2024-2025 оқу жылында «Практикалық шетел тілдері» кафедрасында 1 PhD, 1 ғылым кандидаты,  18 аға оқытушылар, 5 оқытушы соның ішінде 20 магистр жұмыс атқарады. «Практикалық шетел тілдері кафедрасының оқытушылары тілдік емес мамандықтарда оқитын студенттерге арналған «Шетел тілі – 1,2»  Pre-intermediate  деңгейінде және магистранттарға арналған “Шетел тілі”(кәсіби) пәндерін  жүргізеді. 

Кафедра оқытушылары халықаралық және республикалық ғылыми-әдістемелік конференцияларына белсене қатысып, шетелдік баспаларда мақалалар жариялайды. Атап айтсақ, 2024 жылы Scopus (Q1) және Web of Science базаларына кіретін “Journal of psycholinguistic research” журналында PhD Г.А.Тургунтаева “Linguacultural and cognitive peculiarities of linguistic universals” атты ғылыми мақала жариялады; аға оқытушы М.А.Байтелиеваның Scopus (Q3) және Web of Science базаларына кіретін “Fibres and Textiles in Eastern Europe” журналында “Investigation of the Effect of a Natural Extract From Oak Bark on the Properties of the Leather” атты ғылыми мақаласы жарық көрді. 2024 жылы аға оқытушы Рахимова Ю.С. "Forum for linguistic Studies" журналында "Extracurricular tandem as a powerful tool for enhancing intercultural communicative Competence"тақырыбында ғылыми мақала жариялады. Және 2025 жылы кафедраның аға оқытушысы К. Р. Ушакбаева. “ Examination Of the Scientific and Methodological Foundations of The Formation of Network Communication Culture and Digital Etiquette of Faculty Members at The University ” тақырыбында “International Journal of Evaluation and Research in Education (IJERE)” журналына мақаласы жарық көрді.

  Кафедра оқытушылары Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті  ұсынған басылымдарда мақала жариялайды. Атап айтсақ, 2023 жылы аға оқытушы С.Л. Берденованың «First-year students’ problems affecting adaptation to a public university in Kazakhstan» атты мақаласы Л.Н. Гумилев атындағы Еуразия ұлттық университетінің Хабаршысы, «Педагогика. Психология. Әлеуметтану» сериясында жарияланды. 2024 жылы аға оқытушы К. Р Ушакбаева «Медиабілім үдерісінде студенттердің ақпараттық құзыреттілігін дамытудағы инновациялық тұғыр» атты мақаласын «Ахмет Байтұрсынұлы атындағы Қостанай өңірлік университетінің көпсалалы ғылыми журналына» жариялады. Кафедра доценті м.а., п.ғ.к. М.В.Новожилова, аға оқытушылар М.А Грибенюк және М.А. Байтелиева “Integrating “Scaffolding” Techniques Into The Foreign Language Learning Process To Foster Students’ Language Proficiency” атты мақаласы Абылайхан атындағы ҚХҚжӘТУ  «Хабаршы. Бөлім: Филологиялық ғылымдар» журналында жарияланды.

Кафедра оқытушылары ғылыми жобалар бойынша гранттық қаржыландыруға арналған конкурстарға қатысып отырады. 2023 жылы аға оқытушы Грибенюк М.А.  ЭРАЗМУС+ жобасында  “Өзбекстан мен Қазақстан жоғарғы оқу орындарындағы былғары және былғары бұйымдары өндірісінің потенциалын күшейту» (“REILEAP”) атты халықаралық жобаға және оқытушы Ибрагимов М.Ф. «Исследование биоразнообразия и энергитической справедливости для разрешения конфликтов между целями устойчивого развития» атты халықаралық жобаға қатысты. 

Кафедра оқытушылары тарапынан үнемі семинарлар ұйымдастырылып отырады. 2024 жылы «Инклюзивті білім беруде шет тілін оқытудың заманауи әдістемесі» тақырыбында семинар өткізілді. Семинар аясында оқытушыларға инклюзивті оқыту әдістері тәжірибе жүзінде көрсетілген тренинг жүргізілді. Инклюзивті білім беру орталығының маманы ерекше қажеттіліктері бар студенттерді оқыту әдістері туралы баяндама жасады. 2025 жылы кафедраның аға оқытушылары Д.А.Алтынбекова, А.К.Каримова, А.М.Наурызбаева, М.Б.Садуахасова кафедра оқытушыларына «МООС (МООК) – қашықтықтан оқытуға арналған кешенді бағдарлама» тақырыбында ғылыми-әдістемелік семинар өткізді. Семинар барысында кафедра оқытушылары МООК платформасының тиімділігі мен оны қолдану жолдарымен, сапалы бейне сабақтарды жазу және қажетті оқу материалдарын әзірлеу әдістерімен танысты және МООК құрудың негізгі тәсілдері қарастырылды.

«Практикалық шетел тілдері» кафедрасының оқытушылары М.Х.Дулати атындағы Тараз университеті ұйымдастырған «ЖОО-ның үздік мультимедиялық өнім» байқауна белсенді қатысады. 2023 жылы «ЖОО Ең үздік мультимедиялық өнімі-2023» байқауына «Үздік МООК» номинациясы бойынша аға оқытушылар А.М.Наурызбаева, Д.А.Алтынбекова., А.Ш.Каримова қатысып, екінші орынды иеленді.

Кафедра оқытушылары салауатты өмір салтын ұстану мақсатында университет тарапынан ұйымдастырылатын спорттық сайыстарға белсене қатысады. Кафедраның жас маманы  А.Б.Заурбек Қазақстан кәсіподақтары күніне орай университет қызметкерлері мен оқытушылары арасында өткен спорттық эстафетаға қатысып, 1-орын иеленді. 2026 жылы, М. А. Байтелиева мен А. А. Мазова Университет спартакиадасына қатысып, спорттың дәлдеп көздеу (дартс) түрінен 3 жүлделі орынды иеленді. Сонымен қатар кафедра оқытушысы К. Б. Косалиева шахматтан 2 ші орын алды.

Кафедра оқытушылары қоғамдық жұмыстармен қатар, студенттермен де тығыз байланыста. 2025 жылы «Практикалық шетел тілдері» кафедрасының «Полиглот» студенттік ғылыми-елтанымдық үйірмесінің ұйымдастыруымен «Цифрлық сауаттылық пен жасанды интеллект: шет тілін үйренудегі интерактивті платформалар мен ресурстар» тақырыбында конференция ұйымдастырылды. Конференцияға Тараз қаласы мен Жамбыл облысының мектеп оқушылары мен колледж студенттері қатысты. Үздік баяндамашылар I, II, III дәрежелі дипломдар, арнайы номинациялар және алғыс хаттармен марапатталды.

«Практикалық шетел тілдері» кафедрасының оқытушылары студенттердің ғылыми зерттеу жұмыстарына жетекшілік жасайды. 2025 жылы М.Х.Дулати атындағы Тараз университетінде өткізілген “Студенттік ғылым – зерттеу әлемі” тақырыбындағы XХVІI студенттік ғылыми-практикалық конференциясының 2 кезеңінің қорытындысы бойынша аға оқытушы А. М. Наурызбаева жетекшілік жасаған 6В05111 - “Медико-биологиялық іс” білім беру бағдарламасының 1 курс студенті Жумабек Анель 3 дәрежелі дипломмен марапатталды.