Еңбек нарығында қандай кадрларға сұраныс көп? Қай мекемелерде бос жұмыс орындары бар? Бірер айда қолға диплом алатын жас мамандарды толғандыратын сұрақтар осы. Бұл ретте М.Х.Дулати атындағы Тараз өңірлік университетінің жыл сайын дәстүрлі түрде ұйымдастыратын «Бос жұмыс орындары: «Жас маман – 2022» жәрмеңкесі нағыз ізгенге – сұраған бағдар болды.

Жұмыс жәрмеңкесіне Дулати университетінде даярланатын мамандықтарға сәйкес өңірдегі ірі жұмыс беруші кәсіпорындар мен мекемелердің басшылары шақырылды. Жалпы биыл университеттен бакалавриат бойынша 2796 түлек түлеп ұшқалы отыр. Оның 1518-і педагог мамандар. Сондықтан жас мамандардың облыстық білім басқармасынан келген өкілдерге қояр сұрағы көп болғаны түсінікті.

– Бос орындар жәрмеңкесі – еңбек нарығының мамандарға деген қажеттілігін айқындау үшін, жұмыс берушілермен және әлеуметтік әріптестермен байланыс орнатудың тиімді тетігі. Біздің мақсат – жастарды жұмысқа орналастыру мәселесі бойынша ортақ диалог алаңын құру, оларға жұмысқа орналасу мүмкіндіктері туралы керекті ақпарат алуына қолайлы жағдай жасау.

Университет тарапынан ұйымдастырылатын жұмыс жәрмеңкесі – жастар түлектер арасында жұмыссыздық мәселесін оңтайлы шешудің жолы болып отыр десек, артық айтпаймыз. Өткен оқу жылында университетті 2491 студент тәмәмдап, олардың 77 пайызы жұмысқа орналасқаны – осы сөзіміздің дәлелі. Жыл өткен сайын статистикалық көрсеткіштердің оң сипат алып келе жатқаны қуантады, - деді жұмыс жәрмеңкесінің ашылу салтанатында Дулати университетінің инфрақұрылымдық дамыту жөніндегі проректоры Бекет Алиғожин.

Ақпарат алмасу үшін бос жұмыс орындар жәрмеңкесінің жас мамандарға ғана емес, жұмыс берушілерге де берері көп. Мәселен, биылғы түлектердің 50 пайыздан астамы педагогтар. Ал өңірде маман тапшылығы бар аудандар бар. Жәрмеңкеге келген облыстық білім басқармасы басшысының орынбасары Талғат Жамалов осы мәселелерді қозғады.

Дулати университеті бос жұмыс орындары жәрмеңкесі өткізуді дәстүрге айналдырғалы бері өңірдегі бірқатар ірі өндіріс орындары мен мекемелердің басшылары қолдау көрсетіп, бүгінде сенімді әлеуметтік серіктестерге айналды. Іс-шара соңында проректор Бекет Қабиденұлы ұзақ мерзімді және жемісті ынтымақтастығы үшін жұмыс берушілерге ризашылығын білдіріп, 10-нан астам әлеуметтік серіктесті Алғыс хаттармен марапаттады.

Қазақстан Республикасы Қарулы Күштерінің құрылғанына 30 жыл толуына орай запастағы полковник К.Ш. Сағымбаев «Оңтүстік» өңірлік қолбасшылығымен жастарды әскери-патриоттық тәрбиелеу жұмыстарына елеулі үлес қосқаны үшін грамотамен марапатталды.

В честь 30-летия образования Вооруженных Сил Республики Казахстан командующим регионального командованием «Юг» полковник запаса Сагимбаев К.Ш. был награжден грамотой за участие в военно- патриотическом воспитании молодежи.

«М.Х. Дулати атындағы Тараз өңірлік университеті КЕАҚ «Аудит және салық салу» бағытында жоғары білімді бакалавр және магистр мамандарын даярлаумен айналысатын ауқымды білім ордасы саналады.

Білім берудің заманауи ерекшеліктеріне байланысты «Дуальды оқытуды ұйымдастыру қағидаларын бекіту туралы» ҚР Білім және ғылым министрінің 2016 жылғы 21 қаңтардағы №50 бұйрығы мен 2020 жылы 23 желтоқсанда Директорлар кеңесімен бекітілген 2020-2025 жылдарға арналған «Даму» бағдарламасына сәйкес студенттер тәрбиесі мен тәжірибесіне бағытталған оқытуды күшейту, атап айтқанда тәжірибелі мамандарды тарту, дуальді оқыту, кафедра филиалдары жүйесін дамыту қарастырылған, сәйкесінше дуальды білім беру элементтерін оқу процесіне енгізу аймақта жоғары білікті әрі сұранысқа ие мамандарды даярлап шығару, әрі студенттер мен оқытушы құрамының білікті болуына ықпал ету барысында, тәжірибесі мол мамандардан іс жүзінде тәжірибелік дәріс алу, теория мен тәжірибе ортасын етене жақындату болып табылады. Бүгінгі заман талабына сай бухгалтерлік есеп пен салық есебі халықаралық стандарттар бойынша жүргізілуде, сондықтан қыры мен сыры көп қаржылық есеп бойынша есептілік жүргізу саласында болып жатқан өзгерістер мен толықтыруларды меңгеру мақсатында, 2022 жылдың 05 мамыры, сағат 10-00 де, 2.6.319 аудиторияда «Қаржы және есеп» кафедрасының аға оқытушысы  М.Әбдіманаповтың «Қаржылық есептің халықаралық стандарттарына енгізілген өзгерістер мен толықтырулар, және есеп жүргізу бағытындағы басқа да заңдылықтар» атты іс-шара ұйымдастырылды. Іс-шараға «Қаржы және есеп» кафедрасының оқытушылары мен студенттер қатысып, ұйымдастырушыға сұрақтар қойылып, тиісті жауаптар алынды.

«Қазақ ұлттық қыздар педагогикалық университеті» КеАҚ 2022 жылдың 26-27 сәуірінде ,Қазақстан Республикасы Білім және ғылым министрлігі бекіткен іс-шаралар шеңберінде, 5B012000-Кәсіптік оқыту білім беру бағдарламасы бойынша жоғары оқу орындары студенттерінің ХIV Республикалық пәндік олимпиадасына, М. Х. Дулати атындағы Тараз өңірлік университеті КеАҚ,«Өнер және спорт» факультеті, «Музыка және қолданбалы өнер» кафедрасынан п.ғ.м., аға оқытушы Таттибаева Гулжан Берликовнаның ғылыми жетекшілігімен, 5В012000 –«Кәсіптік оқыту» мамандығының
ПО-18-1 тобының 4-курс студенттері:

НАО «Казахский национальный женский педагогический университет»
26-27 апреля 2022 года в рамках мероприятий, утвержденных Министерством образования и науки Республики Казахстан, провел ХIV Республиканскую предметную олимпиаду среди студентов высших учебных заведений по образовательной программе 5В012000-«Профессиональное обучение». В олимпиаде приняла участие команда НАО «Таразский региональный университет имени М. Х. Дулати» факультета «Искусство и спорт», кафедры «Музыка и прикладное искусство», по специальности 5В012000-«Профессиональное обучение» под научным руководством м.п.н., старшего преподавателя Таттибаевой Гулжан Берликовны.

Елдегі саяси және басқару жүйесіндегі реформаларға құқықтық негіз беретін бұл референдумның маңызы зор. Бұл – Қазақстанның болашағын айқындайтын қадам. Сондықтан, ел-жұрт 5 маусымда елдегі өзгерістерге біркісідей атсалысып, қолдау көрсетеді деген үміт мол.

Сонда ғана Жолдауда жарияланған реформалар халықтың таңдауы арқылы құқықтық тұрғыда беки түседі. Жұрт өз таңдауы арқылы еліміздің саяси дамуының жаңа кезеңіне қадам жасайды. Референдумның өтетін уақыты белгілі. Оны өткізу тәртібі қандай, ел азаматтары оған қалай қатыса алады? «AMANAT» партиясының облыстық филиалының М.Х.Дулати атындағы Тараз өңірлік университетінде жас сайлаушылармен өткізген кездесуінде осы және өзге де мәселелерді түсіндірілді.

Жиынға Дулати университетінің басқарма төрағасы-ректор Талғат Ешенқұлов, «AMANAT» партиясы жанындағы Мемлекеттік басқаруды дамыту және сыбайлас жемқорлыққа қарсы іс-қимыл жөніндегі қоғамдық кеңестің мүшесі Қасымхан Төлендиев қатысты.

– Конституцияға енгізілгелі отырған өзгерістерде мемлекеттің басты капиталы – халқы және елдің, жердің иесі де сол халқы екенін айқындайтын басымдықтар бар. Жалпы Ата Заңдағы 98 баптың 33-і өзгертілмек. Бұл елдегі саяси жүйені құқықтық тұрғыда бекітеді,  - деді Қасымхан Естемесұлы.

 Жалпы Жолдау аясында Қазақстанның жалпы жүйелік трансформациясына ықпал ететін және мемлекеттің ұзақ мерзімді дамуының жаңа парадигмасын айқындайтын саяси реформалардың 10 басым бағыты белгіленгені белгілі. Конституцияға енгізілетін өзгерістер сол бағыттарды жүзеге асырудың заңдық негізі болады. Өйткені реформа саяси, құқықтық, партиялық жүйені, мемлекеттік билік бөлінісінің принципін өзгертеді. Университет басшысы Талғат Ешенқұлов жастарға алдағы өзгерістерден нақты не күтуге болатынын түсіндірді.

– Өзгеріс өзімізге керек. Конституциямызға енгізілетін өзгерістерді бекіту үшін өтетін референдумның мәні мен маңызы осында. Елдегі реформаларға құқықтық негіз болатын өзгерістер халық талқысына салынып отыр. Ендеше, оны қолдап, дауыс беру – елге жүктелген жауапкершілік. Тәуелсіз Қазақстанның ең басты құжаты – Конституциясы. Ал ондағы жазылған әрбір сөз, әрбір тыныс белгісі маңызды рөл атқаратынын жастар түсінуі керек. Қазірден елдегі орын алып жатқан өзгерістерді дұрыс саралап, ой түйіп, немқұрайлылық танытпау қажет, - деді Талғат Ілиясұлы.

*  *  *

Конституциялық реформа – еліміздің дамудың жаңа жолын таңдағанының көрінісі. Тарихқа көз жүгіртсек, Конституцияға өзгертулер мен толықтырулар енгізілуі әлемде бар тенденция. Алысқа бармай-ақ көршілес елдерде мұндай саяси процесстер жақын жылдарда болған. Сол себепті 27 жылдан кейін өткізілгелі отырған референдумға үрке қараудың еш жөні жоқ. Тиісінше, бұл қадам Конституциямызда айқындалған әр азаматтық конституциялық құқын растап, елдегі өзгерістерді өз таңдауына қалдырып отыр.

5 маусым күні өтетін референдум төңірегінде Дулати университеттерінің профессор-оқытушыларының пікірі жалпы осыған саяды. Оқу орнының бас ғимаратында өткен жиында оқытушылар елдегі орын алып жатқан өзгерістер туралы ойларын ортаға салды.

Референдумға қатысты, дауыс беру жүйесіне байланысты түсіндіру жұмыстары дәл осы күні бас ғимараттың мәжіліс залында өткен жалпы жиналыста да сөз болды.

Кездесуде 5 маусымда өтетін республикалық референдумға кәмелет жасына толған және белсенді сайлау құқығына ие Қазақстан Республикасының кез келген азаматы қатыса алатыны айтылды. Жергілікті атқарушы органдар дауыс берушінің тұрғылықты жері мен тұрақты тіркелуі негізінде алдын-ала тізім жасайтыны, 20 мамырдан бастап өз учаскеңізде аталған тізімдегі өзіңіз туралы деректерді тексеру мүмкіндігі берілетіні түсіндірілді.

Мәселен, егер сізде дерекке қатысты өзгерістер енгізу қажет болса немесе тізімде аты-жөніңіз болмаған жағдайда учаскелік референдум комиссиясына жүгіне аласыз.

Ұлы Жеңістің 77 жылдығына орай запастағы подполковник А.А. Дүйсенбаев және әскери кафедра студенттері Ұлы Отан соғысының ардагері Хайрулин Миникасым Сангатуловичтің жұбайын осы айтулы мерекемен құттықтады.

В честь 77-летия Великой Победы подполковник запаса Дуйсенбаев А.А. и студенты военной кафедры поздравили вдову ветерана Великой Отечественной войны Хайрулина Миникасыма Сангатуловича.

 «Жеңіс Күнін» мерекелеу құрметіне әскери кафедра студенттері Тараз қаласының «Ерлік» мемориалдық кешеніндегі Бауыржан Момышұлы ескерткішке гүл шоқтарын қойды.

Салтанатты рәсімге қатысушылар қаза тапқан батыр жауынгерлерді бір минут үнсіздікпен еске алды.

Әскери кафедра студенттері мерекеге орай қабырға газеттерін шығарды.