Жамбыл педагогикалық институты құрамында 1988 жылы «Азаматтық қорғаныс» кафедрасының негізінде «Биология» кафедрасы құрылды. Кафедра меңгерушісі ретінде доцент З.А.Дүлқайырова тағайындалды. 1996-1998 жылдары «Жаратылыстану ғылымдары пәндері» кафедрасы, ал 1998 жылы институттарды ірілендіру мақсатында Жамбыл Университеті, Жамбыл технологиялық институты және Жамбыл гидромелиоративтік құрылыс институттары бірігіп, М.Х. Дулати атындағы Тараз Мемлекеттік Университеті болып өзгертілді. Университет құрамында «Биология және экология» кафедрасы құрылды.
2001-2002 жылдың басында «Биология және экология» кафедрасынан «Биология» кафедрасы бөлініп шықты.
2004 жылы Қазақстан білім және ғылым Министрлігінің Жарлығымен М.Х.Дулати атындағы Тараз Мемлекеттік университетінен Тараз Мемлекеттік педагогикалық институты бөлініп шықты.
Тараз Мемлекеттік университетінің «Биология» кафедрасын б.ғ.к., профессор А.Е. Дәнебеков басқарды.
Ал Тараз Мемлекеттік педагогикалық институтының құрамында құрылған «Биология және БОӘ» кафедрасының меңгерушісі қызметіне а/ш.ғ.д., профессор Ж.С.Тулеубаев тағайындалды.
2023 жылдың 18 қазанында Жаратылыстану факультеті құрылып, «Биология» кафедрасы соның құрамына енді. Кафедраны б.ғ.к., қауымдастырылған профессор Г.К.Зияева басқарып келеді.
Кафедраның мақсаты: Қазақстандық және шетелдік биология бағытында және жоғары оқу орындары мен орта білім беру мекемелерінің қажеттіліктерін қанағаттандыратын, білімі мен құзыреті бар жоғары білікті биолог – мамандарды даярлау.
Серіктестер
Бітіруші түлек моделі
Биология ғылымын жетік меңгерген, қазіргі биологияның жаңа бағыттарын түсінетін және алған білімін ғылыми, практикалық және педагогикалық қызметте қолдана алатын жоғары білікті бакалавр мамандарды даярлау.
