ARAL командысы болып қатысып Хакатон «Future Makers» сайысында І орынды иеленді 2024ж;
- Қарымсақова Б. жетекшілігімен Инф-21-1 тобының студенттері Сейдазимов А. мен Балпан А. ҚР ЖОО студенттері арасында өткен «TECH QYZPU-NIGDE HACATHON: 24 HOURS OF CODE AND CREATIVITY» атты хакатонда ІІІ орын иеленді. Сертификат 60000 тг 2024ж.
- Қарымсақова Б. жетекшілігімен Инф-21-1 тобының студенттері Астаев М., Балтабай Ә., Балпан А., Сабитов М. Zhambyl Hub және М.Х. Дулати атындағы Тараз өңірлік университеті ұйымдастырған «DULATY HAKATHON» сайысында І орын иеленді. Сертификат 150000 тг 2024ж.
- Информатика мұғалімдерін даярлау бағдарламасы бойынша оқитын Инф 21-1, Инф 22-1 курс студенттері облыс әкімінің 500к теңгелік грантының иегерлері атанды 2024ж.
- Нурбердиев А.Т. жетекшілігімен 2024 жылғы студенттердің ғылыми жұмыстарының Республикалық байқауында үздік ғылыми-зерттеу жұмысы үшін физика мұғалімдерін даярлау БББ 3 курс студенті Ерғали Айдос ІІ дәрежелі дипломмен марапатталды.
- Scopus базасына жарияланған ғылыми еңбектердің тізімі - 4
- Гранттық қаржыландыру -1
- Монография – 3
- ҚР БҒМ білім беру саласында бақылау комитеті ұсынған ғылыми еңбектердің тізімі – 18
- Республикалық журналдарға шыққан ғылыми еңбектердің тізімі – 11
- Шетелдік журналдарға шыққан ғылыми еңбектердің тізімі – 27
- Республикалық конференцияларда шыққан ғылыми еңбектердің тізімі - 19
- Халықаралық конференцияларда шыққан ғылыми еңбектердің тізімі – 27
- Университет журналдарында шыққан ғылыми еңбектердің тізімі – 10
- ТМД шыққан ғылыми еңбектердің тізімі - 8
Мақсаты
«Физика және информатика» кафедрасының негізгі мақсаты ғылыми және білім беру саласында кәсіби қызметті жүзеге асыруға дайын бәсекеге қабілетті мамандарды даярлау. Осының негізінде білім беру бағдарламаларының миссиясы қоғам мен мемлекеттің жаңа буынның ақпараттық және коммуникациялық технологиялар саласындағы адами және ғылыми ресурстарымен қажеттіліктерін қамтамасыз етуге, сонымен қатар білім мен ғылымның ішкі жүйелерін қамтитын Қазақстанның инновациялық экономикасының тұрақты дамуына тұрақты қолдау көрсетуге бағытталған.
Білім беру бағдарламалары еңбек нарығындағы мамандарға қойылатын заманауи талаптарға сәйкес жасалады. Жұмыс берушілердің айтуынша, білім беру бағдарламасы білім саласында қажетті білімі бар мамандар даярлауға бағытталған.
Сонымен қатар ағылшын тілін білетін, жоғары әлеуметтік және азаматтық жауапкершілігі бар, кәсіптік қызметті келесі бағыттарда жүзеге асыруға қабілетті жоғары білікті физика және информатика мұғалімін даярлау: оқушының жан-жақты дамыған тұлғасын тәрбиелеу және қалыптастыру; білім алушыларда физика және информатика саласында жүйеленген білімді қалыптастыру; қазіргі заманғы деңгейде физика және информатика сабақтарында оқу-тәрбие процесін ұйымдастыру; ғылыми зерттеулерді, жобаларды, оның ішінде қазіргі заманғы ақпараттық-коммуникациялық технологияларды пайдалана отырып жүзеге асыру.
«Физика және информатика» кафедрасына қарасты «Механика», «Молекулалық физика», «Оптика», «Атом және ядролық физика», «Радио-электроника» оқу лабораториялары, «Мектеп экспериментінің техникасы» оқу-өндірістік шеберханасы қазіргі заман талабына сай құрал-жабдықтармен жабдықталған.Лабораториялық жұмыстарды орындауға қажетті оқулықтар мен оқу әдістемелік құралдар университет кітапханасында жеткілікті және оқу залында бірнеше данадан қойылған.
Серіктестер
М. Танк атындағы Белорус мемлекеттік педагогикалық университеті;
Шерхан Мұртаза атындағы Халықаралық Тараз университеті;
Ж. Жабаев атындағы №5 мектеп-гимазия (практика базасы);
Облыстық біліктілікті арттыру институты;
К. Тұрысова атындағы № 53 мектеп-гимназия;
Т. Рысқұлов атындағы № 48 орта мектеп.
Дарынды балаларға арналған мамандандырылған Дарын лицей-интернаты
Төле би атындағы № 8 мектеп-гимназия
Бітіруші түлек моделі
Білім беру бағдарламасының іске асырылуы түлектердің максималды жұмысқа орналастыру болып табылады. Жыл сайын мектеп мұғалімдері мен колледж оқытушыларының еңбекақысы артып, Педагог мәртебесі көтеріліп келеді. Осыған байланысты түлектерді жұмысқа орналастыру нәтижелерін талдау жұмысқа орналастыру көрсеткіштерінің оң динамикасын көрсетеді.
«Информатика» мамандығының түлектері алған білімдері бойынша келесі кәсіптік қызмет түрлерін орындай алады:
- білім беру (педагогикаллық бағыты) – информатика пәнінің мұғалімі;
- информатика және ақпараттық технологиялар саласының маманы;
- өндірістік-технологиялық бағыты – программист;
- ұйымдастыру-басқармалық бағыты – компьютерлендіру менеджері;
- ғылыми-зерттеу саласында ғылыми қызметкер;
- Web-бағдарламалаушы, IT-технологиялардың маманы;
- басқару мекемелері, банктер, бизнес құрылымдары, мәліметтер қорын жобалаушы
«Физика» мамандығының түлектері алған білімдері бойынша келесі кәсіптік қызмет түрлерін орындай алады:
- оқу-тәрбие қызметін ұйымдастыруға, жүргізуге, мониторинг жүргізуге және бақылауға байланысты мемлекеттік басқару органдары:
- орта білім беру ұйымдары;
- кәсіптік-техникалық білім беру ұйымдары;
- білім бөлімдері мен басқармалары;
- білім беру мәселелерін зерттеумен айналысатын ғылыми-зерттеу ұйымдары.
