- 2025 жыл сәуір айында  Мектеп жасына дейінгі балаларды тәрбиелеу мен дамытуға арналған «Мектепке дейінгі білім: Жамбыл педагогтарының тәжірибесі» атты республикалық ғылыми-практикалық конференция өтті.

2025 жыл сәуір айында М.Х.Дулати атындағы Тараз университетінде профессор, педагогика ғылымдарының кандидаты, Сағымбекова Пернайым Сағымбекқызының 80 жылдық мерейтойына арналған «Ғылыммен өрілген ғұмыр» атты республикалық шығармашылық кеш өтті.

17.02.2026ж.

Университетте білім беру бағдарламасын әзірлеуші мектептермен байланыс - бұл жай ғана формалдылық емес, бәсекеге қабілетті, заманауи маман даярлаудың маңызды тетігі. Теория мен практиканы ұштастыру, жұмыс берушілермен тұрақты байланыс орнату – «университет–мектеп» сабақтастығының берік негізі.

17 ақпан күні «Мектепке дейінгі және бастауыш білім беру» кафедрасы Жамбыл облысы әкімдігінің білім басқармасы Тараз қаласының білім бөлімінің Намазбай Ақшабаев атындағы орта мектебі-мен бірлесіп «Бастауыш мектепте білім сапасын арттырудың тиімді жолдары» атты ғылыми-әдістемелік семинар өткізді.

Ұйымдастырушылар: кафедра меңгерушісі, PhD доктор Сманова А.А., аға оқытушылар Спаналиева Г.Т., Шынтаева Н.А. Семинардың басты мақсаты – теория мен практика арасындағы алшақтықты жою. Университет оқытушылары ғылыми зерттеулер мен заманауи педагогикалық тәсілдерді ұсынды. Мектеп мұғалімдері сыныптағы нақты тәжірибелері мен өзекті сұраныстарын ортаға салды. Осындай бірлескен іс-шаралар білім сапасын арттыруға, болашақ педагогтердің кәсіби құзыреттілігін нығайтуға және тәжірибелік бағыттылықты күшейтуге мүмкіндік береді.

5 ақпан 2026ж.

Педагогика және әлеуметтік ғылымдар факультетінде «Конституция және азамат: құқықтары мен міндеттердің жаңа балансы» тақырыбында дөңгелек үстел өтті. Іс-шара барысында елімізде Конституцияны жаңартудың маңыздылығы, оның қоғамдағы демократиялық өзгерістерге серпін беретіні кеңінен талқыланды. Спикерлер азаматтардың құқықтары мен міндеттері арасындағы тепе-теңдікті сақтау, құқықтық мәдениетті арттыру және жастардың азаматтық белсенділігін күшейту мәселелеріне ерекше тоқталды. Дөңгелек үстел пікір алмасу алаңына айналып, қатысушылар өз ойларын ашық білдіріп, өзекті сұрақтар төңірегінде ұсыныстарын ортаға салды. Мұндай кездесулер құқықтық сананы қалыптастырып, саналы әрі жауапты азамат тәрбиелеуге үлкен үлес қосады.

Спикерлер: «Мемлекеттік және әкімшілік құқық» кафедрасының аға оқытушылар Г.К.Аусагатова, Ф.З.Копбасарова

30 қазан 2025ж

Іс-шараға:
• Тараз ст.КПб ӘПб аға инспекторы полиция майоры Л. Копбаева;

• Криминалдық полиция бөлімінің жедел уәкілі полиция аға лейтенанты Қ. Шырынханов;
• Әскерилендірілген теміржол күзетінің қызметкері Н.Рахманбеков.

сондай-ақ білім беру ұйымдарының өкілдері қатысты.

Негізгі мақсат - жасөспірімдер арасындағы құқық бұзушылықтардың алдын алу, теміржолдағы қауіпсіздік ережелерін түсіндіру және салауатты өмір салтын насихаттау.
Іс-шара барысында: Құқықтық түсіндірме жұмыстары жүргізілді;

• «Теміржол - қауіпті аймақ» тақырыбында бейнероликтер көрсетілді;
• Ескертпе парақшалар таратылды;
• Студенттер өз сұрақтарына жауап алып, пікір алмасты.

Бұл шара - жас ұрпақтың қауіпсіздігі мен құқықтық мәдениетін арттыру жолындағы маңызды қадам.

11.02.2026ж

Үстіміздегі жылдың 11 ақпан күні «Педагогика және әлеуметтік ғылымдар» факультеті «Мектепке дейінгі және бастауыш білім беру» кафедрасының меңгерушісі Сманова А.А., аға оқытушылар Спаналиева Г.Т., Шынтаева Н.А. Жамбыл ауданының білім бөлімінің Ы.Алтынсарин атындағы №6 орта мектебімен бірлесе ұйымдастырған «Бастауышта жасанды интеллектіні қолдану: мұғалімге көмекші, балаға қолдау» тақырыбында облыстық ғылыми әдістемелік семинар өткізілді. Семинар жұмысына Жамбыл ауданы білім бөлімінің әдіскері Баймаханбетова М.С. облыстың 20-дан астам мектеп мұғалімдері, әдіскерлер қатысты. Облыстық семинарда PhD доктор Сманова А.А. «Болашақ педагогтардың ЖИ- функционалдық сауаттылығын арттыру жолдары» тақырыбында , аға оқытушы Спаналиева Г.Т. «Жасанды интеллект дәуіріндегі «білім» және «оқыту» тұжырымдамаларының қайта қаралуы» тақырыбында, аға оқытушы Шынтаева Н.А. «Бастауышта жасанды интеллекті қолдану әдіс-тәсілдері» тақырыбында баяндама жасап, мәселелер мен ұсыныстарды талқыға салды. Облыс аясында өткен семинарда педагог ұйымдастырушылар тәжірибе алмасып, пікірлерімен бөлісу мүмкіндігіне ие болды. Семинар соңы мұғалімдердің жасанды интеллектіге негізделген ашық сабақтары мен панорамалық сабақтары және концерттік бағдарламаға ұласты. Заманауи білім – жаңашыл көзқарас пен технологияны тиімді қолданудан басталады!

25 қараша 2025ж.

Бүгін қараша айының 25 күні «Философия және саясаттану» кафедрасына қарасты «Логос» студенттік ғылыми үйірмесінің 2025-2026 оқу жылындағы жұмыс жоспарына сәйкес «Ұлттық тәрбие жүйесіндегі дәстүр мен жаңашылдық» тақырыбында үйірменің ашық отырысы ғылыми-танымдық облыстық конференция форматында өтті. Конференцияға Қазіргі заман гуманитарлық-техникалық колледжі, Тараз мамандандырылған колледжі, Тараз инновациялық көпсалалы колледжі, Тараз теміржол көлік және коммуникация колледж студенттері мен Жамбыл облысы Меркі ауданы «Ақкөз Қосанұлы атындағы №18 жалпы орта білім беретін мектебі», Байзақ ауданы, Шайқорық орта мектебі, Сарысу ауданы Жаңатас қаласының «Шапағат БО» ЖШС, «Бақытты болашақ» оқушылар сарайының мұғалімдері мен Тараз қаласының орта мектеп, мектеп-гимназия оқушылары және «Логос» студенттік ғылыми үйірмесінің мүшелері мен Дулати университеттің студенттері қатысып мазмұнды баяндамалар жасады. XXI ғасырдағы жаһандану үдерісі әлем халықтарының мәдениеттерін жақындастырғанымен, ұлттық бірегейлікті жоғалту қаупін арттыра түсуде. Жаһандану үдерісі жастардың дүниетанымына жаңа әсерлер әкелгенімен, ұлттық құндылықтардың әлсіреу қаупін туындатуда. Осы жағдайда тәрбие жүйесін этномәдени мазмұнмен байыту аса маңызды деп ойлаймыз, сондықтанда конференция тақырыбы ғылымға құштар жас буын арасында үлкен қызығушылық туғызды және дәстүр мен жаңашылдықтың өзара ықпалдасуына қатысты ойларымен бөлісіп, ұсыныстар жасады. «Философия және саясаттану» кафедрасының ұйымдастыруымен «Логос» студенттік ғылыми үйірмесінің ашық отырысы мектеп, колледж, университет арасында кәсіби ынтымақтастық орнатып, тек пікір алмасу алаңы ғана емес, жастардың ғылыми әлеуетін танытатын, жаңа идеялар мен жаңашылдықтарға жол ашатын маңызды дәстүрлі шараға айналуда. Конференция соңында ұйымдастырушылар оқушылар мен студенттерге дипломдар мен олардың ғылыми жетекшілеріне алғыс хаттар табыстап, болашақта ғылым жолындағы еңбектеріне сәттілік және үздіксіз ізденіс тіледі.

4 желтоқсан 2025ж.

Бүгін осы әлемнің есігін Педагогика және әлеуметтік ғылымдар факультетінің «Музыка және көркемдік білім» кафедрасы айқара ашты! 6В01403 – Көркем еңбек және сызу мұғалімдерін даярлау мамандығының 4-курс студенттерінің бастамасымен, 1, 2, 3-курс білім алушыларының қолдауымен «Өнер тынысы» атты керемет көрме ұйымдастырылды. Бұл – бірнеше жылдық еңбектің, үздіксіз ізденістің және шығармашылық шабыттың жарқын нәтижесі. Көрмеде студенттердің қолөнер туындылары мен өз қолымен салған суреттері ұсынылып, әрбір жұмыс олардың жан дүниесі мен өнерге деген сүйіспеншілігін айқын көрсетті. Көрменің мақсаты – студенттердің шығармашылық қабілетін дамыту, оқу барысында меңгерген кәсіби дағдыларын таныту және олардың болашақ маман ретінде қалыптасуына мүмкіндік жасау. Әр туынды – еңбектің, талпыныстың, эстетикалық талғамның жемісі. «Өнер тынысы» – талант пен жүрек жылуы тоғысқан сәт.